Ég "skúbbaði" um þetta 9. október

ÞESSI færsla mín er frá 9. október, stuttu eftir bankahrunið

"Ég var að spjalla við Svía, ágætan vin minn í Stokkhólmi og fyrrverandi starfsmann Kaupþings þar í borg. Hann sagði mér að hrikalegar sögusagnir væru í gangi um meint "Criminal act" æðstu stjórnenda Kaupþings. Hann sagði að ef sögusagnirnar reyndust réttar, þá væri ekki langt í að Hreiðar Már og félagar hyrfu af yfirborði jarðar með fúlgur fjár. M.a. sagði hann sögusagnirnar segja að fjárfesting arabíska olíufurstans fyrir stuttu síðan í Kaupþingi, væri blekkingarleikur sem stjórnendurnir hefðu sett á svið í samvinnu við Arabann.

Svo margir ættu um sárt að binda nú, í viðskiptum sínum við bankann, að æðstu stjórnendur hans gætu sig hvergi hreift nema í fylgd lífvarða. Þetta hlýtur að koma í ljós þegar FME fer í saumana á viðskiptum bankans undanfarið".

Segir allt með felldu í Kaupþingsviðskiptum

Athugasemdir

[Gunnar Th. Gunnarsson, 15.1.2009 kl. 17:56]

Ætli það sé ekki frekar skilanefndir sem við verðum að leggja traust okkar á. FME var getulaust fyrir bankahrunið og það hefur varla breyst.

[Sæmundur Bjarnason, 15.1.2009 kl. 18:18]

Eru sögusagnir skúbb? Ekki vissi ég það.

[Gunnar Th. Gunnarsson, 15.1.2009 kl. 18:44]

Þær geta verið það, ef fótur reynist fyrir þeim.

[Gunnar Th. Gunnarsson, 15.1.2009 kl. 18:46]

En það er athyglisvert að þessar "sögusagnir" í Svíþjóð skulu fara af stað. Ekki hafa sögudreifararnir öll gögn í hendi sér líkt og skilanefndin hefur. Kannski veit einhver þarna úti meira en skjöl geta staðfest.

Ég bíð eftir því að haft verði samband við mig og ég beðinn að gefa upp heimildarmann minn

[Offari, 15.1.2009 kl. 18:57]

Sögusagnir eru stöðugt að staðfestast.  Skyldi Gróa á Leiti vita meir en ríkisstjórnin?  Eða óttast ríkistjórnin að sannleikurinn sé óhollur fyrir almúgann.

[Guðmundur Ásgeirsson, 15.1.2009 kl. 19:39]

Það er rétt, undanfarin misseri hefur einmitt verið talsvert að marka sumt það sem haft er eftir óstaðfestum heimildum. Hinsvegar er t.d. lítið að marka flest það sem kemur frá ríkisstjórninni og pótintátum þeirra í embættiskerfinu.

[Gunnar Th. Gunnarsson, 15.1.2009 kl. 23:28]

Ég er að vona að þetta sé allt saman draumur.....

Svo vakna ég og fuglarnir syngja við gluggann og sólargeislarnir leika sér við gluggatjöldin