Iðnaðarúrgangur!

Í sjónvarpsþættinum "Ripley´s belive it or not", sem ég sá fyrir nokkrum vikum, var innslag um Bláa lónið. Í þættinum er áherslan lögð á hið ótrúlega og í þessu tilfelli sú staðreynd að þarna baði fólk sig upp úr iðnaðarúrgangi. "Industrial waste ............ "Belive it or not".

Bjartir tímar virðast framundan hjá Reyknesingum og merkilegt nokk, þeir virðast tengjast orkuöflun og stóriðnaði hverskonar. Eitthvað sem er  V-grænum eitur í beinum. Þeir vilja hlúga að smáiðnaðinum og litlu sætu fyrirtækjunum. Þar byrja þeir á öfugum enda blessaðir, smáiðnaðurinn styrkist með tilkomu stórra traustra og stöðugra fyrirtækja.

Ef hjartað í sjúklingnum er ekki í lagi, þá fer hjartalæknirinn ekki að velta fyrir sér hvernig hann getur lagað háræðaþrengslin.  

Bláa lónið springur út

Athugasemdir

[Friðrik (IP-tala skráð) 29.2.2008 kl. 17:18]

"Ef hjartað í sjúklingnum er ekki í lagi, þá fer hjartalæknirinn ekki að velta fyrir sér hvernig hann getur lagað háræðaþrengslin"

 Ef bíllinn er bilaður þá lagarðu hann. Ef það kemur gat á buxurnar bætum við þær. Ef tölvan bilar lögum við hana. Ef þú handleggsbrotnar, þá lögum við hendina. 

 Ég gæti talið þetta upp í allan dag. Getur þú gert hið sama? þá með þínu viðhorfi. 

[Gunnar Th. Gunnarsson, 29.2.2008 kl. 17:35]

Skil ekki athugasemd þína Friðrik.... sennilega af því þú skilur ekki færsluna

[Friðrik (IP-tala skráð) 29.2.2008 kl. 21:57]

Ég skal þá útskýra.  Þú ert framsóknarmaður ekki satt? Þú studdir Kárahnjúkavirkun? og væntanlega styður. Þú vildir fórna öllu þessu landi fyrir þessa virkjun. Ég hefði viljað finna aðrar leiður til að skila sama árangri án þess að fórna neinu. Það er munurinn á mér og þér. Ég skil afstöðu ykkar framsóknarmanna, en þið framsóknarmenn virðist ekki skilja afstöðu okkar, og afhverju við viljum ósnorta náttúru, en ég ætla ekki dýpra í þá sálma.

Vona að við skiljum hvorn annan. 

[Benedikt V. Warén, 2.3.2008 kl. 12:50]

Friðrik er greinilega Vinstri Grænn uppfullur af hugmyndum um "að gera eitthvað annað".  Þetta innustæðulausa hjal hjá fólki eins og Friðrik, er orðið ansi þreytandi, svo ekki sé meira sagt. 

Þetta fólk er í neinu jarðsambandi við samfélagað.  Þetta er fólkið sem heldur í alvöru að rafmagnið verði til í veggtenglum húsa, - það kemur þaðan út ekki satt?

Þeirra mat er að það er í lagi að brjóta niður hraun og land undir byggð í landnámi Ingólfs er allt í lagi, en að leggja land undir starfsemi úti á landi eru náttúruspjöll.

Hafa menn eins og Friðrik, áttað sig á því að yfirborð gatna, göngustíga og bílastæða á Stór-Reykjavíkursvæðinu, er meira en það gróna land sem fer undir vatn við Kárahnjúka. 

Munurinn er að malbikið er innflutt mengandi olíublanda, en við Kárahnjúka er vistvæn náttúruafurð, - nefnilega vatn.

[Gunnar Th. Gunnarsson, 2.3.2008 kl. 15:55]

Ég ætlaði nú eiginlega ekkert að svara þessari vitlausu athugasemd Friðriks, sem þykist sjá að ég sé Framsóknarmaður! Friðrik segir:

 "Ég hefði viljað finna aðrar leiður til að skila sama árangri án þess að fórna neinu. Það er munurinn á mér og þér".

Þetta er svo vitlaus og leiðigjarn málflutningur og þeim fer óðum fækkandi sem aðhyllast hann. Innantóm orð!