Pulsuhundur

Einhversstaðar heyrði ég að svona langhundar væru stundum kallaðir pulsuhundar en ég held samt að "hot dog" sé ekki komið af því. Hundar sem ráðast á menn og bíta þá að ástæðulausu, á skilyrðislaust að aflífa. Slíkum hundi er aldrei hægt að treysta aftur, ekki einu sinni konunglegum hundi.

Sannkallaður hot dog!

Dúmbó og Dúfa eru orðnir perluvinir og hjúfra sig stundum að hvoru öðru. Kötturinn virðist algjörlega vera búinn að taka litlu tíkina í sátt og þau leika sér mikið saman. Hann þarf ekki lengur að kvæsa á hana þegar hann vill hætta, heldur umlar eitthvað og sú stutta virðist skilja hvað það þýðir. Alveg magnað. Dúmbó verður 4ra ára í ágúst, en það er greinilegur kettlingur í honum ennþá  Mér var sagt að ef maður gelti ketti snemma, þá yrðu þeir síður feitir og latir og sú er raunin með Dúmbó.

Ég keypti fleti í dag handa Dúfu, en ég reikna með því að kötturinn fái afnot af því líka

 

Langhundur læsti tönnum í lífvörð

Athugasemdir

[Sigurbjörn Friðriksson, 8.5.2008 kl. 17:30]

Heyrðu!  Það vantar á hann hráa og steikta laukinn, tómatsósuna, majonesið og rauðkálið!

Kær kveðja, Björn bóndi.

[Sóley Valdimarsdóttir, 8.5.2008 kl. 18:08]

Krúttleg sambúð hjá Dúmbó og Dúfu, svona einhvernvegin: öll dýrin í skóginum vinir og ekkert dýr étur annað dýr.

[Gunnar Th. Gunnarsson, 8.5.2008 kl. 18:24]

Þú húðlita bjargráð, þú innyflum útfyllta sin;

Undirlögð margræðum sósum, á laukstráðu beði.

Af algleymisfögnuði langþráðum logar mitt gin

er ljúkast um enda þér titrandi varir, af gleði.

(stolið af baggalutur.is)

[Helga Guðrún Eiríksdóttir, 8.5.2008 kl. 21:39]

Ég sé ekki betur en það fari afskaplega vel um loðdýrin þín þarna á þessari fínu lopapeysu.

Já, og vísan sko engin dónaskapur heldur. Mér fannst að vísu annarri línunni hálfpartin ofaukið en það er sjálfsagt smekksatriði eins og annað.

[Gunnar Th. Gunnarsson, 8.5.2008 kl. 22:58]

Undirlögð hlykkjóttum æðum á kafloðnu beði

[Helga Guðrún Eiríksdóttir, 9.5.2008 kl. 00:11]

Hahah já eða þannig. Bestar berar bara. Beint af skeppnunni.