Harry Potthead

Erfingi bresku krúnunnar ku hafa eitthvað fiktað....

Putin með Doby, tvífara sínum

Erfitt að heita Harry Potter

Ábyrgðarlausir auðmenn

Þetta eru nú meiri vitleysingarnir, þessir þýsku auðmenn! Vita þeir ekki að þetta er hreint ábyrgðarleysi ?

Þýskir auðmenn til bjargar - hærri skatta takk!

Á hvað var "veðjað"?

Það er ekkert athugavert við það að skattleggja hóflega, en aukaskattur á gerða samninga gengur ekki upp. Það eru slæm skilaboð til erlendra fjárfesta í atvinnustarfsemi hér.

Ég held að bankabólan hafi ruglað fólk eitthvað í ríminu. Hinar fáránlegu fjárupphæðir sem skiptu um hendur við tilfærslur með "táknmyndir á blaði", eins og Bjarni Ármannsson orðaði það um fésýslu sína, er ekki sá raunveruleiki sem venjuleg fyrirtæki búa við. Margir virðast halda að t.d. álfyrirtækin í heiminum séu endalaust og alltaf í botnlausum gróða, en það er auðvitað ekki svo.

Áliðnaðurinn í heiminum titraði við það eitt að heimsmarkaðsverð á áli hrapaði umtalsvert niður í nokkra mánuði fyrir um ári síðan. Álfyrirtækin eru ekkert ýkja mörg í heiminum og talað var um "óvinveittar yfirtökur" o.fl. í þeim dúr, því tap var á þessum iðnaði um tíma.

Sjávarútvegsfyrirtækin "græða" stundum ágætlega, sem betur fer, en svo koma mjög erfið tímabil inn á milli. Miklar og dýrar fjárfestingar eru í sjávarútveginum sem fjármagnaðar hafa verið að miklu leyti með erlendu lánsfé.

Manni dettur stundum í hug dæmisögur um mjólkurkýr og kartöfluútsæði, þegar maður skoðar skattahugmyndir vinstrimanna.

 

Veðja á réttan hest?

Kór og bridge - "Angels"

Vetrarstarfið í Kirkjukór Reyðarfjarðar og Bridgefélagi Fjarðabyggðar hófst fyrir um mánuði síðan. Bridge á þriðjudögum og kór á miðvikudögum. Um 20-30 manns eru virkir í  kórnum og sömuleiðis í bridgefélaginu en ég er þó sá eini sem er í báðum. Nýir félagar eru að sjálfsögðu velkomnir og hvet ég sérstaklega fólk til þess að kíkja á söngæfingu hjá okkur á miðvikudagskvöldum kl. 20.00 í Safnaðarheimilinu við hliðina á kirkjunni. Fólk þarf ekki að vera vant söngfólk og ekkert inntökupróf er í kórinn. Aðeins eitt skilyrði er fyrir inngöngu, en það er að hafa gaman af því að syngja og að halda þokkalega lagi

Þessi mynd af kórnum er tekin í vor og nokkrir félagar hafa bæst við síðan.

Þó þetta sé kirkjukór, þá er messusöngur ekki fyrirferðarmikill í kórstarfinu og æfingaprógram okkar er afar fjölbreytt. Nú erum við t.d. að æfa nokkur bráðskemmtileg afrísk lög og einnig lagið " Angels " eftir Robbie Williams, sem sjá má á myndbandinu hér að neðan. Í Angels byrjar bassinn í kórnum einn með laglínuna og svo koma hinar raddirnar inn. Mjög skemmtilegt.

Enskur maður sagði mér....

.... sem er á miðjum aldri eins og ég, að þegar hann var í barnaskóla í Sheffield þá voru um 2-3% barnanna í skólanum af erlendum uppruna. Í dag eru innan við 10% barnanna í skólanum af innlendum uppruna.

Margt fleira hefur breyst í gamla hverfinu hans. Allir enskir kaupmenn "á horninu" eru horfnir á braut og í stað þeirra eru komnir kaupmenn frá Pakistan, Indlandi, Víetnam og Indónesíu. Ástæðan fyrir því að hinir ensku hurfu á brott, eru aðallega tvær. Þeir erlendu hafa opið hjá sér alla daga vikunnar í 16-18 tíma á dag og verð og vöruúrval er sniðið að þörfum annarar menningar en þeirrar ensku.

Enska menningin er gjörsamlega horfin úr stórum hluta borgarinnar.

Þessi Englendingur, sem var að vinna við uppbyggingu álversins hér á Reyðarfirði, var nokkuð við skál þegar ég keyrði hann á milli húsa eina helgina. Hann sagði við mig að Íslendingar væru heppnir að fá að búa í sínu eigin landi við sína eigin menningu. "Látið víti okkar verða ykkur til varnaðar", sagði hann við mig í töluverðri geðshræringu.

Bretum fjölgar sem aldrei fyrr

Egill / Ómar

Þegar Ómar Ragnarsson var fréttamaður á ríkissjónvarpinu, lá hann undir ámæli fyrir að flytja óróðuskenndar fréttir af virkjana og umhverfismálum. Ómar neitaði þessu og benti á að hlufall "neikvæðra" frétta og "jákvæðra" um virkjanamál væri svipað hjá sér.

Fréttamenn eiga ekki að vera álitsgjafar, þeir eiga að flytja fréttir. Í viðskiptum er sagt að til þess að vega upp eina neikvæða frétt af fyrirtæki, þurfi sjö jákvæðar. Þegar Ómar sagði starfi sínu lausu hjá ríkisfjölmiðlinum þá sagðist hann gera það vegna þess að hann gæti ekki lengur flutt hlutlausar fréttir af virkjana og umhverfismálum. Heiðarlegt af Ómari, en þetta kom engum á óvart. Allir vissu um skoðanir Ómars löngu áður en hann viðurkenndi þær opinberlega.

Egill Helgason stjórnar umræðuþætti á ríkissjónvarpinu. Egill fær ágæt laun fyrir það enda þáttur hans vinsæll. En Egill var ekki ráðinn til stofnunarinnar sem álitsgjafi eða áróðursvél fyrir tilteknar skoðanir. Ef hann vill vera í slíku starfi, þá þarf hann að finna sér annan vinnustað.

Texti við lag Magnúsar Eiríkssonar, "Sölvi Helgason"

Björn og Egill elda grátt silfur

Hvaða... hvaða?

Þessi bloggpistill, eða hvað þetta nú er... þessi "frétt" er dálítið sérstakur (stök)

Ég tek þó undir það að þessi upptalning: „Dauðadrukkið súpermódel“, „Nafli Kate Hudson“, „Courtney Cox (45): Í fantaformi á fimmtugsaldri“, „Nicole Kidman (42): Ég hef aldrei farið í botox“, „Verslar ómáluð“. , sem er úr Visir.is (er mér sagt ) er dálítið yfirdrifið hjá þessum vefmiðli. En það er greinilegur áhugi á þessu. En hvað á að gera? Banna þetta?

En svo kemur þetta, frá Arnari Eggert Thoroddsen, þeim er skrifar fréttina:

"Af hverju eru allar þessar fréttir af kvenfólki? Jú, af þeirri einföldu ástæðu að karlar fara með völdin í þessum skrifum/miðlum. Annars værum við að lesa um þröngu og gegnsæju sundskýluna hans Johnny Depp dag eftir dag." (undirstrikun mín)

Ætli jafnréttisráð viti af þessari mismunun?

 

Hvað er þetta annað en kvenfyrirlitning?

Fjárans Nóbelsverðlaunin

Obama er í vanda, nýbúinn að fá friðarverðlaun Nóbels. Sem æðsti yfirmaður öflugastu vígbúnaðarvélar heimsins, þarf hann að taka ákvarðanir.

Óvíst hvort Obama sendi fleiri hermenn til Afganistans

Synir Njáls í tómu tjóni

Ef dagblað sýnir skopmynd af Múhameð, þá fer múslimaheimurinn, um fjórðungur jarðarbúa, á hliðina af bræði og hótar limlestingum og dauða. En hver eru viðbrögð hinna "hófsömu" við þessari frétt. Afhverju eru hinir "hófsömu" ekki í fararbroddi að fordæma þennan viðbjóð sem viðgengst í Mogadishu?

Synir Njáls á Bergþórshvoli hefðu verið í tómu tjóni þarna

Hýddar fyrir að ganga í brjóstahaldara

Jesus shaves

Ah... þarna er komin skýringin á "Jesus saves". Jesús fór eitt sinn á salernið til að raka sig og þá sagði einn lærisveinninn steinhissa að Jesús ætlaði að raka af sér tilkomumikið skeggið  Hinir lærisveinirnar misheyrðu þetta og hlupu út um víðan völl og hrópuðu: "Jesus saves! Jesus saves!"

„Jesú“ á salernishurð í Ikea