Boruð göt eru brýn heilbrigðismál

Jarðgangnagerð á landsbyggðinni eru brýn heilbrigðismál. Sumstaðar eru samgöngur með þeim  hætti á veturna að ekki er hægt að flytja sjúklinga undir læknishendur eða koma læknum til meiddra og veikra.

Nú, þegar gatið er komið undir Oddskarð, er þegar búið að hleypa sjúkrabílum í gegn vegna ófærðar í Skarðinu, til sjúkrahússins á Neskaupstað í nokkur skipti. Göngin verða þó ekki opnuð fyrir almenna umferð fyrr en haustið 2017.

Ps. auk þess þurfti sjúkrabíll að komast frá sjúkrahúsinu á Neskaupstað um daginn og fór þá í gegnum göngin, til að aka til Breiðdalsvíkur með fárveikan hvítvoðung til móts við þyrlu Landhelgisgæslunnar sem gat ekki lent á Neskaupstað. Sú björgun tókst giftusamlega, þökk sé boraða gatinu.

Á að bora göt eða hlúa að fólki?

Athugasemdir

[Anna Sigríður Guðmundsdóttir, 25.1.2016 kl. 23:22]

Nú er Kári blessaður orðinn alveg rökþrota í sinni réttlætis-spítalabaráttu. Líklega án þess að meina nokkuð illt með sinni áróðursherferð Háskólastúdentanna.

Á Íslandi er ekki opinbert heilbrigðiskerfi, heldur áratuga gamalt sjúkdómakerfi. Sem sumir valdamiklir áróðursmeistarar eins og t.d. Kári Stefánsson og Þórarinn Tyrfingsson vilja viðhalda.

Tilraunasjúkrahús læknanema Háskóla Íslands er það síðasta sem við þurfum á að halda núna á alvarlegustu heimskrepputímum nokkurn tíma í sögunni.

M.b.kv.

[Gunnar Th. Gunnarsson, 25.1.2016 kl. 23:39]

Margt til í þessu hjá þér, Anna.

Sjúkdóma og sérfræðingakerfi

[Axel Jóhann Axelsson, 26.1.2016 kl. 12:36]

Málflutningur Kára er afspyrnulélegur en hann nær auðvitað góðu fylgi við málstaðinn þar sem enginn getur sagt að hann sé á móti góðu heilbrigðiskerfi.

[Gunnar Th. Gunnarsson, 26.1.2016 kl. 16:02]

Hárrétt Axel.

Svo er Kára afskaplega tamt að fara í menn en ekki málefni. Ef fólk er ekki sammála honum er það heimskt eða fúllynt að hans mati.

[Anna Sigríður Guðmundsdóttir, 27.1.2016 kl. 01:31]

Jóhann. Sumir sérfræðingarnir eru nú í raun þeir einu sem hafa bjargað mér, og sumum af mínum.

En einhverra undarlegra hluta vegna eru þeir ágætu sérfræðingar oft talaðir niður ef eitthvað er. Eða alla vega ekki spurðir þegar verið er að fjalla um þeirra sérfræðisvið? Jafnvel þótt þeir séu færustu og bestu læknar á sínu sviði?

Heimilislæknar nútímans eru því miður oftar en ekki frekar fáfróðir um ýmsa sjúkdóma og réttindi sjúklinga, og eru þar að auki með ólöglegar verklags-leikreglur frá vanrækslu-útskúfunaryfirlæknum valdakerfisins fordæmandi.

Það er gagnrýnivert, svo ekki sé sterkar að orði kveðið.

M.b.kv.

[Sigurbjörg Eiríksdóttir, 27.1.2016 kl. 14:01]

Góð færsla Gunnar.