Ég botna ekkert í fólki....

Ég botna ekkert í fólki sem lætur sér detta í hug að hægt sé að græða stórfé hugsunar og fyrirhafnarlaust. Ef það væri tilfellið, þá væru væntanlega allir moldríkir. Píramídafyrirtæki, keðjubréf og hvað þetta heitir allt saman. Vonandi var eitthvert forvarnargildi í Næturvaktinni á St. 2 hvað þetta varðar.

Á einhverri breskri síðu sem ég rakst á og varar við svona auðveldum hagnaðarleiðum segir eitthvað á þessa leið: "Ef þér berst tilboð um að hagnast, sem er of gott til að vera satt, þá er það ekki satt".

Varað við fjársvikabréfum

Athugasemdir

[Einar Bragi Bragason., 16.1.2008 kl. 20:43]

en mundu að aka á 20 á álverslóðini he he var skammaður fyrir ofsaakstur þar í dag var örugglega á 30...vá........

[Gunnar Th. Gunnarsson, 16.1.2008 kl. 23:24]

 Já þeir taka öryggismál afar föstum tökum. Ég var tekinn á 40 í vinnubúðum Bechtel þar sem hámarkshraði var 30 og var settur í mánaðar straff inná svæðið. 6 dögum síðar var ég náðaður vegna fjölda mótmæla úr búðunum og refsingin stytt í viku. Ég fékk því að koma aftur inn í búðirnar daginn eftir náðunina. Eftir það sáu viðskiptavinir mínir um að ég gleymdi ekki hraðatakmörkunum innan búða, því annars þyrftu þeir að ganga nokkur hundruð metra niður undir þjóðveg, þegar þeir þurftu á þjónustu minni að halda.

Ég kynntist óhemju fjölda fólks þessi 3 ár sem bygginng álversins tók og margir eru eftirminnilegir. Ljúfar minningar.