Stórskyttuefni

Frá því Ísland komst á heimskortið í handbolta, sennilega 1964 (eða var það 1961?), þá hafa margir erlendir handboltaspekingar undrast hversu mikið okkar litla þjóð hefur átt af góðum rétthentum langskyttum. Við höfum virst framleiða slíka handboltamenn á færibandi. Það færiband hefur reyndar hökkt dálítið síðastliðinn áratug en höfum þess í stað átt afburða handboltamenn í nánast öllum öðrum stöðum á vellinum.

Í dag er Aron Pálmarsson klárlega ein efnilegasta rétthenta skyttan í heimninum í dag. En hann er ekki bara góð skytta heldur hefur hann allt sem góðan handboltamann þarf að prýða.

Það verður gífurlega spennandi að fylgjast með pilti á næstu árum.

Aron í aðgerð hjá Kiel

Athugasemdir

[Baldur Hermannsson, 3.4.2009 kl. 14:01]

Einar Hólmgeirsson er stórskytta af gamla skólanum en hann er mikið meiddur og er kannski búinn að tapa skotkrafti. En það er satt, eitthvað í genunum gerði það að verkum að við áttum fleiri stórskyttur en aðrar þjóðir. Manstu eftir Gunnlaugi Hjálmarssyni? Hann var eins og fallbyssa.

[Jóhann Elíasson, 3.4.2009 kl. 14:13]

Þetta er nokkuð rétt hjá þér.  Helsti gallinn við Aron er sá að hann er FH-ingur.

[Ragna Birgisdóttir (IP-tala skráð) 3.4.2009 kl. 14:36]

Aron er frábær og athugum það að hann er aðeins átján ára.Hann hefur kraftinn,hæðina,útsjónarsemina,varnarvinnuna og áræðnina.Það er ekki  tilviljun sem Alfreð okkar Gíslason krækti í pilt til KIEL.Gerir ekkert til hvaðan hann kemur.Drengurinn er Íslendingur.

[Gunnar Th. Gunnarsson, 3.4.2009 kl. 17:32]

Ég byrjaði að fylgjast með handbolta 1970 og ég held að Gunnlaugur hafi verið hættur þá. Ég fór á nánast hvern einasta landsleik á árunum 1970 - 1990

[Gunnar Th. Gunnarsson, 3.4.2009 kl. 22:56]

Vinstrihandarskyrrur hafa reyndar ekki verið vandamál hjá okkur, s.b. Kristján Ara, Óli Stef og Einar Hólmgeirs. En hreinn "dúndri" vinstramegin hefur verið vandamál.