Skilja vinstrimenn ekki áhrif skatta?

Þau fáu skipti sem vinstrimenn hafa komist til áhrifa á Íslandi, þá hefur það verið í kjölfar óróa og almennra efnahagsþrenginga. Óánægja og fúllyndi almennings, er vatn á myllu vinstriflokkanna og það er auðvitað ekkert óeðlilegt að ríkjandi valdhöfum sé refsað, þegar illa árar.

Þegar vinstrimenn eru í stjórnarandstöðu, þá er ójöfnuður í þjóðfélaginu venjulega það sem þeir hamra mest á. Þeir vilja jafna kjörin í landinu í gegnum skattkerfið. Þeir eru svo uppteknir af því að jafna kjörin að þeir gleyma því að bæta kjörin. Þeir virðast einfaldlega ekki kunna það.

Vinstrimönnum virðist líða betur ef þeir geta skattlagt lágan stofn mikið, heldur en háan stofn lítið, jafnvel þó að það blasi við að hagur ríkissjóðs vænki við hið síðarnefnda.

Minni þörf á skattahækkunum

Skattar eða uppbygging

Merkilegt hvað vinstrimenn eru rígbundnir í hugmyndum um nýja skatta, flókna skatta... aukna skatta. Ef þeir nýttu tímann í að hugsa um að styrkja undirstöður atvinnulífsins, þá fengju þeir meiri skatta, án þess að hækka þá eða finna upp nýja.

Voru ekki auknar skatttekjur ríkissjóðs það sem Stefán Ólafsson gagnrýndi eftirminnilega í tíð ríkisstjórnar Sjálfstæðisflokksins? Og það þrátt fyrir að skattar væru lækkaðir!

Áform um orkuskatt endurskoðuð

Er ekki hægt að setja Jóhönnu í farbann?

Jóhanna hefur væntanleg haldið ræðu sína á íslensku. Vonandi var þýðandi þingsins fjarverandi.  

Mér dettur í hug Árni Johnsen, þegar ég renni yfir þetta skammarleg bull í Jóhönnu á þingi Norðurlandaráðs.

Árni hélt ræðu á þinginu fyrir allmörgum árum síðan. Sænskur þingmaður var sessunautur íslensks kollega síns undir ræðu Árna. Svíinn snéri sér að íslenska þingmanninum, benti á Árna í ræðustólnum og sagði: "Við eigum nokkra svona á sænska þinginu, en við hleypum þeim ekki út fyrir landsteinana". Mér skilst að þetta sé ekki skrítla

Er ekki hægt að setja Jóhönnu í farbann.... frá Stokkhólmi?

Aukið samstarf smærri aðildarríkja mikilvægt

Flott hjá Bjarna

Orð Bjarna Benediktssonar á þingi Norðurlandaráðs voru skýr og án diplómatískrar helgislepju, öfugt við ekki-svar Fredrik Reinfeldt, forsætisráðherra Svía, við ræðu Bjarna.

Vonandi vekur ræða Bjarna "vini" okkar á Norðurlöndum til umhugsunar um okkar málstað. Ekki verða orð eða athafnir hinnar höfuðlausu ríkisstjórnar okkar til þess.

 

Ísland stóð eitt í hvirfilbylnum

Á hvað var "veðjað"?

Það er ekkert athugavert við það að skattleggja hóflega, en aukaskattur á gerða samninga gengur ekki upp. Það eru slæm skilaboð til erlendra fjárfesta í atvinnustarfsemi hér.

Ég held að bankabólan hafi ruglað fólk eitthvað í ríminu. Hinar fáránlegu fjárupphæðir sem skiptu um hendur við tilfærslur með "táknmyndir á blaði", eins og Bjarni Ármannsson orðaði það um fésýslu sína, er ekki sá raunveruleiki sem venjuleg fyrirtæki búa við. Margir virðast halda að t.d. álfyrirtækin í heiminum séu endalaust og alltaf í botnlausum gróða, en það er auðvitað ekki svo.

Áliðnaðurinn í heiminum titraði við það eitt að heimsmarkaðsverð á áli hrapaði umtalsvert niður í nokkra mánuði fyrir um ári síðan. Álfyrirtækin eru ekkert ýkja mörg í heiminum og talað var um "óvinveittar yfirtökur" o.fl. í þeim dúr, því tap var á þessum iðnaði um tíma.

Sjávarútvegsfyrirtækin "græða" stundum ágætlega, sem betur fer, en svo koma mjög erfið tímabil inn á milli. Miklar og dýrar fjárfestingar eru í sjávarútveginum sem fjármagnaðar hafa verið að miklu leyti með erlendu lánsfé.

Manni dettur stundum í hug dæmisögur um mjólkurkýr og kartöfluútsæði, þegar maður skoðar skattahugmyndir vinstrimanna.

 

Veðja á réttan hest?

Ó... takk!.... en nei takk!

Grímulaust viðurkennir hollenski fjármálaráðherrann að Alþjóða gjaldeyrissjóðurinn hafi verið notaður sem handrukkari fyrir Bretland og Holland. Samfylkingin með ESB að leiðarljósi hlýtur að fagna.

Mér skilst að ekki sé eins mikil þörf á lánsfjarmagni og upphaflega var gert ráð fyrir. Lausn Icesave-deilunnar á víst að þýða "hálfur sigur unninn". Vonandi er það rétt... en djöfull langar mig að sýna þessu liði fingurinn

Bos: Á von á jákvæðum viðbrögðum AGS

Ég sem hlakkaði svo til

 Yfirlýsingar stjórnarandstöðunnar fyrrverandi, (þ.m.t. Samfó) og núverandi stjórnvalda, í upphafi bankahrunsins, sem og forsvarsmanna "Búsáhaldabyltingarinnar", sem sumir segja að skipulögð hafi verið að hluta af vinstriflokkunum, voru all gassalegar, enda komst þetta fólk til valda í kjölfarið. Ég er ekki viss um að allar þær fullyrðingar sem þá var slengt framan í sjokkeraða þjóð, standist nánari skoðun og að niðurstaða rannsóknarnefndarinnar muni sýna fram á það.

Það er því eins víst að stjórnarflokkarnir andi léttar við þessa frétt. Það verður gaman að rifja upp gífuryrði ýmissa "byltingarsinna" um pólitíska andstæðinga sína á haustdögum 2008.

Rannsóknarskýrslu seinkar

ESB - AGS - Icesave, skal það vera

Það þarf ekki frekari vitnanna við. Farmiðinn í faðm ESB er í hættu ef Íslendingar voga sér að leita annarra leiða en þeirrar sem AGS vill þröngva upp á okkur. ESB-aðild er að veði.

Svona ætlar Samfylkingin að hafa þetta, sama hvað tautar og raular.

Burt með Samfylkinguna úr ríkisstjórn... í einum logandi helvítis hvelli

Ekki þörf á norsku láni

Er þetta formlegt?

Mér sýnist þetta vera "chit chat" á milli tveggja kunningja í norsku og íslensku ríkisstjórnunum. Mál af þessu tagi eru ekki afgreidd í slíkum  samskiptum. Hvað er næst? SMS?

"!Hææææ!... hlakka til að sjá þig!"

Þjóðþing Noregs hlýtur að þurfa að taka afstöðu til formlegrar beiðnar frá Íslandi en slík beiðni hefur ekki borist. Það er því auðvelt að slá þessar pælingar út af borðinu með þessum hætti.

Mér þætti vænt um að fá að sjá með hvaða hætti norska stórþingið afgreiðir beiðni um svona lán. Með ESB að leiðarljósi, mun Samfylkingin ekki leggja fram slíka beiðni.

Birtir bréf Jóhönnu

Er það SMS næst?

Allir sjá sem vilja að lán án skilyrða, hvaðan sem það kæmi, gæti stefnt umsókn Íslands í ESB í hættu. Þá værum við lausir við þumalskrúfur AGS og samningsstaða okkar væri betri gegn Hollendingum og Bretum vegna Icesave. Fulltrúar þessara landa hafa sagt það berum orðum, am.k. við Lilju Mósesdóttur, að við getum gleymt aðildarumsókn ef við samþykkjum ekki þá nauðarsamninga sem að okkur er rétt.

Er Samfylkingin líkleg til þess að stofna aðildarumsókn Íslands í hættu? Svari hver fyrir sig.

Er líklegt að viðkvæmar viðræður við Norðmenn, sem valda titringi hjá nokkrum voldugum ESB-þjóðum, skili árangri með lauslegri fyrirspurn í tölvupósti? Hefði Jóhanna ekki alveg eins getað sent SMS?

Ummælin fráleitur þvættingur