Ekki hann

Steingrímur hefur ekkert í þetta mál að gera. Hann segir bara hvað forsetinn var vondur við hann.... hvað allir séu vondir við hann á Íslandi. Svo grætur hann smávegis á öxlinni á fjármálaráðherra Bretlands og segir "Oh Darling".

Gamla Alþýðubandalagið sem öllu ræður í ríkisstjórn landsins, hefur opinberað dugleysi sitt þrisvar sinnum í þessu máli.

Er ekki komið nóg?

Steingrímur til Bretlands

Quisling

Þeir eru ófáir "Quislingarnir", bæði erlendis og hérlendis.

 Það er fáheyrt að ráðamenn þjóða taki málstað andstæðinga sinna í deilum. Það hafa ráðamenn íslensku þjóðarinnar ítrekað gert á undanförnum mánuðum.

Samningaleiðin er orðin ófær. Eina leiðin út úr þessu héðan af er dómstólaleiðin.

Ábyrgðarleysi hjá forsetanum

Þau bera okkur út

Í geðshræringu hádegisins, héldu foreldrar þessarar óstjórnar okkar, blaðamannafund. Það var augljóst að þau voru bæði í andlegu ójafnvægi og yfirlýsingar þeirra á fundinum báru þess merki. Skaðinn var mun meiri af orðum þeirra en af gjörðum forsetans.

Erlendu blaðamennirnir voru ekki í vandræðum með fyrirsagnir sínar í kjölfarið. Þeir þurftu ekki einu sinni að hugsa þær sjálfir.... þær komu "gratis", frá forystumönnum ríkisstjórnarinnar. Það er sjálfsagt ekki á hverjum degi sem þeir komast í svona "Headline material", eins og þau skötuhjúin.

Sammála um að lágmarka ókyrrð

British and Icelandic people united in their contempt for Gordon Brown

Það var stofnuð Facebook síða fyrir fólk sem vill að Ólafur Ragnar segi af sér. Karl greyið var hálf klökkur þegar hann hélt blaðamannafundinn í morgun. Það lá við að ég vorkenndi honum.

Ég mæli með að fólk skrái sig á þessa: http://www.facebook.com/group.php?gid=236510959775&ref=nf&v=info 

 

Bretar leita til ESB

Lygamerðir

Alþjóðagjaldeyrissjóðurinn og frændur okkar á Norðurlöndum eru nýbúnir að sverja af sér að lánveitingarnar þeirra tengist afgreiðslu á Icesave.

Héldu þessir aðilar að við tækjum ekki eftir lyginni?

Lánafyrirgreiðsla Svía veltur á AGS

Misskilningur á misskilning ofan

Hvað hefur ríkisstjórnin gert til að koma sjónarmiðum þjóðarinnar á framfæri? Auðvitað ekki neitt, því hún gerði engan samning við Breta og Hollendinga, heldur samþykkti það sem að henni var rétt, með von um hraðferð inn í ESB.

Erlendir fölmiðlar eru uppfullir af sömu vitleysunni, sjá HÉR

Ákvörðun Íslands hneyksli

Það kviknaði von

Sumir vilja bera saman þjóðaratkvæðagreiðslu um þetta mál og þjóðaratkvæðagreiðslu um skattamál og fjárlög, en sá samanburður er út í hött. Icesave-málið er deila um lagatúlkun, ólíkt skattamálum, og um það deila lögspekingar. Þegar þetta álitamál hefur verið kynnt þjóðinni á mannamáli, þá er almenningur fullfær um að taka afstöðu til málsins.

Þeir sem vilja festa í lög þennan skammarlega lélega samning, reyna að hræða þjóðina með því að segja að einhverjar auka-hörmungar dynji yfir ef hann verði ekki samþykktur. Þessu er slegið fram í áróðursskyni án þess að færð séu rök fyrir því.

Ég hef haldið því fram nokkrum sinnum hér á blogginu að Ólafur Ragnar muni örugglega skrifa undir lögin, en miðað við ávarpið í gærkvöldi, þá kviknaði smá von um að hann geri það ekki.

Vilji þjóðarinnar hornsteinninn

Sýndarmennska

Skúrkurinn á Bessastöðum er að "kæla" málið og skrifar svo undir lögin 4. janúar. Steingrímur Joð mun segja af sér ráðherra og þingmennsku, geri hann það ekki.

Það veit Bessastaðamaðurinn.

Forseti tekur sér frest

Flokkspólitísk niðurstaða

Það er í raun sorglegt að mál af þessu tagi skuli afgreitt eftir flokkspólitískum línum.

Ég fullyrði að umtalsverður hluti stjórnarþingmanna hafi ekki kosið eftir eigin sannfæringu í málinu sjálfu, heldur vegna annarra hagsmuna. 

Samfylkingarþingmenn eru dregnir áfram af þeirri sannfæringu að samþykkt ríkisábyrgðarinnar liðki fyrir og auki líkur á hraðferð inn í Evrópusambandið og V-grænir af ótta við að áratuga draumur um hreina vinstristjórn renni út í sandinn.

Ef þessi vinstristjórn liðast í sundur, þá verður það verkefni annara kynslóða en okkar, að leiða saman vinstrimenn að nýju. Steingrímur Joð gerir sér fulla grein fyrir þessu.

Ef bjáninn á Bessastöðum skrifar undir þessi lög... tja, hvað gerist þá?

P.s. Ég held að Ögmundur hafi sagt nei eftir að hafa fullvissað sig um að atkvæði hans skipti ekki sköpum og að frumvarpið færi í gegn. Öðru máli gegnir um Lilju Mó, ég hef meira álit á henni.

Alþingi samþykkti Icesave

Ekki alveg sambærilegt

Dagpeningar sem landkrabbar fá fyrir störf fjarri heimili sínu, eru til að dekka kostnað við mat og gistingu. Ekki þurfa sjómenn að borga gistingu, en ef ég man rétt þá borga sjómenn einhvern hlut í matarkostnaði, a.m.k. hlut af olíu og umbúðakostnaði. Þær álögur finnst mér reyndar ósanngjarnar, svona svipað og að láta starfsfólk spítala, skóla eða banka borga rafmagnsreikninga vinnuveitanda síns.

En einu virðast margir gleyma varðandi sjómenn, en það er að þeir eru ekki að njóta opinberrar þjónustu líkt og aðrir launamenn, nema að takmörkuðu leiti. Þeir hafa hreinlega ekki aðgang að henni. Einhverntíma heyrði ég mann segja að kostnaður vegna björgunarþyrlna Landhelgisgæslunnar væri vegna sjómanna, en það er tóm vitleysa. Meirihluti útkalla þyrla LHG er á landi.

Það þarf að finna sanngjarna lausn á þessu máli fyrir sjómenn. Spurning að tekjutengja sjómannaafsláttinn.

Sjómenn fái dagpeninga