Gunnar Th. Gunnarsson

Ný brjóst?

Ég hitti gamla kærustu á bar um daginn. Við höfðum ekki sést í áraraðir og ég tók strax eftir því að hún var komin með miklu stærri brjóst en hún hefði haft þegar við vorum saman. Viðskilnaður okkar á sínum tíma var ekkert sérlega vinsamlegur, en við vorum þó kurteisin uppmáluð við hvort annað. Þegar ég hafði spjallað við hana í smá stund, þá stóðst ég ekki mátið og sagði kvikindislega við hana: "Ég sé að þú ert búin að fá þér ný brjóst". Hún skynjaði háðið en jánkaði þó athugasemd minni brosandi og reyndi að leyna gremju sinni .

Eftir nokkurra mínútna samræður og gagnkvæmar spurningar um fréttir af sameiginlegum vinum okkar frá þessum tíma, þá fannst mér eins og hún væri farin að daðra við mig. Hún horfði á mig með sínu seyðandi augnaráði, hallaði sér að mér og sagði lágt: "Gunni, vissirðu að það eru til þrjár tegundir af fullnægingu?".

"Nú, er það?", svaraði ég hálf vandræðalega

"Já, þessi jákvæða", hvíslaði hún... "þú veist: ... Ó, já, Ó, já, já. Svo þessi Guðdómlega: ...Ó Guð, Ó Guð. Og svo þessi feikaða: Ó Gunni... Ó Gunni. Hún horfði á mig nokkur andartök til þess að sjá svipinn á mér meðan ég var að meðtaka þetta, svo labbaði hún tígulega í burtu.

Helvítis tíkin.