Fer hún í svepparækt?

Þuríður Backman, þingmaður Austfirðinga, vildi hætta við framkvæmdirnar við Kárahnjúka þegar þær voru vel á veg komnar. Hún sagði að þó búið væri að setja yfir 50 miljarða í verkefnið, þá væri ekki of seint að hætta við.

Í aðdraganda framkvæmdanna var hún spurð út í þetta "eitthvað annað" sem flokksfélögum hennar var svo tíðrætt um að gera mætti í stað virkjunarinnar. Þegar hún nefndi fjallagrasatínslu, héldu einhverjir að um létt spaug væri að ræða hjá þingkonunni. En svo var ekki.

Þegar hún sá að sennilega þyrfti meira til en fjallagrasatínslu, bætti hún í og nefndi svepparækt á Héraði. Þá var henni bent á að nánast öll svepparækt á landinu væri stunduð á Flúðum, besta hugsanlega stað á Íslandi með tilliti til orku og nálægðar við markaði. Þrátt fyrir það hefðu svepparæktendur oft og tíðum barist þar í bökkum. Hvernig gæti þá verið raunhæft að rækta sveppi á landsvæði sem ekki hefði jarðhita og eins langt frá markaði og hugsast gat?

Hún svaraði þessu engu.

Þuríður hættir á þingi

Athugasemdir

[Davíð (IP-tala skráð) 11.9.2012 kl. 14:34]

Góðan daginn

Ég varð að lesa þetta blogg útfrá fréttinni.

En mikið rosalega er þetta þurrt hjá þér :D

þangað til næst

Kveðja Davíð

[Sigurbjörn Friðriksson, 12.9.2012 kl. 15:27]

Það má ekki gleyma lopapeysuprjónaskap sem átti að bjarga konum frá atvinnuleysi. Allavega tóku Kínverjar þá hugmynd upp...!!!

Mbkv, Björn bóndi =:o)>

[Gunnar Th. Gunnarsson, 13.9.2012 kl. 12:17]

Viltu hafa þetta meira djúsí?