Yndislegur náungi

Ég hef gaman af hnyttnum og stundum hrokafullum tilsvörum Jose Mourinho. Með því að láta kastljósið beinast að sér, léttir hann pressu af leikmönnum sínum. Áreiti fjölmiðlamanna verður minna á leikmönnum og einbeiting þeirra truflast síður.

Fótboltinn sem hann lætur sín lið spila, er samt ekki í uppáhaldi hjá mér. En Mourinho er mikill "Thinker" og lið hans eru feikivel skipulögð, sérstaklega varnar og miðjulega séð. Hann safnar að sér "vinnuhestum" og baráttujöxlum án þess að fórna tæknilegum gæðum.

En leiftrandi leik og sköpunargleði á leikvellinum, sýna lið Mourinhos of sjaldan að mínu mati. Liðin hafa verið meira eins og vel smurð vél sem stöðvast ekki auðveldlega.

Mourinho: Líklegra að ég fari frá Inter

Athugasemdir

[Baldur Hermannsson, 23.5.2010 kl. 11:50]

Ég tek undir þetta. Það er gaman að stælunum í stráksa. Því miður leika liðin hans hundleiðinlegan fótbolta. Þau eru sigursæl en leiðinleg. Velgengni Mourinhos grundvallast á því að andstæðingarnir vilji leika eðlilega knattspyrnu. Ef andstæðingarnir lékju eins og hans lið myndu allir leikir enda 0-0 og áhorfendur myndu hætta að mæta.