Minnir mig á...

...kunningja minn sem var handtekinn á Hallærisplaninu sáluga fyrir einhverjar óspektir. Við, nokkuð stór félagahópur vorum allir nýkomnir með bílpróf og okkar annað heimili, a.mk. um helgar, var "rúnturinn".

Farið var með kunningja minn á lögreglustöðina og þar spurður til nafns og notaði hann nafn annars vinar okkar, sem heitir Benedikt. Að lokinni skýrslutöku var kunningjanum sleppt.

Seinna um kvöldið var Benni einnig tekinn fyrir svipaðar sakir og á lögreglustöðinni segir hann auðvitað sitt rétta nafn. Varðstjórinn á lögreglustöðinni biður hann þá um skilríki en vinurinn hafði þau ekki meðferðis. Varðstjórinn lítur þá glottandi á hann og segir "Það þýðir ekkert svona hér kallinn minn. Ef þú segir ekki þitt rétta nafn, þá verður þér stungið inn"

Benni sór og sárt við lagði að hann væri að segja sannleikann, sagði kennitölu sína, heimilisfang og símanúmer og þeim væri velkomið að hringja heim til hans. En lögreglan, sem þóttist vera nýbúinn að sleppa "Benna", fannst hinn raunverulegi Benni ótrúverðugur.

Benedikt vinur okkar fékk að gista fangageymslur lögreglunnar þessa nótt

Neitaði að segja til nafns

Reyndist á rökum reist

Ég bloggaði um erfiða stöðu og meinta óráðsíu í rekstri Golfklúbbs Eskifjarðar, fyrir um 4 mánuðum síðan. Sjá HÉR

Samkvæmt mínum heimildum er brotalöm á bókhaldi klúbbsins og spurning hvort rannsókn fari fram á rekstrinum á næstunni.

Kylfingar á nýrri kennitölu

Guð blessi gróðurhúsaáhrifin

Met kornuppskera

Sorrý, sorrý

Þegar bankahrunið var að verða að hinum nöturlega veruleika fyrir ári síðan, þá var Geir Haarde og fleiri forystumenn Sjálfstæðisflokksins spurðir ítrekað af fjölmiðlamönnum hvort ekki væri rétt að biðja þjóðina afsökunar á orðnum hlut, því þetta gerðist jú á þeirra vakt. Geir sagðist ekki tilbúinn til þess, enda ekki á hreinu hvað hefði í raun gerst. Hann sagðist þó gera það ef niðurstaða rannsókarnefndar Alþingis kæmist að þeirri niðurstöðu að sökin væri hans.

Ekki gengu fjölmiðlamenn eins hart að forystumönnum Samfylkingarinnar, þó banka og fjármál þjóðarinnar væru á þeirra könnu og þrátt fyrir að viðvörunarbjöllur, og þá helst erlendis frá, byrjuðu ekki að gjalla að ráði fyrr en Samfylkingin komst í ríkisstjórn á vormánuðum 2007.

Auðvitað sváfu stjórnmálamenn á verðinum og þeir skulda allir með tölu þjóðinni afsökunarbeiðni, þó "sökin" væri ekki þeirra, en ég tek undir þau sjónarmið að það er betra að vita hverju verið sé að biðjast afsökunar á. Þess vegna er allt í lagi að bíða fram í nóvember þegar skýrsla rannsókarnefndarinnar liggur fyrir.

Margir hneiksluðust á viðbrögðum Geirs og félaga og sögðu þau sýna hroka og siðblindu. Jóhanna Sigurðardóttir skynjaði auðvitað viðbrögð almennings og nú sorrý-ar hún á báðar hendur við þau fáu tækifæri sem hún lætur svo lítið að sýna sig á almannafæri. Um daginn vegna Breiðavíkurmálsins og nú vegna bankahrunsins.

Og allir eru sáttir við Samfylkinguna.. hún kann nefnilega að biðjast afsökunar.

Biður þjóðina afsökunar

Steingrímur kaus Helvíti

Á góðum degi í framtíðinni ...

Steingrímur Sigfússon var dauður og kominn til himna þar sem hann hitti Lykla-Pétur.
 
Lykla-Pétur varð svolítið vandaræðalegur: „Eh, velkominn,“ sagði hann loks. „Þakka þér fyrir,“ sagði Steingrímur, „ég vissi að ég mundi enda hér“.

- „Nja,“ sagði Pétur , „þú hefur lifað sæmilega frómu lífi, eða þannig, svo við vildum gjarnan hafa þig hér en því eru ekki allir sammála. Þú ert umdeildur maður og það hafa fleiri áhuga á þér en við hér í himnaríki. Við urðum að halda fund með djöflinum þar sem þetta var rætt og það endaði með því að við gerðum samning við hann.“
 
„Samning!“ Hrópaði Steingrímur og var sýnilega brugðið. 
 
„Það er nú ekki alslæmt,“ sagði Pétur, „en djöfullinn sagðist nú þegar hafa flesta vini þína svo við sömdum um að þú eyddir einum sólarhring í helvíti og öðrum hér hjá okkur í himnaríki og svo velur þú sjálfur hvar þú dvelur um aldur og eilífð.

Steingrímur maldaði svolítið í móinn en samningur er jú samningur svo Pétur vísaði honum á lyftuna, kvaddi hann og sagðist sjá hann eftir sólarhring. Steingrímur ýtti á hnapp merktan „helvíti“ í lyftunni og seig svo langt, langt niður á við þar til lyftan stoppaði við kolsvarta hurð. Þegar dyrnar opnuðust stóð djöfullinn sjálfur fyrir innan. „Gamli vinur, vertu hjartanlega velkominn, gakktu í bæinn,“ sagði djöfsi.

Steingrímur fór inn og við honum blasti risastór golfvöllur. Margir af hans gömlu flokksbræðrum léku golf á vellinum eða stóðu í smáhópum og töluðu saman. Golfvöllurinn var fullkominn. Það var heitt í lofti og út um allt voru léttklæddar, snoppufríðar djöflastelpur sem færðu mönnum bjór og aðra kalda drykki. Steingrímur lék golf allan daginn og um kvöldið bauð Svavar Gestsson, sem hafði dáið nokkru áður, honum í „gúrme“grill (hafði sem sagt grætt um daginn og grillað um kvöldið) ásamt Indriða, Álfheiði og fleiri góðum vinum með öllu góðgæti sem hugsast gat. Fáum sögum fer af því hvernig Steingrímur eyddi nóttinni en sólarhringurinn í helvíti var fljótur að líða og morguninn eftir var honum vísað á lyftuna á ný.

Þegar Steingrímur kom aftur til himnaríkis var hann efins um ágæti þess staðar en það var samt sem áður tekið vel á móti honum. Hann var klæddur í englaföt og fengin harpa til að leika á. Hann eyddi deginum með því að ganga um milli skýjanna, hlustaði á fagran fuglasöng og borðaði ferska ávexti.  Hann fékk reyndar í magann af ávöxtunum og það pirraði hann að sjá Davíð og Þorgerði  sitja saman á skýi og leika á hörpur af mikilli innlifun.
 
Um kvöldið kom Pétur. „Nú ertu búinn að dvelja heilan sólarhring í helvíti og heilan dag hér í himnaríki. Ertu kannski búinn að ákveða þig?“ Spurði postulinn.  
„Hmm,“ sagði Steingrímur, ég átti nú kannski ekki von á því en ég held að ég velji helvíti, þrátt fyrir allt. Það er heppilegasti staðurinn fyrir mig.“ Andlitið datt af Pétri og hann reyndi hvað hann gat að fá Steingrím ofan af ákvörðun sinni. En Steingrímur var harðákveðinn.
Á ný fór Steingrímur með lyftunni niður í helvíti og djöfullinn tók aftur á móti honum. Hann kippti Steingrími inn en þar var þá allt öðru vísi umhorfs en daginn áður. Brennisteinsfnykinn lagði um allt og skerandi sársaukavein flokksbræðra hans og vina fylltu loftið. „En hvar er golfvöllurinn?“ Spurði Steingrímur. „Og djöflastelpurnar, bjórinn og grillið? 
 
- “Ah,“ sagði djöfullinn,  „þú skilur þetta mann best, í gær var kostningabaráttan í fullum gangi. En nú ertu búinn að kjósa!“

Hétu öll stuðningi

Fyndnar regnhlífar

 

Ný regnhlíf vekur kátínu

Brot á samningum

Þau rök heyrast að stóriðjufyrirtækin eigi að axla ábyrgð á ástandinu hér... taka sinn skerf af skellinum. Kannski er það sanngjarnt en ég hef þó efasemdir um það og hluthafar í fyrirtækjunum eru nær örugglega ekki sammála því. Auk þess eru það afar vond skilaboð til erlendra fjárfesta sem vilja athafnast hér í framtíðinni, að þeir geti átt von á einhverjum eftirá sköttum.

Stóriðjan er einn af fáum ljósu punktum í atvinnustarfsemi á Íslandi í dag. Örugg atvinna og hagnaður Landsvirkjunar vegna Kárahnjúka, er t.d. meiri en arðsemisútreikningar gerðu ráð fyrir, eða 13% á eigið fé. Það má því segja að stóriðjufyrirtækin hafi nú þegar lagt sitt af mörkum til að lina skellinn fyrir þjóðina. 

Og hvers vegna stóriðjuskatt frekar en einhvern annan? Á að mismuna fyrirtækjum?

Fjarðaál í Reyðarfirði. Álverið er í 6 km. fjarlægð frá Reyðarfirði og 8 km. frá Eskifirði. Á álverslóðinni hafa nú rúmlega 700 manns fasta atvinnu.

Boða fund um stóriðjuskatta

Talibönsk einkamálasíða

 

Telur ólíklegt að talibanar komist aftur til valda

Húrra fyrir Ögmundi

Ögmundur Jónasson er maður sem mér þykir vænt um í dag, þó ég sé ósammála honum í grundvallararatriðum í pólitík.

Ég gerði mér ekki grein fyrir því að eigendur IMF væru Bretar.

Við hljótum að fá áheyrn frá alþjóðasamfélaginu.

Það er verið að kúga okkur.

 

 

Segir Breta og Hollendinga fjárkúga Íslendinga

Auðvitað

Að sjálfsögðu er Jón Ásgeir ósáttur við að sanleikurinn um hann sjálfan sé gerður þjóðinni opinber. Er einhver hissa á því?

Áróðursvél Baugsveldisins fékk ekki að matreiða upplýsingarnar sem fram koma í myndinni.

 E.t.v. orkar það tvímælis að nota svona aðferðir til þess að koma  upplýsingum á framfæri. En er ekki J.Á.J. að smakka á eigin meðulum? Að birta einkapósta í fjölmiðlum sínum, hefur ekki truflað siðferðisvitund baugsklíkunnar og kjaftasögur eru prentaðar á forsíðum blaða þeirra.

Ósáttur við höfund Guð blessi Ísland