Í umboði hverra?

Þegar ég heyri "Raddir fólksins", þá sé ég andlit Harðar Torfasonar. Hvað segir það mér? Hvað eiga allir þeir fjölmörgu mótmælendur sem komið hafa saman undir merkjum Harðar Torfa, sameiginlegt? Harla fátt að ég tel, annað en reiðina.

Hvað er þetta "Raddir fólksins"? Hefur einhver kosið þetta fólk til einhvers? Hafa þessi samtök, ef samtök skal kalla, einhver lög eða stefnumarkmið? Er einhver opinber talsmaður þessara samtaka, og ef svo er, hvernig var hann valinn?

Fínt hjá Herði Torfa að bjóða krafta sína til þings í apríl-kosningunum, hvort sem það verður í formi nýs framboðs, eða á vegum VG. En mér finnst fullsnemmt að afhenda honum einhverja valdasprota á grundvelli vinsælda hans sem mótmælaforingja.

í hópi mótmælenda Harðar, voru gjörólíkir einstaklingar og seint munu þeir allir berjast fyrir sama málstað og Hörður, a.m.k. á hinum almenna pólitíska vettvangi. En þessi samtök Harðar, hafa öðlast undraverðan pólitískan frama, í faðmi hinnar nýju ríkisstjórnar.  

Þessi pínulitla "Harðar-klíka", er komin inn á teppi hjá Forsætisráðherra.

Raddir fólksins funduðu með forsætisráðherra

Athugasemdir

[Ragnheiður (IP-tala skráð) 14.2.2009 kl. 06:49]

A. Ertu að segja að fólk eigi ekki að mótmæla?

B. Ertu að segja að Hörður Torfa tengist 'Grýlum´sjálfstæðisflokksins, samfylkingunni eða vinstri grænum?

C. Ertu að á móti vinsælum foringjum?

D. Ertu einn af þessum 'fjölmörgu' mótmælendum?

[Ari (IP-tala skráð) 14.2.2009 kl. 13:59]

Þetta er nokkuð rétt hjá þér. Þó að ég hafi mætt á marga fundina og verið sammála flestu þarna, er ég þá í "Röddum fólksins" , talar hörður og fólkið í kringum hann f. mig á bókstaflegan hátt. Nei. Það fólk sem þykist hafa umboð allra sem mættu þarna er einungis að tala f. sjálft sig (skiptir engu máli þó ég sé 90% sammála því sem þau segja)

[Hlédís, 14.2.2009 kl. 16:21]

Þegar "reiðin ein" er eftir mega brotamenn þakka fyrir að fórnarlömbin beiti eingöngu fyrir sig orðum, sleifum og hrossabrestum! Hörður Torfason er aðeins  ein af "röddum fólksins" þó hann hafi stjórnað þörfum fundum.  Skilur sá sem alltaf heldur sig í miðstýrðum Flokki, yfirleitt, hvað fjöldahreyfing er?

[Gunnar Th. Gunnarsson, 14.2.2009 kl. 17:42]

Flokkar verða alltaf miðstýrðir að einhverju leyti. Hversu mikið, er undir flokkunum sjálfum komið og fólkinu sem í þeim er.

-

Það er yndislegt hve lýðræðislegur Sjálfstæðisflokkurinn er. Lýðræðisástin er ríkari í hægrimönnum

[Hlédís, 14.2.2009 kl. 17:50]

Æ, æ Þetta er Ammrískur frasi! Telur þú allt lygi sem fyrrverandi handbendi lýðræðis-paradísarinnar BNA hafa játað um glæpi unna til að hindra lýðréttindi um allan heim? Hentugu Forsetamorðin í Suður-Ameríku og óteljandi önnur dæmi?  Gerirðu það ertu trúgjarnari en fjöldi Bandaríkjamanna!

[Gunnar Th. Gunnarsson, 17.2.2009 kl. 16:55]

Ég ætlaði að vera búinn að svara þessum spurningum Ragnheiðar, en gleymdi því.

• A = Nei
• B = Sjálfstæðisflokkurinn á sér engar "grýlur"
• C = Nei
• D = Nei