Nýtt lógó og nafnbreyting hjá Glitni

Ríkið eignast 75% í Glitni

Sterk staða ísl. bankanna

Hefur ekki Geir Haarde verið að segja undanfarið að staða íslensku bankanna sé sterk og engin hætta á að þeir rúlli yfir?

Jæja, nú er búið að redda Glitni, er þá ekki tími til að fagna... efna til veislu og bjóða Elton John eða einhverjum flottum til að spila dinnermúsik yfir svignandi veisluborðum.

Glitnir hefði farið í þrot

Alvarleg augu

Yfirmenn hinna opinberu starfsmanna Innanrískisráðuneytis USA sem neyttu eiturlyfja, þáðu mútur og notfærðu sér þjónustu vændiskvenna í boði einkaaðila, líta á slíka háttsemi alvarlegum augum.

Voðalega eru þeir eitthvað þröngsýnir. Skilja þeir ekki að þetta eru bara opinberir starfsmenn á skítalaunum. Þeim væri nær að borga þeim mannsæmandi laun!

Þó þeir fái nú aðeins að njóta lífsins greyin!

Kynlíf, eiturlyf og olíuleit allt í sama pakkanum

Langhlaup, ekki spretthlaup

 Margur gengur með þann draum í maganum að verða ríkur á hlutabréfabraski og margur fer flatt á því. Ef það væri svona einfalt að verða ríkur, þá værum það sennilega fleiri en raunin er.

Auðvitað eru sumir naskir á að kaupa og selja á réttum tíma og eru vakandi og sofandi yfir breytingum á mörkuðum. Einhver orðaði þetta á einfaldan hátt:         "Buy low, sell high". Bubbi þarf ekkert að örvænta, hans tími mun koma.

Kínverjar eru frægir fyrir sína heimspekilegu ró og þolinmæði. Þeir segja;                "Trén vaxa meðan mennirnir sofa".

Allur sparnaðurinn fór

Gjaldeyris umreiknir

Ég hef ekki séð íslenska bankavefsíður bjóða upp á svona gjaldeyris umbreytir, (currency converter) þar sem hægt er að umreikna hvaða gjaldeyri sem er.

HÉR er síða sem hægt er að umreikna yfir 150 tegundir gjaldeyris.

100% hækkun í Krónunni

Ég dreg stórlega í efa að sú hryna verðhækkana undanfarið á matvörum, eða svo sem hverju sem er, eigi sér alltaf eðlilegar skýringar.

Þegar Krónan hóf rekstur hér á Reyðarfirði, þá fannst mörgum hér á fjörðunum þeir hafi himinn höndum tekið. Bónus var fyrsta lágvöruverslunin sem kom sér fyrir á Austurlandi  (Egilsstöðum) og fólk neðan af fjörðunum fór uppeftir til að versla, því verðmunurinn var það mikill að það var fljótt að borga upp bensínkostnaðinn. En svo kom Krónan á Reyðarfjörð fyrir um 2 árum.

 Kasko reyndi að halda áfram rekstri í gamla Kaupfélagshúsinu en gafst svo upp. Vöruúrval var með ágætum til að byrja með en svo hefur það farið hríðversnandi og nú er svo komið að fólk er farið að koma við í Bónus á Egilsstöðum á ný, vegna þess að þar er mun meira vöruúrval.

Mig rak í rogastanz fyrir helgina þegar ég ætlaði að kaupa uppáhalds morgunkorn sonar míns, sem er Havre fras (koddar). Verðið á litlum pakka var um 350 kr. fyrir stuttu síðan en nú kostaði hann 630 kr. ! Þegar ég spurði afgreiðslustúlkuna hvort þetta væri ekki einhver vitleysa, svaraði hún hálf skömmustulega að því miður hefði þetta bara hækkað svona. Þegar ég hafði huggað hana og sagt henni að þetta var ekki henni að kenna, fór ég með pakkann aftur í hilluna og skilaði honum.

Ég læt ekki bjóða mér svona svívirðu.

Allir fylgist með

Nýjasti Íslandsvinurinn

Hinn móralski stuðningur sem Richard Portis, prófessor við London School of Economics, veitir íslensku efnahagslífi og bönkunum í þessu viðtali, er hugsanlega eitt verðmætasta innlegg um Ísland í bandarísku/alþjóðlegu sjónvarpi frá upphafi. Spurnig hvort ekki ætti að vera mynd af Porter á nýja 100 þús. kr. seðlinum. Fer hann ekki annars að koma fljótlega? 

 Viðtalið

Segir Ísland afar vel rekið land