Ég hef efasemdir

Í ljósi reynslunnar af málflutningi náttúruverndarsinna, sem og einstakra náttúruverndarsamtaka, dreg ég öll hæstu stig lýsingarorða um svæðið, sem frá þessum aðilum koma, stórlega í efa.

Margskonar nýtingamöguleikar á sviði ferðamannesku á svæðinu geta haldið sér, þrátt fyrir að þarna sé virkjað. Náttúran mun ekki hverfa. Það má færa fyrir því rök að ferðamannastraumur verði jafnvel enn meiri á svæðið ef virkjað er. Að vísu lokkar framkvæmdirnar ekki þá tegund ferðamanna sem vilja vera einir með sjálfum sér og kanna tilverunnar innstu rök. Þeir verða að fara annað.

Gaumgæfir friðun Gjástykkis

Finnska efnahagsundrið í vanda

Margir Íslendingar hafa bent á Finnland sem fyrirmyndarríki varðandi atvinnu og efnahagsuppbyggingu. Hvert benda þeir næst?

Finnska Vetrarstríðið. Finnar unnu ótrúleg afrek í þessu stríði.

Finnland í djúpri lægð

Grein sem gagnrýnir þessa dómsdagsspá

http://wattsupwiththat.com/2009/09/07/guardian-global-warming-to-trigger-earthquakes-tsunamis-avalanches-and-volcanic-eruptions/

Á þessari vefslóð er fjallað um þessa frétt.

Mögnuð ljósmynd af eldfjallinu Llaima í Chile.

"Chile’s Llaima volcano, one of the most active in the South America chain, began spewing a fresh pyroclastic eruption three days ago. The 3,127-metre Llaima volcano erupted on January 1, 2008, and has spewed superheated gas, ash and rock sporadically ever since.
Chile's chain of some 2,000 volcanoes is the world's second-largest after Indonesia. Around 50 to 60 are recorded to have erupted, while 500 are deemed potentially active."

http://www.rawfish.com.au/natures-special-effects-chilean-volcanic-eruption/

Hlýnunin getur leitt til eldgosa og annarra náttúruhamfara

Tóm þvæla

Ísbjörnum hefur ekki fækkað á þeim heimskautasvæðum þar sem mest hefur hlýnað, heldur þvert á móti, þar hefur þeim einmitt fjölgað. Um 1960 voru ísbirnir einungis um 5.000 á norðurslóðum en í dag eru þeir um 25.000. Um miðja öldina síðustu hafði þeim fækkað vegna ofveiði en undanfarin ár hefur heildarstofninn verið stöðugur.

Stöðugt heyrum við í fréttum að ísinn á Norðurpólnum sé að hverfa. Þetta er haft eftir "vísindamönnum". Þetta er einkennilegt í ljósi þess að ísinn hefur aukist jafnt og þétt um heil 20% síðan 2007, úr 4,2 milj. ferkm. í 5,2 milj. ferkm.

Með þessu áframhaldi verður öll jörðin þakin ís árið 2030. Oh My God!

Sjá HÉR

Ísbirnir neyddir í megrun

Dornrós

Dornrós er í flokki eðalrósa. Ég er með eina í garðholunni, blómin er fyllt og sérlega ilmandi.

 

 Dornrósin lætur ekki mikið yfir sér á þessari mynd en þarna er ég nýbúinn að klippa af henni rósaknyppi sem var í blóma. Um 40 knúbbar komu í sumar og um helmingur þeirra er búinn nú í byrjun september. Rósin getur blómstrað fram í október ef veðrið er sæmilegt.

Búntið sem ég klippti af um daginn. Ilmurinn fyllti íbúðina. Dökkrauði knúbburinn í miðjunni sprakk út á tveimur dögum í skálinni á stofuborðinu.

Er námið vandamálið?

Mér sýnist við lestur þessarar fréttar að námið sé minnsta vandamál þessarar ólánskonu. Bankinn er gerður að sökudólg í þessari umfjöllun Þóru Kristínar Ásgeirsdóttur, en það þarf svo sem ekki að koma á óvart frá henni.

Ég man ekki eftir fréttamanni á Íslandi með meiri vinstri slagsíðu en Þóru Kristínu, formanni blaðamannafélags Íslands, nema e.t.v. Evu Erlendsdóttur og Jóhanni Haukssyni. Matreiðsla hennar á sumum fréttum er heiðri blaðamanna til skammar.

Móðir hrökklast frá námi

Fjósanótt

Reyðfirðingar héldu "Fjósanótt" í Rafstöðvargilinu í gærkvöldi. Einhver húmoristi kallaði þessa uppákomu því nafni, því nokkrir einstaklingar tóku það upp hjá sjálfum sér, með stuðningi BYKO, Reyðarfirði, Reyðarfjarðardeild Rauðakross Íslands og Rafveitu Reyðarfjarðar, að heilgrilla naut og bjóða öllum Reyðfirðingum til veislu.

Viðburðurinn heppnaðist afburðavel og hátt í 300 manns mættu í grillið. Rafstöðvargilið hentar sérlega vel fyrir svona samkomu og veðrið var ákjósanlegt, logn og þurrt. Að loknum snæðingi var brekkusöngur og varðeldur og var undirritaður forsöngvari ásamt Helga Magnússyni, stórsöngvara úr BRJÁN, Blús,Rokk/djassklúbbur á Nesi, Neskaupsstað. Guðmundur Frímann Guðmundsson spilaði undir á gítar.

Það var mál manna á staðnum að gera þetta að árvissum viðburði hér eftir og hafa þá tímasetninguna aðeins meira í sumrinu, eða fyrstu eða aðra helgi eftir Verslunarmannahelgi.

Ég set inn myndir frá þessum viðburði seinna í dag.

Grillið fengum við lánað hja Bændasamtökunum og BYKO sá um flutningin austur. Grillið hefur farið víða um land í sumar, m.a. til Vestmannaeyja. Áhugi er fyrir því á Reyðarfirði að smíða grill fyrir bæinn og útbúa aðstöðu fyrir það í Rafstöðvargilinu. Einnig mætti smíða svið og danspall í gilinu.

Kjötiðnaðarmaður og kokkur, Þorgeir og Siggi, sáu um að skera kjötið.

Nokkrir ferfætlingar voru með í gleðskapnum. Hér er hún Dillý, með hundinn sinn, Herkúles.

Brekkusöngur eftir matinn

Stálkar var fyllt af brettum og kveikt í. Notaleg stemning. Nokkrir ungliðar úr Björgunarsveitinni Ársól höfðu slökkvitæki við hendina svo fyllsta öryggis væri gætt.

Ps. Fleiri myndir: http://fjardabyggd.is/Forsida/Itarlegrifrettir/glaesileg-grillhatid-a-reydarfirdi

 

Margt um að vera í Reykjanesbæ

Eskfirðingur, Norðfirðingur og Reyðfirðingur

Eskfirðingur, Norðfirðingur og Reyðfirðingur fóru í göngutúr til fjalla í Fjarðabyggð um daginn. Þetta var heitasti dagur sumarsins og þegar félagarnir komu að lítilli tjörn, ákváðu þeir að skella sér í tjörnina til að skola af sér svitann.

Þar sem þeir voru staddir á afskektum stað og ekki sála í nánd þá fóru þeir úr öllum fötum og svömluðu svo í svalandi tjörninni. Þegar þeir komu upp úr, lögðust þeir í lyngið á vatnsbakkanum og létu sólina þurrka sig.

Þegar þeir höfðu legið dálitla stund í blíðviðrinu, tóku þeir eftir því að töluvert var af berjum í kringum þá. Þeir fór þá á stjá og tíndu berin uppí sig eins og kindur á beit. Skyndilega verða þeir varir við hóp af konum sem eru á gangi rétt hjá þeim. Þar sem félagarnir voru komnir spottkorn frá fötum sínum, ákváðu þeir að leita skjóls á bak við hól sem var þar rétt hjá. Eskfirðingurinn og Norðfirðingurinn huldu kynfæri sín á hlaupunum, en Reyðfirðingurinn huldi andlit sitt.

Þegar konurnar voru farnar spurðu þeir tveir sem huldu kynfæri sín, Reyðfirðinginn, hvers vegna hann hefði hulið andlit sitt en ekki kynfærin.

Reyðfirðingurinn svaraði: "Ég veit ekki hvernig þetta er hjá ykkur, en á Reyðarfirði þekkist fólk á andlitinu."

Betri en Anderson

Þó danska deildin sé þokkalega sterk, þá á Snorri Steinn heima í þeirri bestu.

Frábær leikstjórnandi þar á ferð og minnir á Magnus Anderson, hinn sænska... bara betri, fjölhæfari og sterkari.

Gott fyrir íslenska landsliðið í Austurríki á næsta ári.

Snorri Steinn til Rhein-Neckar Löwen

Saving Iran

Ætli séu engin "Saving Iran" samtök þarna?

Mótmælendum nauðgað í fangelsum