Mótmæli við Emirates

Ég var í London um páskana með fjölskyldunni. Upphaflega var meiningin að fara á leik Arsenal og Liverpool 4. apríl en við vorum of sein að ná okkur í miða, um miðjan janúar.

Við fórum samt til London og skemmtum okkur vel og fórum að Emirates rétt fyrir leik... svona aðeins til að þefa af stemningunni.

Völlurinn og umhverfið hans er glæsilegt. Allar götur í nágrenninu lokaðar og fólk streymdi að rétt fyrir leik.

Engar fótboltabullur voru sjáanlegar og allir með friði og spekt.

 

 

 

 

 

 

 

Eins og fram kemur í fréttinni er miðaverðið það hæsta í Englandi á Emirates og áhangendur félagsins mótmæla því kröftuglega. Mér skilst að svona mótmæli hafi verið þarna árum saman.

Við reyndum að komast inn á nærliggjandi pöbba sem sýndu leikinn en vonlaust var að komast þar inn. Maður þurfti annað hvort að sýna miða á leikinn eða ársmiðapassa Arsenalklúbbsins.

Í um kílómeters fjarlægð frá vellinum sáum við pöbb sem var að sýna leikinn og ætluðum þar inn en þar var sama svarið. Þegar dyravörðurinn sá vonbrigðasvipinn á okkur, spurði hann hvort við værum útlendingar og við játtum því auðvitað. Þá leit hann laumulega í kringum sig og hleypti okkur inn. Fín stemning á pöbbnum  og ekki spillti fyrir að Arsenal vann leikinn 4-1.

 

 

Dýrt að skella sér á Emirates