Trúarleiðtogi þjóðarinnar

Æðsti yfirmaður innan kirkjunnar á Íslandi var barnaníðingur.

Hugsið ykkur geðveikina.... maður í þessari stöðu... horfir kinnroðalaust framan í þjóðina.

Hvað á að gera í framhaldinu? Maðurinn er dáinn og grafinn. Ber þjóðkirkjan einhverja sök?

Lýsti alvarlegum brotum

Þarna er óþolandi hugtak

"....einnig sem víðerni og hluti af stærri landslagsheild."

Ástæðan fyrir því að ég segi "óþolandi", er að þarna er settur fram smekkur en ekki rök.

Hvað er stór landslagsheild? Hvað er víðerni? Hvenær hættir landslagsheild að vera landslagsheild? Hvenær hættir víðerni að vera víðerni?

Ég neita að fá stöðluð svör frá ESB um þessi mál, en eflaust á sambandið til lög um þetta í lengd og breidd.

Fagna áformum um stækkun friðlands

Og í faðm þeirra vilja þeir falla

Það hljóta allir að sjá að ESB er hagsmunamafía peningaafla. En svo reynir sambandið að fegra ásjónu sína með "hand-out" til fátækra og/eða jaðarbyggða. Fjármunum til ölmusugjafanna sem þessir spilltu Evrópukratar útdeila af gæsku sinni, er að sjálfsögðu aflað með sköttum frá þeim löndum sem Evrópusambandið ákveður að séu aflögufær.

Komintern var kommúnistum það sem ESB er krötum.

Íslensku Kratarnir vilja í faðm ESB. Sumir segja að það sé vegna þess að obbinn af háskólamenntuðu fólki innan Samfylkingarinnar fengi þægilega stóla í Brussel á flottum launum. Það kæmi mér ekki á óvart.

Þegar ég var í leshring hjá litlum Kommúnistaflokki í Reykjavík í kringum 1980, þá voru "bleikir" kommúnistar að okkar áliti, ávísun á spillingu og tækifærismennsku. Gott ef þessi pólitíska manngerð var ekki kölluð "endurskoðunarsinnar" í Kommúnistaávarpinu eftir Marx og Engels. Ég var svo rauður á þessum árum, að Alþýðubandalagið var argasta íhald í mínum augum og Alþýðuflokkurinn var bara vatnsbland.

Í raun voru forystumenn leshringsins uppteknari við að innræta okkur lærlingunum, hatur á "endurkoðunarsinnunum", þ.e. Alþýðuflokknum og Alþýðubandalaginu, en nokkru öðru. 

En í gegnum tíðina hefur mér fundist Alþýðubandalagið og síðar arftaki þeirra V-grænir, vera heldur staðfastari og sjálfum sér samkvæmir oft á tíðum. Maður veit hvar maður hefur þá. En þeir eru skelfilega þrjóskir og það hefur stundum orðið þeim að falli. Samfylkingin er "vatnsblandið", eins og faðir þess, Alþýðuflokkurinn.

En ég hef nú í tíu ár gert orð Willy Brandts að mínum, þegar hann var "sakaður" um að hafa verið kommúnisti á yngri árum:

"Sá sem er ekki kommúnisti þegar hann er tvítugur, er hjartalaus. Sá sem er það enn þegar hann er fertugur, er heilalaus."

Lokað á lán vegna Icesave

Þetta eru reyndar 10 ár

Ég held að það sé öruggt að þarna er verið að tala um til og með þessum árum... og það gera 10 ár en ekki 9, eins og segir í fyrirsögn fréttarinnar.

Það gerir 1,9 morð á ári og afar fá lönd í veröldinni geta státað af eins lágri morðtíðni.

19 morð á 9 árum

Var þess ekki krafist áður?

Það er sjálfsögð krafa að prestar hafi sæmilega hreint sakavottorð.

Töluvert oft er krafist sakavottorðs með atvinnuumsóknum og jafnvel námsumsóknum, en ég þurfti að framvísa sakavottorði þegar ég hóf ökukennaranám í Háskóla Íslands.

Mér finnst sjálfsagt að allir þeir sem vinna sem fagmenn með fólk, sérstaklega börn, framvísi sakavottorði.

Starfsmenn kirkjunnar skimaðir

Má ekkert segja?

Það hefði e.t.v. mátt orða þetta eitthvað öðruvísi, en innihald orða Björgvins er samt alveg rétt. Það á að vera hluti af hjálparstarfi Stígamóta að fjalla um þessa hluti, þ.e. að auðvitað ber hver og einn ábyrgð á sjálfum sér.

Hvort sem fólki líkar það betur eða ver þá eru skilaboð fólgin í því hvernig konur haga sér og klæða sig. Ef við ímyndum okkur unga stúlku, nærbuxnalausa í stuttu pilsi, sem er ófeimin við að sýna dýrð sína á skemmtistað og fer svo með ókunnugum mönnum í samkvæmi.

Ef konunni er nauðgað í samkvæminu, þá er það að sjálfsögðu ekki henni að kenna..... en hún hefði getað "presenterað" sig öðruvísi fyrir umheiminum. Forvörnin í þessum málum getur alveg snúist um að kenna konum að koma sér ekki í hættulegar aðstæður.

Björgvin hættir sem yfirmaður kynferðisbrotadeildar

Segðu af þér, Ólafur!

Það er merkilegt að ekki skuli vera hægt að finna betri þjálfara en Ólaf Jóhannesson.

Liðsvalið er eitt og svo leikskipulagið annað. Nú velur Ólafur Árna Gaut í markið. Ég veit svo sem ekki hvernig Árni hefur verið að standa sig að undanförnu, en Árni hefur oftar en ekki sýnt mjög slaka frammistöðu með landsliðinu og ég fullyrði að enginn markvörður okkar eigi lélegri statistík en hann. Afhverju er Ingvari Þór Kale ekki gefinn sjénsinn? 

Ég sagði í pistli í gær að það væri fáránlegt að taka bestu menn úr 21. árs liðinu sem eru að fara að spila sinn stærsta leik í mörg ár, gegn Þjóðverjum, til þess að spila A-vináttulandsleik við eitt slakasta landslið Evrópu, Liechtenstein.

Og svo er það uppstillingin á liðinu; 4-5-1 sýnist mér.

Ólafur hefur ekkert í landsliðsþjálfarastöðuna að gera. Það á að reka hann og sömuleiðis Geir Þorsteinsson, formann KSÍ.

Árni Gautur byrjar í markinu

Ég tek undir gagnrýnina

Ólafur Jóhannesson, landsliðsþjálfari í fótbolta, verður seint sakaður um að vera auðmjúkur og kurteis í fjölmiðlum, þegar hann er spurður út í málefni landsliðsins.

Þessi hrokafulla framkoma hans í garð 21. árs landsliðsins er ámælisverð að mínu mati. Það battarí sem er í kringum hið unga og efnilega framtíðarlandslið íslands, leikmenn og aðrir, hlýtur að vera óánægt með þessa framkomu og á með réttu að kvarta yfir henni til yfirstjórnar KSÍ.

Sterkur landsliðshópur

Mjög góðri stundu

Textinn við myndina hér að neðan, byrjar: "Limbaugh á góðri stundu." Sumir myndu jafnvel kalla þetta : "...á mjög góðri stundu".

Gosið endurspeglaði reiði Guðs

Augljóst hvað styggði fílinn

Brött aðkoma fílahirðisins inn í rými hins unga fíls, gerir það að verkum að honum dauðbregður. Það sést greinilega á myndbandinu við þessa frétt. Fíllinn breiðir út eyrun um leið og fílahirðirinn birtist, en það eru ósjálfráð varnarviðbrögð, líkt og hjá ketti sem gerir sig stóran með kryppu og útstandandi hárum á baki og makka.

Árás fílsins er hræðsluviðbragð.

Góður íslenskur bóndi kemur að skepnum sínum með nærgætnari hætti

Fíll ræðst á mann