Subbi Skorsteins

Þegar Bubbi var rísandi stjarna í byrjun níunda áratugarins, þá gagnrýndi hann hinn ríkjandi kóng háðuglega, þ.e. Björgvin Halldórsson og hans menn í HLH flokknum. Talaði hann m.a.  um "löggilta hálfvita, sem hlusta á HLH og Brimkló" o.fl. í þeim dúr. Halli og Laddi, hinir meðlimirnir í flokknum og eru ekki þekktir fyrir að sjá ekki spaugilegu hliðar málanna, svöruðu Bubba með lagi og texta um "ferska" goðið, Subba Skorsteins. Bo þykir hafa kjaftinn fyrir neðan nefið líka svo þetta varð hressileg ádrepa sem var of gróf til þess að fara í útgáfu. En er ekki til "Bootleg" af þessu?

Háðið sem Bubbi fékk á sig frá þeim HLH bræðrum var mikið um líferni hans á þessum árum, svo sá texti á auðvitað ekkert við í dag en húmorinn hjá grínurunum var óborganlegur.

Annars finnst mér alltaf svolítið spaugilegt að sjá Bubba, gamla verbúðaslagarakónginn, róttæka verkalýðs-sósíal sinnann, eitilharða og afsláttarfría baráttujaxlinn, breytast í miðaldra karlkynsútgáfu af Britney Spears. Drepfindið raunar.

Leitar að hvítum smóking handa Bubba

Athugasemdir

[Anna Lilja, 14.12.2007 kl. 15:13]

BRITNEY SPEARS!?

NEI, hættu nú alveg, hann er ekki svo slæmur

Hann semur fallega og góða tónlist og það er það eina sem skiptir máli

[Stefán Smári, 14.12.2007 kl. 20:25]

Ef að það er tónlistin sem að skiptir máli gefið mér þá Britney Spears hvaða dag vikunnar sem er, frekar en Bubba.

[Gunnar Th. Gunnarsson, 15.12.2007 kl. 02:09]

Jæja þá, einhvert Hollywood frík sem nærist og hrærist í glamúrlífinu.

Einu sinni var Bubbi of stór fyrir Júróvision.

[Sigurgeir Orri Sigurgeirsson, 16.12.2007 kl. 12:37]

He he he. Mikið til í þessu, alla vega er hann mikið á móti Spears. Hann sér trúlega líkindin sjálfur og þolir ekki að horfast í augu við þau.

[Ævar Oddur Ævarsson (IP-tala skráð) 19.12.2007 kl. 23:27]

Manni verður nú eiginlega hálf illt af þessari lesningu, þetta er svipað og segja dirty hluti um Elvis einfaldlega guðlast:Maður verður að þekkja söguna til að skilja textana hjá honum þar gengur ekki að vera með heimdraganum sleppt svip og alhæfa vart endursegjandi hluti uppfullum af fordómum komandi frá fordómalausum manninum að eigin sögn, þvílík firra, þú virðist hafa étið óðs manns skít eða boginn nagla og ekki vill maður vera viðriðinn slikt svona samfara jólunum.