Flokkast 12-18 stiga frost ekki sem vorhret?

Er Helga Ívarsdóttir e.t.v. hjá Veðurstofu Reykjavíkur, sem ég hélt reyndar að væri ekki til, en ekki hjá Veðurstofu Íslands? Stundum virðast veðurfréttamenn halda að veðurfréttir og veðurspár séu eingöngu fyrir íbúa á SV-hluta landsins.

Myndin hér að neðan er frá Veðurstofu Íslands og sýnir spákort fyrir laugardagsmorgun á Austurlandi.

Ekkert hret í kortunum

Athugasemdir

[Hilmar Pálsson (IP-tala skráð) 11.4.2012 kl. 08:38]

Já oft er bara veður á höfuðborarsvæðinu ,en minna um það úti á landi.

[Gunnar Th. Gunnarsson, 11.4.2012 kl. 09:30]

Já, verð að viðurkenna að ég tók ekkert eftir þessu fyrr en ég flutti sjálfur út á land 1989, en veðurfréttamenn eiga að vera meðvitaðir um þetta.

[Freyr Gudmundsson (IP-tala skráð) 11.4.2012 kl. 10:19]

"Helga segir aðspurð að það spái frekar svölu veðri næstu daga á höfuðborgarsvæðinu en hins vegar verði úrkomulítið og frekar þurrt þannig að það sé ekkert í kortunum sem bendi til þess að búast megi við hreti á næstunni. Kaldara yrði hins vegar norðan- og austanlands."

Ég les það út úr þessu að Helga sé spurð um veðurhorfur á höfuðborgarsvæðinu og síðan alhæft af fréttamanni í titli fréttarinnar.

Síðan bætir hún við að kaldara verði hjá ykkur sem kjósið að hafa aðsetur á fáfarnari slóðum. Held þið ættuð heldur að gelta á fréttamanninn.

[Gunnar Th. Gunnarsson, 11.4.2012 kl. 11:28]

Það þætti stórfrétt ef spáin fyrir höfuðborgarsvæðið væri -12 til -18 stig um miðjan apríl.

 Þetta sér maður líka á sumrin. Ef hitinn fer yfir 15-16 stig með sólarglennu, þá er það "frétt" dagsins.

[Emil Hannes Valgeirsson, 11.4.2012 kl. 12:11]

Ég á eftir að sjá að það verði 14 stiga frost á Egilsstöðum. Sjálfvirka spáin sennilega eitthvað að ýkja. En svo gildir þessi spá snemma morguns áður en sólin kemur upp.

[Gunnar Th. Gunnarsson, 11.4.2012 kl. 15:24]

Já, ég hef svo sem ekki trú á þessari spá heldur