Myndi það drepa þig ef þú hægðir aðeins á þér?

Myndi það drepa þig, ef þú hægðir aðeins á þér?

Fínt slagorð, ekki satt?  

Aldrei hafa orðið jafn fá banaslys í umferðinni á Íslandi og árið 2010, ef miðað er við fjölda bíla í umferðinni. Þegar síðast sást svona lág tala, var árið 1968!

Punktakerfið fyrir byrjendur í umferðinni er þar lykilatriði að mínu mati. Fyrirhugað er að hækka bílprófsaldur í 18 ár, en afar skiptar skoðanir eru um að það skili árangri, einnig meðal fagaðila í umferðarmálum. Sömuleiðis er talað um akstursbann 17-18 ára á nóttunni um helgar, nema í fylgd með fullorðnum. Einnig eru uppi hugmyndir um að akstursleyfi ungra ökumanna sé bundið við tiltekinn hestaflafjölda.

Ég held reyndar að sumar þessara hugmynda séu óraunhæfar. Er ekki rétt að kenna fólki að umgangast hlutina freka en að banna þá?

Færri látast í umferðarslysum á Spáni

Athugasemdir

[Ásgrímur Hartmannsson, 3.1.2011 kl. 19:52]

Fjöldi bíla skiftir engu, ef þeir eru allir kyrrstæðir.  Fjöldi slysa per ekna kílómetra er það sem máli skiftir.

Við keyrum orðið minna, enda á hausnum, og lendum þ.a.l í færri slysum.

Reyndar þá á Ástralska átbakkið sennilega metið.  Sé ekki hvernig hægt er að lenda í mörgum slysum þar, allt svona slétt og fellt.

Mig grunar sterklega að það að hækka bílprófsaldurinn sé bara að auka á vandann, ekki öfugt.  Akstur byggir jú á þjálfun, og ef þú færð hana ekki...

[Gunnar Th. Gunnarsson, 3.1.2011 kl. 23:32]

Að sjálfsögðu á ég við ekna km. per. bíla.

Meðakeyrsla per bíl er mun meiri í dag en áður, þó eitthvað hafi dregið úr akstri eftir bankahrun.

-

Hugsunin á bakvið hækkun bílprófsaldurs er sú að við 18 ára aldur er fólk þroskaðari og því minni hætta á áhættuakstri (hraðakstri).