Torres- brandari

Stal þessum af facebook.

Nethjálp Vodafone góðan dag, get ég aðstoðað?
Já ég virðist ekki finna netið lengur..!
Það er skrítið.. hvað er nafnið?
Fernando Torres

Sir Alex: Torres varð að spila

Dýrasti rass í heimi

"Dýrasti rass í heimi", sá ég í athugasemd við blogg um daginn. Þar var átt við þráláta bekkjasetu Eiðs Smára, undanfarin 2-3 ár.

Spurnig hvort hann þurfi að tryggja afturendann á sér sérstaklega?

Að öllu gamni slepptu, þá er samúð mín hjá Eiði, þessum frábæra "fyrrum" knattspyrnumanni. Sorglegur endir á glæstum ferli.  

Engin tilboð í Eið Smára

Tungumálaerfiðleikar hjá Nani?

Nani hefur aðeins ruglast í ríminu, því hann skildi ekki Sir Alex. Hann átti auðvitað að segja að Chelsea stæði meiri ógn af Arsenal en Man. Utd.

Nani: Meiri ógn af Arsenal heldur en Chelsea

Ferguson veit lengra en nef sitt nær

Fáir deila um hæfileika Carlosar Tévez á knattspyrnuvellinum, en það vantar þetta "extra something" í leikmanninn svo hann geti talist draumur þjálfarans.

Sir. Alex vissi að það var engin framtíð í Tévez í sínu liði. Téves kvartaði yfir því í nokkra mánuði að fá ekki langtímasamning hjá Utd. Það er ekki pláss fyrir vælukjóa í liði skoska snillingsins.

Ronaldo komst ungur í hendurnar á þeim gamla, sömuleiðis Rooney, þó hann verði seint sakaður um að vera vælukjói.  Þessir drengir urðu að mönnum í höndunum á Sir Alex Ferguson.

Hér hefur andliti Carlosar Téves verið "fótósjoppað"á fræga mynd af Davi Beckham. 

Tévez brjálaður út í Mancini

Sá besti á Englandi í dag

Gareth Bale, er að mínu mati besti knattspyrnumaður ensku úrvalsdeildarinnar í dag. Það var hreint með ólíkindum hvað hann fór oft illa með andstæðinga sína í leiknum í kvöld. Og sendingin á Crouch þegar hann skoraði var stórkostleg.

Spurning hvað Bale gerir þegar "stóru" liðin fara að gera hosur sínar grænar fyrir honum. Það verður erfitt fyrir Tottenham að halda honum.

Redknapp: Yfirspiluðum þá í allt kvöld

Klókur sá gamli

Kallinn er eldri en tvævetur í boltanum og hann þekkir Rooney. Þegar Rooney kom til Man Utd frá Everton, var hann að mig minnir 17 eða 18 ára gamall. Þá þegar hafði hann sýnt af sér hegðun á vellinum sem olli honum vandræðum.

Undir föðurlegri handleiðslu Fergusons og með aðstoð bestu sérfræðinga, tókst að hemja og aga strákinn. Það var ekki sjálfgefið að það tækist og sennilega hefði það hvergi tekist nema hjá Ferguson. Sá gamli hefur höfðað til þessara þátta í spjalli sínu við Rooney. "Hvað yrði um Wayne Rooney, fjarri heimalandinu, þegar verulega á móti blési?"

Ef Rooney færi til stórliðs á borð við Barcelona, Real Madrid eða AC Milan, fengi hann lítinn tíma til að sanna sig. Þú er ekki keyptur fyrir stórfé til þessara liða til þess að aðlagast í rólegheitum. Það er ætlast til að þú sýnir strax eitthvað fyrir aurinn.

Fóstrarnir Ferguson og Rooney eru góðir saman. Ég held að strákurinn hafi áttað sig á því.

Ferguson: Mun biðjast afsökunar

Varðhundar Fergusons

Ég held að Ferguson nái að mynda einstök tengsl við flesta leikmenn sína. Ef þau tengsl rofna og einhverskonar trúnaðarbrestur á sér stað, (sem yfirleitt er fólgin í því að leikmenn fara að gera einhverja "aukakröfur"), þá er eins og úlfahjörð í kringum gamla manninn þjappi sér saman. 

"Engin er stærri en liðið",er mottó í huga Fergusons, en e.t.v. blundar líka örlítið: "Engin er stærri en ég", í honum. Hann er jú mannlegur eins og aðrir og einhverja hefur hann breyskleikana.

Eins og allir vita þá á hver úlfahjörð sér foringja; "leader of the pack". Paul Scholes leiðir hjörðina innan vallar. Úlfahjörð Fergusons samanstendur af nokkrum gömlum máttarstólpum í liðinu, s.s. Scholes, Giggs, annarri Neville systurinni, Rio Ferdinand, og e.t.v. fleirum. Svo bætast í varðhunda/úlfa hjörðina fjöldi áhrifamanna utan vallar.

Þannig að ef rekast saman stálin stinn, milli leikmanns og þjálfara Man Utd., er bara eitt að gera fyrir leikmanninn, en það er að láta sig hverfa á brott, helst þegjandi og hljóðalaust.

Wayne Rooney var undarbarn í enska boltanum, strax 16 ára gamall og hefur ekki gert annað en að vaxa síðan. Það var snemma ljóst að Rooney átti við nokkuð erfiða skapgerðarbresti að etja og hann gat ekki lent í betri höndum en á Sir Alex Fergusyni til meðhöndlunar. Sá gamli sá hvað til þurfti til að hjálpa stráknum og útvegaði bestu sérfræðinga  til aðstoðar.

Ég hef áhyggjur af Rooney, ef hann yfirgefur Old Trafford. Í höndum misjafnra manna gæti farið illa fyrir stráknum. Það er ekki víst að hann hafi neinskonar hjörð sér til verndar, ef á hann er ráðist úr öllum áttum. 

Scholes afgreiddi Rooney á æfingu

Ekki góður kostur fyrir Liverpool

Frank Rijkaard var í frábæru liði Hollendinga sem varð Evrópumeistari með þeim Van Basten og "svarta túlipananum"Ruud Gulllit, ásamt fleiri snillingum. 

Rijkaard var hjá Barelona sem þjálfari í 5 ár. Mannskapurinn sem Barcelona hafði (og hefur) yfir að ráða, þarf ekki þjálfara, í eiginlegum skilningi þess orðs. Það þarf auðvitað verkstjóra á bekknum, bera í leikmenn vatn og teppi o.þ.h., en úti á vellinum taka leikmennirnir völdin.

Stundum er þetta svona eins og Arnór Gudjohnsen, faðir Eiðs Smára, getur staðfest. þegar hann var allt í öllu í gullaldarliði Anderlecht á sínum tíma, þá var einhver algjör blábjáni í stjórastöðunni, maður sem aldrei hafði sýnt eitt né neitt... og hefur ekki gert síðan.

Frank Rijkaard tók við frábærum mannskap hjá Barcelona og hann gat bætt við gæðin, nánast að vild. Hann keypti Eið Smára á sínum tíma frá Chelsea. Það var ómögulegt að sjá einhvern "Rijkaard stíl" á liðinu, nema helsta að liðið var ráðleysislegt og leiðinlegt þegar á móti blés.

 

 

 

 

 

 

 

 

 

 

 

 

 

 

Það er gaman að skoða breytingarnar á köppunum Rijkaard og Gullit, frá "lokkaprúðu árunum" til dagsins í dag.

Liverpool þarf þjálfara með mikla skipulagshæfileika, knattspyrnuþekkingu, er virtur og síðast en ekki síst, ... hann þarf að hafa Liverpoolhjarta. "This is Anfield" er ekki bara eitthvað skilti út í bæ. Klúbburinn á skilið að fá almennilegan þjálfara

Nokkur íslensk lið hefðu orðið meistarar með hvaða þjálfara sem er, vegna mannskapsins sem var til staðar. Ég nefni sem dæmi Skagamenn í kringum 1995 og KR-inga nokkrum árum síðar. Hugsanlega FH hin síðari ár, en það má þó ekki gleyma því að uppbyggingin tók töluverðan tíma í Hafnarfirðinum. FH-liðið var ekki hrist fram úr erminni einn,tveir og þrír.

Rijkaard er kannski ágætur í að taka við stjörnuliði, en þá á hann lítið erindi á Anfield. Þar stendur uppbyggingarstarf fyrir dyrum. Þeir þurfa Ferguson á svæðið.

Ps. Meðan ég man... íslenska A landsliðinu bráðvantar þjálfara. Einhverjar uppástungur?

Rijkaard hættur hjá Galatasaray

Góður andi í stráknum

"Thats the spirit!", Eiður!

Það þarf meira en fótboltahæfileika til að lifa af í hörðum heimi atvinnumennskunnar.... (vá, 6 enn í einu orði!)

Ég hef fulla trú á að Eiður nái sér á strik. En aðdáendur Stoke, og ekki síst Eiður sjálfur, þurfa að vera þolinmóðir. "Strákurinn" er orðinn 32 ára gamall... og er ekki að yngjast.

Eiður Smári: Stórt skref fyrir mig

The Worlds Wonder Kid

Frábært hjá Gylfa!

Á youtube er hægt að finna mörg myndbönd með Gylfa, mörk og viðtöl.

Gylfi Þór bestur hjá staðarblaðinu (myndband)