Varð Bobby Fischer Íslandi dýr?

Ólafur Ragnar, forseti, móðgaði sendiherra Bandaríkjanna með því að hætta við orðuveitingu á Bessastöðum, rétt áður en sendiherrann renndi í hlað. Sumir segja að það sé ástæðan fyrir því að enginn sendiherra frá landi tækifærana hafi verið hér síðan. En gæti mál Bobby Fischers haft eitthvað með afstöðu Bandaríkjamanna til Íslendinga að gera?

Bandaríkjamenn höfðu reynt að klófesta Bobby Fischer í rúman áratug, þegar honum var smeygt inn í íslenska himnaríkið, gegn vilja þeirra. Fischer fékk flýtimeðferð hér og var gerður að íslenskum ríkisborgara á met tíma. Íslendingar sýndu Bandaríkjamönnum fingurinn.

Ekki löngu seinna fékk ákvörðun um veru bandaríska varnarliðsins á Íslandi, flýtimeðferð hjá stjórnvöldum vestanhafs. Herstöðin var yfirgefin á met tíma.

Og skömmu síðar, þegar Bandaríkjamenn ljáðu máls á því að auka gjaldeyrisforða Norðurlanda, var Ísland undanskilið. Var það vegna Bobby Fischers?

Og nú er enginn sendiherra......

 

Efast um hjónaband Fischers

Loka á Norðfirði

Nei.... mér finnst ekkert að það eigi að loka Norðfirði.... ekki í bili a.m.k.

Ein af sterkum röksemdum með sameiningu sveitarfélaga var einmitt sparnaður í formi minni og hagkvæmari stjórnunnar og yfirbyggingar. Það eru að vísu nokkuð mörg ár síðan sameiningin átti sér stað hjá Norðfirði og Reyðarfirði, en sumir segja að góðir hlutir gerist hægt.

Myndin tengist efni pistilsins ekki beint

Loka á Norðfirði

Hverjir fögnuðu?

 Ekki fá allir falleg eftirmæli frá fyrrum forseta, Frú Vigdísi Finnbogadóttur.

Mér fannst Vigdís breytast úr tiltölulega alþýðlegri menntakonu, í snobbað "Royalty".

Útgáfu ævisögu Vigdísar fagnað

Völd trúarleiðtoga eru greinilega vanmetin

1. Barack Obama
2. Hu Jintao
3. Vladimir Putin
4. Ben S. Bernanke
5. Sergey Brin and Larry Page
6. Carlos Slim Helu
7. Rupert Murdoch
8. Michael T. Duke
9. Abdullah bin Abdul Aziz al Saud
10. William Gates III

Benedikt páfi er í 11. sæti á lista yfir valdamestu menn heims og þar með er kaþólska kirkjan... trúin, í því sæti en mig grunar að völd hennar séu meiri en margra annarra sem ofar eru á lista Forbes. Sömuleiðis ýmsir trúarleiðtogar múslima. Þessir kallar stjórna lífi fólks á áhrifameiri hátt en einhverjir viðskiptajöfrar, þó vissulega séu þeir valdamiklir.

Páfinn og tvífari hans

Valdamestu menn heims

Henni ferst að vanda um fyrir öðrum!

Af hverju kvartar engin yfir því að hún sé að leika sér í vinnunni?

Kvartaði yfir neftóbaksnotkun þingmanna

Góður í frosti og drullu

Helsti akkilesarhæll  nánast allra sjálfvirkra skotvopna er að þeim hættir til að standa á sér. AK-47 hríðskotariffillinn er þó undantekning frá því og galdurinn á bak við það er hversu einfaldur mekanisminn er í rifflinum. Hinir hreyfanlegu hlutir virka allt að því losaralegir, sem gerir það að verkum að óhreinindi hafa ekki áhrif. AK stendur fyrir Avtomat Kalashnikova og 47 fyrir árið 1947, en þá hófst verksmiðjuframleiðsla á byssunni. Rússneski herinn tók vopnið í sína þjónustu árið 1949 en segja má að þessi merkilega byssa hafi ekki verið fullhönnuð fyrr en árið 1955.

Um 100 miljón eintök hafa verið framleidd af byssunni eða fleiri en af nokkurri annarri tegund af sambærilegu vopni. Nokkrar útgáfur eru framleiddar í mismunandi löndum, m.a. í Kína, Ungverjalandi, Póllandi, Rúmeníu, Austur-Þýskalandi, Búlgaríu, Júgóslavíu, Norður-Kóreu, Egyptalandi og Írak.

Hér til hliðar eru nokkrar útgáfur af AK-47, sem eru "löglegar" í Bandaríkjunum en þessir eru "semi automatic".

A. Hesse Model 47 / Model AMD 63
B. Norinco 84-S Chinese made .223
C. AK Concepts Tactical Pistol 
D. Hungarian AMD 65 
E. Norinco NMH 90
F. Arsenal Inc AK74 Bulgarian Rifle
G. Polish Under Folder

Verðið er á bilinu 300 - 1.800 Dollarar.

AK-47 er ekki sá nákvæmasti, t.d. er M-16, bandaríski hríðskotariffillinn, sem upphalega var notaður í Víetnam-stríðinu árið 1963 og notaður er í dag af mörgum NATO-þjóðum, mun nákvæmari, en hann er líka mun dýrari, þyngri og flóknari byssa með áðurnefndan akkilesarhæl.

 

 

Kalashnikov „Hetja Rússlands“

Óli Bónusgrís

Sennilega hafi fáir ef nokkur þjóðhöfðingi vestræns lýðræðisríkis niðurlægt embætti þjóðar sinnar með jafn afgerandi hætti og Ólafur Ragnar Grímsson.

Ég vil benda á ágætan pistil Hannesar Hólmsteins Gissurarsonar því til staðfestingar, HÉR . Hannes rifjar upp fádæma dónaskap Ólafs í garð sendiherra Bandaríkjanna, sem hefur orðið þess valdandi að Bandaríkjamenn hafa ekki haft sendiherra hér í nærri ár. Ólafi var ekki boðið í embættistöku Obama og því hefndi hann sín með afar óviðfeldnum hætti, eins og Hannes rekur í pistlinum.

En Ólafur var ekki ókurteis við alla. Þó hann kæmi fram við fulltrúa gamallar vinaþjóðar eins og argasti dóni, var hann kurteisin uppmáluð við þá íslensku skuldakónga, sem ollu bankahruninu, Bónus-menn. Vann hann það jafnvel til sumarið 2004 að synja lögum, sem takmarkað hefðu kost þeirra á að móta almenningsálitið, staðfestingar.  

Hannes endar pistil sinn á limru ónefnds hagyrðings

Hann vanhæfur kemur að verkinu,

Vigdís plantaði lerkinu

Hvert barn má það sjá,

að Bónus hann á.

                       Það er mynd af honum í merkinu.

 

	Forvarnarverðlaun veitt á Bessastöðum
Ábyrgðarmaður færslu Tenging við þessa frétt hefur verið rofin vegna kvartana.

Sláturhús, af misjöfnu "sauðahúsi"

Að láta lifandi verur kveljast, hvort sem það eru menn eða dýr, er ofar mínum skilningi. Myndbandið hér að neðan, úr sláturhúsi í Vermont, USA, er....

 ALLS EKKI FYRIR VIÐKVÆMA

	Stríðsdans í sláturhúsinu
Ábyrgðarmaður færslu Tenging við þessa frétt hefur verið rofin vegna kvartana.

Reyðarfjörður, fyrir og eftir álver

Eitt helsta vandamál fyrirtækja á landsbyggðinni er lítill nær-markaður og ef menn vilja út fyrir markaðinn er þ.a.l. mikill flutningskostnaður.

Oft sér maður málum stillt upp á þann veg að fólk standi frammi fyrir tveimur valkostum:

"Stóriðju, eða eitthvað annað"

Ég hef aldrei skilið þessa afarkosti, enda eru þetta í mótsögn við raunveruleikan.

Íbúum á Reyðarfirði hefur fjölgað um 80% frá því fyrir álver, úr rúml. 600 í um 1.100. Í Fjarðabygð allri voru íbúar í hinum fimm byggðarkjörnum; Reyðarfirði, Eskifirði, Neskaupsstað, Fáskrúðsfirði og Stöðvarfirði, 3.995 árið 2002 en voru 1. des sl. 4.736, eða fjölgun upp á 19%. Um 30% starfsmanna álversins (ca. 130 manns) búa á Egilsstöðum.

Vandamál Reyðfirðinga fyrir álver, var EKKI atvinnuleysi, heldur fólksflótti og fólksflóttinn er vandamál landsbyggðarinnar í hnotskurn. Þegar fyrirtæki á landsbyggðinni leggja upp laupana, þá flytur fólkið sem missir atvinnuna burt í mörgum tilfellum og þegar íbúum fækkar minnkar grundvöllur fyrir eðlilegri þjónustu við íbúana. Þannig verða ákveðin "dómínóáhrif" í þróuninni.

Fyrir álver, var Austurland mesta láglaunasvæði landsbyggðarinnar, en í dag eru meðallaun þar þau hæstu. Andstæðingar stóriðjunnar töluðu um neikvæð ruðningsáhrif hennar. Ef hægt er að tala um ruðningsáhrif, þá var það að þau ruddu í burt láglaunastörfunum vegna samkeppnisáhrifa um vinnuafl á svæðinu eftir að álverið tók til starfa.

Hér að neðan er loftmynd af Reyðarfirði, fyrir og eftir álver. Það má gagnrýna bæjaryfirvöld fyrir að dreifa byggðinni of mikið. Auk þess er nafngiftir gatna og númerakerfi og skipulag þeirra til skammar.

Og svo sögðu andstæðingar framkvæmdanna eystra að þær hefðu takmörkuð áhrif og aðallega á meðan á framkvæmdunum stæði! Sumir "málsmetandi" menn (að sjálfsögðu yfirlýstir andstæðingar framkvæmdanna), létu hafa eftir sér opinberlega að Íslendingar fengjust ekki til að vinna í álverinu, heldur yrði það mannað með undirborguðum Pólverjum.

Í apríl 2007, skrifaði ég pistilinn Reyðarfjörður, hvernig hefurðu það? 

150 ný störf hjá sex frumkvöðlasetrum

Hundar og menn

Sumir segja að hundurinn sé besti vinur mannsins... aðrir hesturinn. Aldrei talað um að maðurinn sé besti vinur mannsins.

Ég man ekki eftir að hafa séð hest líkjast eiganda sínum, en oft hunda.

Fyrsta flokks hundahótel