Er DV að stela frá mér?

Ég bloggaði um Faraldur á Fáskrúðsfirði   í pistli hér á undan. Ég var fyrstur með þessa frétt í fjölmiðlum og svo virðist sem DV hafi tekið nánast orðrétt af bloggi mínu og sett sem "s(v)ína" frétt í vefmiðilinn.

Úr frétt DV um svínaflensu á Austurlandi, sjá HÉR :

"Um helmingur barna í Grunnskóla Fáskrúðsfjarðar liggur nú í flensu og einnig skólastjórinn".

"Flensan er sögð leggjast misjafnlega á nemendur. Sumir þeirra sem fóru heim úr skólanum vegna slappleika, voru komnir með um 40 stiga hita tveimur tímum síðar."

Úr mínum pistli:

"Um helmingur barna í grunnskólanum á Fáskrúðsfirði liggur nú í flensu og skólastjórinn sömuleiðis"

"Flensan leggst misjafnlega á krakkana og sumir þeirra sem fóru heim um hádegisbil vegna slappleika, voru komnir með um 40 stiga hita tveimur tímum síðar."

Sumir hafa nú verið dæmdir fyrir svipaðar sakir

Svínaflensa á Austurlandi

Athugasemdir

[Steingrímur Helgason, 13.10.2009 kl. 01:09]

& í blöðum má leza um bloggzkrílinn okkur...

[Jóna Kolbrún Garðarsdóttir, 13.10.2009 kl. 02:23]

Heitir það ekki ritstuldur ef ekki er getið heimilda?  Auðvitað er þetta hreinn og klár ritstuldur. 

[anna (IP-tala skráð) 13.10.2009 kl. 09:49]

Gefið börnunum Lýsi ! Amerískir læknar segja að D-vítamín sé besta vörnin gegn þessari hvimleiðu pest.