Stóísk ró lögreglunnar

Kunningi minn sendi mér þessa mynd af sér og félaga sínum í einum mótmælunum um daginn. Vel fer á með þeim félögum og Geir Jóni yfirlögregluþjóni.

He never knew what hit him!

Mótmælt á Austurvelli

Athugasemdir

[Sigurjón, 4.1.2009 kl. 02:37]

Sæll Gunnar.

Sem betur fer er það rétt sem þú segir, að lögreglan hér á landi er mjög umburðarlynd miðað við það sem gengur og gerist víða annars staðar.

Mér finnst alveg skelfilegt að heyra að lögreglumenn hafi orðið fyrir árásum á borð við þær sem áttu sér stað á Rauðavatni í vor og svo við HB á gamlársdag.  Þeir eiga það svo sannarlega ekki skilið, þessir öðlingar.

[Dunni, 4.1.2009 kl. 11:07]

Umburðarlynd lögregla er eitt af því mikilvægasta sem samfélögin þurfa. Eftir fréttamyndum að dæma virðist sú íslenska standa sig vel og fara frekar blíðlegum höndum um fólk flest en tekur harðar á þeim sem eiga það skilið.  Geir Jón er góður maður.

 Annars er myndin af þeim félögum virkilega skemmtileg.  Og myndin efst á síðunni þinni er einstaklega flott Gunnar.  Ég þarf að læra að setja almennilega mynd í hausinn á minni síðu 

[Gunnar Th. Gunnarsson, 4.1.2009 kl. 15:42]

Já, mér finnst myndin alveg frábær. Hausmyndina tók ég af austfirskri ferðamálasíðu og ljósmyndin er eftir Mats Wibe Lund og ég fékk góðfúslegt leyfi hans til að nota myndina. Sjá: http://www.mats.is/fotoweb/ 

Frábær síða hjá frábærum ljósmyndara.

[Dunni, 4.1.2009 kl. 19:02]

Takk fyrir upplýsingarnar.  Þetta er einstaklega skemmtileg ljósmyndasíða hjá karlinum. Enda ekki við öðru að búast frá hans hendi.  Flottar myndir frá Eskifirði glöddu mig mikið.

 Kveðja frá Gjerdrum 

[Eva Hauksdóttir (IP-tala skráð) 6.1.2009 kl. 01:44]

Þetta er táknræn mynd (hvort sem þetta á að vera grín eða ekki) og segir meira en mörg orð um samskipti lögreglu og aktivista. Flestir aðgerðasinnar eru nefnilega ekkert í neinu stríði við lögregluna og það er umhugsunarvert að þar sem Geir Jón er sýnilegur virðast mótmælendur og lögreglan alltaf ná að halda friðinn.

Mér dettur í hug að skýringin sé sú að þótt Geir Jón geri auðvitað sín mistök eins og annað fólk, þá sýnir hann ekki sömu fasistataktana og margur annar innan lögreglunnar. Ég hef aldrei fengið á tilfinninguna að Geir Jón bíði spenntur eftir tækifæri til að sýna vald sitt og ég hef enn ekki séð hann hundsa mótmælendur sem reyna að ná sambandi við hann. 

Lögreglan er að mörgu leyti í erfiðri stöðu en Geir Jón virðist átta sig á að mótmælendur eru það bara líka. Einu andsvörin sem við höfum gegn lagaheimild til að stöðva aðgerðir okkar með ofbeldi, vopnum og handtökum, eru hávaði og dónaskapur. Geir Jón hefur sýnt þessu varnarleysi ákveðinn skilning og fyrir vikið hafa samskipti við hann gengið betur en við kollega hans. Það má aftur á móti búast við því að það verði allt snarvitlaust, þegar stjórnendur lögreglunnar mæta til leiks með gestapósvip, vaða í það að stöðva aðgerðina með líkamlegu valdi og svara hrópum um valdníðslu og svínshátt með algerlega óþörfu ofbeldi. Ég fullyrði t.d. að meðalsterkur 14 ára drengur gæti auðveldlega stöðvað mig í því að ganga yfir gula borðann, án þess að rífa í hárið á mér og finnst ótrúlegt að lögreglan skuli álíta það eðlilegar aðfarir. Ég hef ekki séð slík vinnubrögð þar sem Geir Jón hefur verið við stjórn.

[Gunnar Th. Gunnarsson, 6.1.2009 kl. 03:23]

Ég held að flestir geti verið sammála um það að Jón Geir er heiðursmaður.

[Gunnar Th. Gunnarsson, 6.1.2009 kl. 03:27]

P.s. Maðurinn til hægri, sá sem sendi mér myndina,

er dálítið skotinn í þér

[Eva Hauksdóttir (IP-tala skráð) 6.1.2009 kl. 10:09]

Það er verulega svínslegt af þér að birta mynd af manni sem er skotinn í mér með grímu Fullt nafn og heimilisfang takk, og kennitölu. Og greindarvísitölu og mittismál.