Skoðanakúgun í VG

Ég sá frétt á Mbl.is í morgun að hópur "vel menntaðra einstaklinga" úr grasrót VG hefðu haft samband við Lilju Mósesdóttur og sagt henni að segja af sér og setja varamann inn á þing fyrir sig. Ég fæ ekki betur séð en þessi frétt hafi verið fjarlægð af vef Mbl.

Skoðankúgun af ýmsu tagi hefur lengi verið þekkt úr röðum harðra vinstrimanna og oft virðist sem þeir finni sína verstu óvini úr eigin röðum, samanber Þetta , ásamt athugasemdum.

VG með forval í Reykjavík

Athugasemdir

[Árni Gunnarsson, 13.11.2009 kl. 09:59]

Þetta er því miður býsna algengt í öllum þessum pólitísku flokkum. Sumir virðast halda að stjórnmálaflokkur sé klúbbur. Svo er það alltaf spurning hvernig á að nota orðið "menntaður" Gunnar minn. En það er svo sannarlega gott að Lilja féll ekki í þann fúla pytt að þegja yfir þessum ræfildómi.

[Gunnar Th. Gunnarsson, 13.11.2009 kl. 11:10]

Mér leist ekkert á Lilju í upphafi en hún vex stöðugt í áliti hjá mér.

[Gunnar Th. Gunnarsson, 13.11.2009 kl. 11:50]

Þessi frétt var ekki á Mbl.is heldur á DV.is sjá

http://www.dv.is/frettir/2009/11/13/lilja-mosesdottir-var-bedin-um-ad-segja-af-ser/

[Sigurður Grétar Guðmundsson, 13.11.2009 kl. 17:54]

Gunnar Th. leystu mig úr álögum. Ég er búinn að liggja yfir toppmyndinni á blogginu þínu og get enn ekki áttað mig á hvaðan hún er. Fjörðurinn gæti verið Mjóifjörður eystra en byggðin er of mikil til að það gangi upp. Hvaðan er myndin?

[Gunnar Th. Gunnarsson, 14.11.2009 kl. 03:56]

Hún er frá Reyðarfirði

[Sigurjón, 14.11.2009 kl. 06:48]

Tekið ofan úr Fagradal?

Annars er leiðinlegt til þess að vita að svona ömurlegt fólk vilji skipta sér af því sem kjörnir fulltrúar á Alþingi gera...

Kv. Sigurjón

[Gunnar Th. Gunnarsson, 14.11.2009 kl. 16:29]

Hún er tekin frá "Skessu", í botni Reyðarfjarðar, sunnanverðum. Fagridalur er lengst til vinstri á myndinni

[Jóhanna Magnúsdóttir, 15.11.2009 kl. 01:24]

Það er nú vart hægt að halda í heilindin ef alltaf á að gera eins og manni er sagt að gera. En svo er líka spurning hvort að skoðanir eru ekki í samræmi við stefnuskrá að hætta í viðkomandi flokki?

[Gunnar Th. Gunnarsson, 15.11.2009 kl. 04:13]

Ég veit ekki til þess að það sé í stefnuskrá nokkurs flokks að íslenskir skattgreiðendur eigi að borga skuldir óreiðumanna erlendis. 

En talandi um stefnuskrá þá efa ég að sá stjórnmálaflokkur finnist, þar sem allir eru 100% sammála stefnuskrá síns flokks.