Betri heilsugæsla

Konu nokkurri á landsbyggðinni, heldri frú og formanni kvenfélagsins sem hafði staðið fyrir söfnun til styrktar sjúkrahúsinu á staðnum, var boðið í kynnisferð um sjúkrahúsið. Yfirlæknir spítalans fylgdi konunni um gangana og er þau gengu framhjá einni stofunni sjá þau karlkyns sjúkling liggja í rúmi sínu og er hann að fróa sér á fullu. “Guð minn almáttugur!” hrópaði konan. “þetta er viðurstyggð! Hvers vegna er maðurinn að þessu hér?” Yfirlæknirinn sagði yfirvegað við konuna, “Mér þykir leitt að þú skulir hafa orðið vitni að þessu, en þessi maður er haldin alvarlegum sjúkdómi sem lýsir sé í því að eistu hans fyllast stöðugt og hratt af sæði og ef hann gerir þetta ekki a.m.k. 5 sinnum á dag þá myndi hann þjást af gríðarlegum verkjum og eistu hans gætu auðveldlega rifnað undan álaginu. “Ó, þannig liggur í þessu”, segir konan kindarleg í framan og þau halda áfram eftir sjúkrahúsganginum. Er þau ganga fram hjá næstu stofu, sjá þau þar inni annan karlkyns sjúkling liggjandi í rúmi sínu og hjúkrunarkona er að hafa við hann munnmök. “Guð minn almáttugur!”, segir konan, “Hvernig getur ÞETTA verið réttlætanlegt!?” Aftur svarar yfirlæknirinn rólega og yfirvegað: “Sami sjúkdómur, betri heilsugæsla”.

Gerum þetta svona...

Það er engin mafía. það er ekkert óeðlilegt að austurblokkin kjósi sjálfa sig. Menningarlegur skyldleiki ræður þar öllu, eðlilega. Okkar atkvæði lenda flest hjá frændþjóðunum en það er ekki af því við viljum vera óheiðarleg. Við bara "fílum" þau betur. En ef þetta á að vera gaman fyrir vesturevrópubúa þá verður að skipta forkeppninni í tvennt, austur og vestur og í lokakeppninni verði 14 lönd úr hvorri blokk. Ég rissaðu upp nýtt "jarntjald". Spurning hvort við ættum að leyfa Ísraelum og jafnvel Tyrkjum að vera með okkur.  Hvernig líst ykkur á þessa hugmynd? Endilega segið ykkar skoðun.

Fleiri en Eiríkur ósáttir við svæðaskiptingu í Eurovision

Grænt kvef

Kvef

pólitískt ljóð nr. 1

þegar ég snýti mér
kemur úr vinstri nös
grænt hor
sem ég kalla vinstri
grænt og úr hægri nös
hor sem ég kalla hægri
grænt sem framsóknarbindi
grænt sem lauf á sigurkransi
grænt sem mosi á heiði sem sekkur
undir lón til að knýja vonir brottfluttra austfirðinga

engu að síður
er nauðsynlegt að snýta sér af og til
vilji maður ekki stíflast algerlega

----------------------------------------------------------------

Tekið af baggalutur.is

Mín Euro spá

Það efast náttúrulega enginn heilvita Íslendingur um að Eiki Rauði komist upp úr forkeppninni

10 bestu þjóðirnar samkvæmt dómnefnd BBC eru:

1. Þýskaland
2. Sviss
3. Serbía
4. Georgía
5. Spánn
6. Grikkland
7. Kýpur
8. Búlgaría
9. Hvít-Rússland
10. Rússland

Mín spá um 5 efstu:

1. Rússland

2. Svíþjóð

3. Tyrkland

4. Þýskaland

5. Ísland

Spá Þjóðverjum sigri í Söngvakeppni evrópskra sjónvarpsstöðva

Umhverfislegur rétttrúnaður

Ekki trúi ég að VG né Íslandshreifingin hafi verið stolt af frambjóðendum sínum á borgarafundinum á Egilsstöðum sem sýndur var í sjónvarpinu í gærkvöldi. Slakari frambjóðendur man ég ekki eftir að hafa séð fyrr. Engin raunhæf svör við einu né neinu, aðeins gagnrýnt. Blaðamenn eru ágætir í að gagnrýna en við gerum meiri kröfur til frambjóðenda til Alþingis. Kjósendur þurfa svör við því hvernig á að leysa úrlausnarefnin, það er ekki nóg að benda á þau.

  Halldór Haraldsson (sem augljóslega er v-grænn) bendir mér á grein í Ný-Sjálensku dagblaði um að krafist hafi verið lögbanns á fræðslumyndina The great Global Warming Swindle, en myndin fjallar um eins og titill hennar bendir til, um efasemdir um að hnattræn hlýnun sé alfarið af mannavöldum. Fjöldi vísindamanna kemur að gerð myndarinnar og hún var frumsýnd 8. mars sl.  Ég renndi nú yfir greinina og sé hvergi að lögbanns hafi verið krafist. Hins vegar vissi ég af þessu frá upphafi að vísindamaðurinn Eigil Friis-Christensen hafði bent á villur í myndinni strax þegar hún var frumsýnd. Í greininni sem hann vísar til kemur einnig fram að framleiðandi myndarinnar segir:  "It is an annoying mistake which all of us missed and is being fixed for all future transmissions of the film. It doesn't alter our argument." Reyndar kemur einnig fram í greininni að þessi mistök höfðu ekki verið leiðrétt þegar myndin var gefin út á DVD nýlega.

Það er nú svo að framleiðendur fræðslumynda sem eru að selja afurðir sýnar á markaði, fara stundum frjálslega með staðreyndir. Óskarsverðlaunamynd Al Gores er þar síður en svo undantekning eins og bent hefur verið á. Ég er ekki neinn sérstakur stuðningsmaður þeirra ályktana sem fram koma í Global Warming Swindle, þó mér finnist þær athyglisverðar, en mér finnst hins vegar umhugsunarvert hvernig vinstrimenn og umhverfisverndarsinnar (svo merkilegt sem það nú er að það skuli hanga saman) verða æfir ef einhver dirfist að hafa efasemdir um að hin hnattræna hlýnun sé af mannavöldum. Getur verið að verndunarsinnar á Íslandi sjái að málstaður þeirra og fylgi kunni að vera í hættu ef fólk efast? Að það þjóni ekki hagsmunum þeirra fyrir kosningar að þessum sjónarmiðum sé haldið á lofti?

Ég gerði athugasemd á bloggsíðu Halldórs um þetta efni en fæ ekki annað séð að henni hafi verið eytt út.

Pólitíska persónuleikaprófið

Ég varð að stela þessu af bloggsíðunni hans Péturs Tyrf. Útkoman úr prófinu virðist koma mörgum á óvart, m.a. mér. Einn kommentaði reyndar mjög skemmtilega um þetta á síðu Péturs. Hann sagðist hafa tekið prófið með enga skoðun í öllum spurningunum, og niðurstaðan var að hann er Samfylkingarmaður. Þetta eru örfáar spurningar, endilega prófið. (farið verður með öll svör sem trúnaðarupplýsingar)

Pólitíska Prófið

 

VG ályktar og yfirlýsir um yfirtökutilboð erlendra fyrirtækja

Jahérna! Nú skal bregðast við minnkandi fylgi í skoðanakönnunum.

En það er auðvitað hárrétt hjá VG að á stjórnarfundum Alcoa er ekki rætt um samfélag fólks og náttúru, heldur snúast átökin um hagsmuni fjármagns og fyrirtækja. Að vísu ber framkoma Alcoa á Austurlandi vitni um annað, en það er önnur saga. Þegar VG komst að þessari djúpspöku niðurstöðu, sáu þeir ástæðu til að byrta yfirlýsingu þess efnis í fjölmiðlum. En ályktanir flokksins um framkomu Alcoa gagnvart Landsvirkjun í fjarlægri framtíð, lýsir kannski best afstöðu V-hreifingarinnar til erlendra stórfyrirtækja almennt, en einnig þekkingarleysi þeirra á samningum orkukaupenda og Landsvirkjunar. Það er samt auðvitað þannig að þessi fyrirtæki eru hér fyrst og fremst til að græða, en jafnframt er það hluti af gróða-módelinu að hafa starfsumhverfið traust og öruggt og vera í sátt við samfélagið sem það starfar í.

En þessi yfirlýsing VG leiðir hugann að öðru. Í upphafi kosningabaráttunnar talaði VG um stóriðjustopp, en þegar dregið hefur nær kosningum, þá sé ég æ oftar breytt orðalag frá þeim. Steingrímur J. hefur látið hafa eftir sér nokkrum sinnum undanfarið, að nú sé kominn tími til að taka hlé í stóriðjunni. Hvern heldur Steingrímur að hann sé að blekkja? Hvenær hefur VG viljað stóriðju? Hjá þeim sem takandi er mark á þýðir "hlé" að um tímabundið stopp sé að ræða. Hjá Vg hefur alltaf verið eitt stórt STOPP og þeir hafa ekki verið til viðræðu um neitt annað hingað til.

VG segir átök álfélaga snúast um hagsmuni fjármagns en ekki samfélags

Innræti Steingríms J.

"Flokkakynning" var afar athyglisverður þáttur í sjónvarpinu í gær. Í tilfelli V-Grænna væri nær að kalla þáttin "kynning á pólitísku innræti Steingríms J. Sigfússonar". Þegar Steingrímur er spurður út í bók Margrétar Frímannsdóttur, þá sagðist hann ekki hafa lesið hana. Eins og þeir vita sem lesið hafa bókina, þá fer Margrét ekki fögurum orðum um Steingrím. Hún segir t.d. í bókinni að jafnréttishugsjónin og umhverfisvernd hafi hvergi verið sjáanleg í orðum né gerðum Steingríms á Alþýðubandalagsárum beggja og þó sérstaklega það fyrrnefnda í formannstíð Margrétar. Þó eru þessir tveir málaflokkar ásamt utanríkismálum að sögn Steingríms, þau mál sem gert hafi hann að vinstrimanni.

Uppáhalds bloggarinn minn Pétur Tyrfingsson er með athyglisverðan pistil um þáttinn. Pétur segir m.a. "Það vakti athygli mína að þegar frásagnir Margrétar Frímannsdóttur um framvindu mála voru bornar undir Steingrím Joð þá segist hann ekki hafa lesið bókina! Þetta er í annað sinn sem ég sé og heyri hann játa að vera hér ólesinn. Nú hafa samflokksmenn formannsins sagt að hann sé opinn fyrir nýjum hugmyndum, geti skipt um skoðun o.s.frv. Þessi víðsýni virðist þó ekki næg til að hann hafi áhuga á að lesa frásagnir fyrrum félaga síns og samstarfsmanns á Alþingi af þeim mikla umbrotatíma í uppstökkun vinstrihreyfingarinnar sem leiddi til stofnunar Samfylkingar og Vinstri-Grænna".

Satt að segja veit ég ekki hvort ég á að trúa því að hann hafi ekki laumast í bókina, a.m.k. undir sæng með vasaljós og dregið fyrir glugga. En ég verð nú samt að reikna með að hann segi satt frá í þessu efni og í ljósi þess þá eiginlega sannar það orð Margrétar í bókinni, að hún hafi gjörsamlega verið hunsuð af honum og Svavari Gestssyni. Annað vakti athygli mína í þættinum. Hann talaði um rangar áherslur í atvinnumálum (stóriðjustefnan) og máli sínu til stuðnings nefndi hann fjölmörg fyrirtæki á öðrum sviðum sem hafa blómstrað. Hvað var "pointið"? Að fyrirtæki hafi blómstrað í tíð Sjálfstæðisflokksins?

Orð Guðfríðar Lilju um að það sé "ótrúlega gamaldags" að koma með risastórar töfralausnir í atvinnumálum, vöktu einnig athygli mína. Þegar talað er um   töfralausnir er það yfirleitt meint sem kaldhæðni, því yfirleitt eru töfralausnir ekki til. En undantekningin sannar regluna því fólk á Stór-Reyðarfjarðarsvæðinu upplifir það sem þar er að gerast einmitt sem töfralausn. Ekki síst fyrir eldri fyrirtæki á staðnum, en einnig splunkuný fyrirtæki og fjölmörg stór og sterk aðkomin fyrirtæki af höfuðborgarsvæðinu og víðar. 

Sjóstangaveiði, miklir möguleikar

Úrtölumenn og heimsendaspámenn klifa stöðugt á að svokölluð stóriðjustefna sé að rústa ímynd Íslands og að ferðamannaiðnaðurinn líði fyrir. Stöðugt berast samt fréttir af nýjum metum í komu ferðamanna til landsins en það gerist ekki af sjálfu sér. Markaðssetning er lykilatriði og þess vegna  er frekar súrt að umhverfissinnar og hvalavinir séu að gera sér sérstakt far um að sverta okkur fyrir umheiminum á erlendri grund. En bjartsýnisfólkið heldur ótrautt áfram og þessi frétt af mbl.is ber vitni um það. Framleiðsla í fullum gangi á sjóstangveiðibátum hjá Seiglu ehf. á Akureyri og á fimmtudag mun svo ný verslun, RB-Veiðibúð að Skútuvogi 4 í Reykjavík opna, með mikið úrval af sjóstangaveiðivörum. Þar fást einnig flotgallar, fluguveiðistangir o.m.fl. 

Ég vil óska þessum framkæmdamönnum alls hins besta og virkilega ánægjulegt að sjá fólk reyna að nýta sér tækifærin á sem flestum sviðum í ferðamannaiðnaðinum.

Tugir stangveiðibáta smíðaðir á Akureyri

Stern-skýrslan um gróðurhúsaáhrifin

Það hefur lítið verið minnst á Stern-skýrsluna í íslenskum blöðum síðan hún kom út í janúar á þessu ári. Þá birti Morgunblaðið ítarlega frásögn af henni og skrifaði leiðara um hana. Síðan hefur lítið heyrst um hana. Ég vitna hér í netgrein Jakobs Björnssonar þar sem hann vitnar í téða skýrslu þar sem segir m.a. að það sem hægt er að gera til varnar gróðurhúsaáhrifum er að auka álvinnslu á Íslandi með virkjun vatnsorku og jarðhita í stað rafmagns úr eldsneyti. Á bls. 261 í Stern-skýrslunni segir svo: "Fyrirtæki þurfa að taka ákvarðanir til langs tíma þegar ákveða skal fjárfestingar í verksmiðjum og tækjum sem ætlað er að starfa áratugum saman. Eitt dæmi um þetta er vöxtur áliðnaðarins á Íslandi. Ísland hefur dregið til sín álframleiðendur bæði frá Evrópu og Bandaríkjunum, að hluta til vegna þess að með því að reiða sig í miklu ríkari mæli en áður á raforku úr endurnýjanlegum orkulindum draga þeir úr áhættunni af kostnaðarhækkunum vegna strangari reglna í framtíðinni um losun gróðurhúsa-lofttegunda."

Ennfremur segir í grein Jakobs; "Ísland er í sérstöðu á heimsmælikvarða hvað orkulindir varðar. Með 100 sinnum meiri efnahagslega vatnsorku á hvern íbúa en jarðarbúar hafa að meðaltali, sem aðeins er nýtt að 29% (eftir Kárahnjúkavirkjun) og ríflegan jarðhita að auki; með eina mestu notkun á raforku á mann í landinu til almennra þarfa sem þekkist í veröldinni, og þannig staðsett, úti í reginhafi, að ekki er unnt að selja raforku þaðan til almennra nota í öðrum löndum vegna flutningskostnaðar. Breytingar á því eru ekki í sjónmáli".

Og einnig; "Útflutningur á orkunni í formi raforkufrekra afurða eins og áls er eina færa leið okkar til að nýta okkar miklu orkulindir efnahagslega. Svo vel vill til að sú leið er jafnframt æskileg frá sjónarmiði baráttunnar við gróðurhúsavandann. Áhrif virkjana á Íslandi á náttúruna eru nákvæmlega hin sömu til hvers sem rafmagnið frá þeim er notað".

Stern-skýrslan er HÉR