Réttlæting?

Ég sé þessa seðla aldrei í umferð og hlutfall verðmæta þeirra af prentuðum seðlum segir lítið. Ef fólk þarf að burðast með mikið reiðufé á milli staða, eru þeir ágætir en sem gjaldmiðill í almennri smávöruverslun og þjónustu, eru þeir gjörsamlega óþarfir.

Mér segir svo hugur að þessi "auglýsing" frá Seðlabankanum, sé réttlæting á ótímabærri ákvörðun um prentun þessara seðla.

Vinsælir tíuþúsundkallar

Athugasemdir

[Haukur Kristinsson (IP-tala skráð) 30.1.2015 kl. 13:02]

Nei, Gunnar. Burðast frekar með kreditkortið svo glæpafyrirtæki eins og Valitor græði. Þú lætur spila með þig!

[Gunnar Th. Gunnarsson, 30.1.2015 kl. 13:23]

Ég tala hvergi um ágæti kreditkorta. Raunar hef ég skömm á þessum fyrirtækjum. 

Ég þarf að leigja gsm-posavél og hef gert sl. 9 ár. Ekki er gefinn kostur á því að kaupa slíka vél, kortafyrirtækin sjá til þess.

-

Á þessum 9 árum hef ég borgað posaleigu að upphæð 7-800 þúsund og þá er ótalinn kostnaður vegna færslna. Á móti kemur hagræðing vegna öryggis, en ávísanir voru ótryggur gjaldmiðill og kaupmenn fengu þær iðulega endursendar frá banka vegna innistæðuleysis.

[Gunnar Th. Gunnarsson, 30.1.2015 kl. 13:26]

Hægt er að kaupa kortavélar erlendis en kortafyrirtækin hér neita að þjónusta þær

[Guðmundur Ásgeirsson, 30.1.2015 kl. 14:32]

Ef kortafyrirtækin sjálf neita að þjónusta kortavélar sem hafa verið keyptar til eignar, þá er einfaldasta lausnin á því að fá einhvern annan til að þjónusta þær. Þeir sem hafa hagsmuni af því að taka á móti greiðslukortum gætu bundist samtökum um að stofna fyrirtæki eða ráða starfsmann til að þjónusta slík tæki og jafnvel flytja þau inn til sölu hér á landi. Ef það er eftirspurn eftir því hlýtur að vera hægt að semja viðskiptaáætlun í kringum það.

[Gunnar Th. Gunnarsson, 30.1.2015 kl. 16:25]

Ef og hefði... veit ekki hversu raunsætt það er. 

Spurning frekar að kæra kortafyrirtækin fyrir einokunartilburði. En það eru sjálfsagt með belti og axlabönd í þessu... eins og öðru 

[Guðmundur Ásgeirsson, 30.1.2015 kl. 17:05]

Ég veit ekki hversu ransætt það er, en þetta er þó allavega hugmynd sem mætti kannski skoða betur.

[Gunnar Th. Gunnarsson, 30.1.2015 kl. 22:14]

Man ekki alveg hvaða ljón voru í veginum þegar ég skoðaði þetta á sínum tíma en þetta er ekki alveg einfalt. En sammála því, það á alltaf ap skoða möguleika