Allt rétt hjá Davíð

Það þarf ekki langan bloggpistil um þessa frétt. Allt sem haft er eftir Davíð á þessum ríkisstjórnarfundi, var hárrétt hjá honum.

En Samfylkingarráðherrarnir með fulltyngi Þorgerðar menntamálaráðherra, fóru í fýlu.... fengu áfall og gerðu athugasemd Davíðs um þjóðstjórn að aðal máli dagsins.

Hvílíkir viðvaningar!

Uppnám vegna orða um þjóðstjórn

Of margir sökudólgar?

Ég held að margir verði fyrir vonbrigðum með það hversu sökudólgarnir eru margir.

Í múgæsningnum sem stjórnað var af V-grænum á upphafsmánuðum hrunsins og í "búsáhaldabyltingunni", var því haldið fram að þetta væri allt saman Davíð Oddssyni að kenna og ef hann yrði krossfestur, þá yrði allt í fína lagi.... réttlætinu fullnægt.

Þeir verða nokkrir óbótamennirnir sem hengdir verða honum til samlætis. Það er nokkuð ljóst.

Skýrslan kom þjóðinni á óvart

Hvað gerðu íslensk stjórnvöld?

Hillary Clinton, utanríkisráðherra Bandaríkjanna, gekk af þessum "Kanadíska" fundi í mótmælaskyni, fyrir hönd okkar Íslendinga, Finna og Svía. Stjórnvöld í Finnlandi og Svíþjóð gagnrýna kanadísk stjórnvöld opinberlega fyrir að hafa ekki boðið fulltrúum sínum og okkar á fund þar sem rætt er um framtíð norðurskautsins.

Hafa íslensk stjórnvöld gert slíkt hið sama?

Það læðist að mér sá grunur að svo sé ekki. Þessi ríkisstjórn er svo duglaus á öllum sviðum, að 1/3 væri nóg, ... jafnvel yfirdrifið.

Svíar og Finnar gagnrýna kanadísk stjórnvöld

Selur eltir kött

Sá ég út við svarta kletta

selinn elta kött.

Það er best að botna þetta,

bara út í hött

(Helgi Sæm botnaði á hagyrðingakvöldi)

Skoðanakönnun hér til hliðar

Dýrkeypt leit að köttum

Einkavæðing - einkarekstur

Dagur, ásamt meirihluta vinstrimanna að því er virðist, gerir ekki greinarmun á "einkarekstri" og "einkavæðingu". Vinstrimenn telja sig hafa komið skammaryrðisstimpli á orðið "einkavæðing" og það má vel vera að þeim hafi tekist það innan sinna raða. En gagnrýni þeirra á einkavæðinguna verður ekki yfirfærð á einkareksturinn, nema breytingar á röksemdarfærslunni komi til.

Ég held að flestir aðrir viti að á þessum tveimur rekstrarformum er reginn munur. Með þessu er ég ekki að segja að annað formið sé verra en hitt, heldur einungis að segja að þetta er tvennt ólíkt.

Einkarekstur er þegar einstaklingar, félagasamtök eða fyrirtæki taka að sér rekstur að uppfylltum skilyrðum og kröfum um þjónustu fyrir opinberan aðila. Við einkavæðingu er rekstur seldur frá sveitarfélagi til einkaaðila.

Einkarekstur er í jafnmikilli samfélagslegri ábyrgð og rekstur sem opinber aðili sér um og gerðar eru sömu kröfur til þjónustu. Hagræðing hins opinbera við einkareksturinn er sá að að hægt er að spara í yfirstjórn, skrifstofukostnaði og slíku.

Dagur bendir á fyrri ummæli Þorbjargar Helgu

Blaður B. Ekkertson

Fjórir fingur krepptir og þumallinn upp í loft....

"Ég get ekki tjáð það né túlkað með orðum...."

Segir ekkert hæft í orðum Dags

Vinna fyrir eftirlitsiðnaðinn

Hver ætlar að fylgjast með því að viðkomandi reikningar frá iðnaðarmönnunum tengist íbúðarhúsnæði?

Það verður svindlað feitt á þessu kerfi, það þarf engin að halda annað. En Steingrímur "eftirlitsmaður" mun sjálfsagt ráða fjölmennan flokk eftirlitsmanna til að stemma stigu við því. Hann lofaði jú að fjölga störfum fyrir síðustu kosningar og flokkur hans í NA-kjördæmi nefndi sérstaklega og auglýsti í kosningabæklingum sínum að það yrðu "opinber" störf.

Vinstrimenn þurfa að læra að slaka á aðeins og hætta að vera "Tight ass"....      leyfa bara prumpinu að koma

Viðhaldsvinna frádráttarbær

Skattborg heimilanna

Hey!.... Allir!

Hvort á maður að hlæja eða gráta?

Losum okkur við þessa ríkisstjórn, þetta gengur ekki lengur.

Afskriftir verða skattlagðar

Guð blessi vexti og verðbólgu

"Segir sjóðurinn að háir vextir á innlendum markaði og mikil verðbólga hafi skilað mjög góðri afkomu"

Það er dapurlegt að sjá svona "gleðifrétt". Og í framhaldinu af þessari "jákvæðu" afkomu hjálparstofnunarinnar (Lánasjóði sveitarfélaga) þá þarf að fara með útsvarið upp í rjáfur, m.a. til að borga framkvæmdastjóra sjóðsins, Óttari Guðjónssyni, 1.333.333 krónur á mánuði í laun.... og ætli sé þá allt talið?

Hægt er að stækka myndina með því að smella þrisvar.

Þarna sést að laun framkvæmdastjórans hækka um tæpa miljón á milli ára. Ætli hin hreina og tæra vinstri-velferðarstjórn viti af þessu? Væri ekki ráð að lækka vextina og laun framkvæmdastjórans í leiðinni? Ég tel að það yrði nokkuð vinsæl aðgerð.

Ef skoðaður er listinn yfir nokkur skuldugustu sveitarfélögin við sjóðinn, sést að mjög misjafnt er hver skuldastaðan er, ef reiknað er á hvern íbúa.

1. Sandgerðisbær                 933.551.-
2. Fjarðabyggð                     865.291.-
3. Sveitarf. Álftanes             684.550.-
4. Grindavík                          531.334.-  
5. Sveitarf. Árborg               520.960.-
6. Fljótsdalshérað                507.321.-
7. Ísafjörður                        472.936.-
8. Borgarbyggð                    409.487.-
9. Akranes                            333.063.-
10. Sveitarf. Skagafjörður    331.987.-

 Þetta segir auðvitað ekki alla söguna um skuldastöðu sveitarfélaganna því Lánasjóður sveitarfélaga er í fæstum tilfellum, ef nokkrum, eini lánadrottinn þeirra. Reykjavíkurborg skuldar sjóðnum t.d. ekki nema rétt rúman miljarð sem gerir um 9.000.- kr. á hvern íbúa.

Sömuleiðis má segja að þessar tölur segi ekki mikið um skuldavandann, því tekjustofnar sveitarfélaganna eru mismiklir og misöruggir. T.d. er vandinn lang alvarlegastur á Álftanesi, þó sveitarfélagið sé í þriðja sæti á listanum hér að ofan.

Sveitarfélagið mitt, Fjarðabyggð, er þarna í öðru sæti. Vitað var í upphafi álversframkvæmdanna hér eystra, að sveitarfélagið yrði að skuldsetja sig töluvert vegna uppbyggingarinnar. Margar nýjar og glæsilegar þjónustubyggingar hafa verið byggðar, s.s. skólar, sundlaugar, íþróttahús, heilsugæslustöðvar, hafnir, gatnagerð o.fl. Skuldirnar eru auðvitað þungur baggi á sveitarfélaginu, en á móti kemur að tekjustofnarnir eru mjög öflugir og öruggir.

Það má hins vegar gagnrýna sveitarstjórnina hér í Fjarðabyggð fyrir margt, sérstaklega varðandi skipulagsmál. Það er eins og andskotinn sjálfur hafi unnið þau verk með öfugum klónum.

Hafnarfjörður með hæstu skuldina

Gott mál

Þetta hélt ég að ég myndi ALDREI gera! Að hrósa Álfheiði Ingadóttur!

En ég geri það hér með. Þetta á auðvitað að vera sjálfsagt mál.

Samþykktu frumvarp um gjafaegg