Garmin - hugmynd fyrir forritara

Ég fékk mér Garmin- staðsetningartæki um síðustu jól. Alveg magnað tæki og það hefur oft komið mér vel að hafa það. En ég hef stundum velt fyrir mér hvort ekki sé hægt að nýta þessa tækni betur m.t.t. ferðamanna, bæði innlendra og erlendra,  sem vilja fræðast betur um landið okkar. Kostnaður við slíka forritun er eflaust töluverður en ýmsir aðilar gætu fjármagnað og fjárfest í verkefninu, t.d. aðilar úr ferðaþjónustunni og jafnvel sveitarfélög sem vilja koma byggðarlagi sínu "á kortið".

Ég teiknaði myndina að ofan í paint-forritinu, skýrir hún sig ekki alveg sjálf?

Athugasemdir

[Gullvagninn (IP-tala skráð) 26.9.2008 kl. 23:24]

Já, þannig færðu jafn steingelt upplýsingakerfi og er víða um land í "upplýsingaturnum", þú ferð og leitar að tjaldstæði eða ódýrri gistingu, en færð ekkert nema okurstæðin, sem borga fyrir að vera listuð

[Gunnar Th. Gunnarsson, 26.9.2008 kl. 23:39]

Sum sveitarfélög bjóða upp á ókeypis tjaldstæði með rafmagni og góðri hreinlætisaðstöðu. Það sem einu sinni er skráð í svona uppl.kerfi er komið til að vera og gagnagrunnurinn gerir ekki annað en að stækka. Svo hleður maður bara inn af netinu uppfærslum, eins og gert er nú þegar.

[Gullvagninn (IP-tala skráð) 26.9.2008 kl. 23:43]

Já, ég vissi af þessu hjá ykkur fyrir austan, og finnst það frábært, stefni á að heimsækja ykkur næsta sumar :-)

[Gunnar Th. Gunnarsson, 27.9.2008 kl. 00:04]

Já, tjaldsvæðið á Reyðarfirði er til fyrirmyndar. Þekkirðu eitthvað til fyrir austan?