Subbi Skorsteins

Var ekki Bubbi búinn að lofa því að taka ekki þátt í þessari keppni? Hann lýsti því hátíðlega yfir fyrir mörgum árum að hann myndi aldrei syngja eða semja lag fyrir auglýsingar, en svo samdi hann og söng djíngul fyrir Hagkaup. Ógleymanlegt listaverk

Mér finnst allt í lagi að Bubbi sendi inn lag, en hann á ekkert að vera með puttana í textagerðinni. Textar hans eru skelfilegur leirburður þó hugmyndirnar á bak við þá séu stundum ágætar. Svo virðist hann ekki hafa nokkra tilfinningu fyrir því hvað orðin eða atvæði þeirra mega vera mörg í hverri línu. Sá sem syngur texta eftir hann þarf að vera í góðri æfingu í því að segja orðin svakalega hratt svo þau komist fyrir í laginu

15 keppa í Söngvakeppni Sjónvarpsins

Athugasemdir

[Jens Guð, 30.10.2009 kl. 03:11]

  Ég er ekki viss um að Bubbi hafi lýst því yfir að hann myndi aldrei syngja eða semja lag fyrir auglýsingar.  Þó má það vera.  Hann hefur sagt svo margt.  Hinsvegar söng hann lag eftir sig í sjónvarpsauglýsingu strax 1981.  Ég man ekki hvort þar var verið að auglýsa kaffitegund eða te. 

  Einhverjum þótti þetta vera "sell out" hjá forsprakka pönkbyltingarinnar.  Á þeim tíma sagðist Bubbi ekki sjá neitt athugavert við að auglýsa vöru sem hann teldi góða og væri að hans skapi.  Síðar söng hann inn á auglýsingu fyrir,  ja,  ætli það hafi ekki verið Landlæknisembættið.  Þetta var auglýsing sem hvatti ungt fólk til að nota smokka.

  Ég man ekki hvort Valgeir Guðjónsson eða Bubbi samdi lagið.  Hitt veit ég; að það var Valgeir sem samdi lagið í Hagkaupsauglýsingunni.  Ekki Bubbi.

  Gleymum heldur ekki öllum auglýsingunum sem Bubbi hefur gert fyrir B&L.    

[Gunnar Th. Gunnarsson, 30.10.2009 kl. 03:35]

Ég hélt að Hagkaupsauglýsingin hefði verið sú fyrsta hjá honum.

-

Já, Bubbi hefur verið ansi yfirlýsingaglaður í gegnum tíðina. Annað hvort hefur maður húmor fyrir því eða lætur það fara í taugarnar á sér.

-

Ég er að læra að hafa húmor fyrir því.... það skal takast

[Stefán Þór Steindórsson, 30.10.2009 kl. 08:57]

Og ekki má gleyma orðum Bubba í viðtali í sjónvarpssal þegar söngvakeppni sjónvarpssins 2007 þegar hann sagðist ekki hafa trú á keppni í tónlist.. Svo seinna var hann mættur í Idolið og nú þetta.

[Jóhann Elíasson, 30.10.2009 kl. 10:23]

Ég man vel eftir því þegar hann lýsti því yfir að hann myndi aldrei semja lag fyrir auglýsingu, hann sagði þá "Ég gæti alveg eins farið niður á Lækjartorg, girt niður um mig og sagst vera til sölu".  Svipað orðalag hafði hann um eurovision, ÞAÐ ER ALVEG Á HREINU AÐ ÞAÐ ER EKKERT AÐ MARKA MANNINN.

[Gunnar Th. Gunnarsson, 30.10.2009 kl. 12:04]

Og ekki nóg með það heldur ráðlagði hann óhörðnuðum unglingi sem sigraði í "Bandið hans Bubba" að taka aldrei þátt í júró

[Árni Sigurður Pétursson, 30.10.2009 kl. 15:15]

Bara svona úr því að þið eruð að nefna þetta.

þá verð ég að spurja, hvenar var þetta sem að hann sagðist aldrei ætla að semja lag fyrir auglýsingu ?

[Gunnar Th. Gunnarsson, 30.10.2009 kl. 15:46]

Ætli það hafi ekki verið á árunum 1980-85

[Jens Guð, 31.10.2009 kl. 01:33]

  Það er að æra óstöðugan að vitna í yfirlýsingar Bubba.  Ég hef þekkt hann lauslega í næstum 3 áratugi.  Hannaði markaðssetningu á öllum hans söluhæstu plötum (Dögun (25.000 seld eintök),  Frelsi til sölu (21.000 seld eintök)...) og nokkrum öðrum sem ég nenni ekki að rifja upp.  Fyrir það fyrsta er Bubbi frábærlega skemmtilegur náungi.  Í annan stað skiptir hann oftar um skoðun en hönd á festir.  En er alltaf jafn yfirlýsingaglaður þó skoðun hans í gær sé önnur en í dag.  Einn daginn er Davíð Oddsson ædolið hans.  Næsta dag er Davíð Oddsson bölvaldurinn. 

  Mér hefur lærst að hafa húmor fyrir Bubba.  Hann er að sumu leyti kompás fyrir hvert vindar blása.  Þegar efnahagshrunið síðasta haust dundi á brást hann hinn versti við.  Söng um byltingu vorið 2009.  Þegar ný stjórn Samfylkingar og VG tók við brást hann jafn illa við. 

  Bubbi er bara Bubbi.  Frábær og tilfinngaríkur yfirlýsingaglaður náungi með ótal galla.  Þó ég hafi unnið töluvert með honum en aldrei verið náinn vinur þykir mér vænt um hann.  Hann lætur mig líka heyra það á blogginu mínu.  Kallar mig barnalegan og dregur ekkert undan í hneykslun á mínum viðhorfum til,  ja,  Mikjáls Jacksonar þess vegna.

  Ég kann virkilega vel við Bubba + og -.  En það þarf húmor til. 

[Steingrímur Helgason, 31.10.2009 kl. 01:38]

Jenzi er með þetta með Ázbjörninn...

Hann er dona veðurfar, blæz dona eða ekki þann eða hinn daginn, með úrkomu eða ekki.  En litríkur & zkemmtilegur fýr & mikil liztamaður.

[Gunnar Th. Gunnarsson, 31.10.2009 kl. 02:11]

Takk fyrir þetta Jens.

Já, maður á að hafa húmor fyrir þessu.

Ég hef lengi látið það fara dálítið í taugarnar á mér, hvað sumir hefja hann til skýjanna sem listamann. Bubbi á mörg ágæt lög, en yfirgnæfandi meirihluti þeirra eru samt frekar ódýr. Maggi Eiríks er t.d. miklu "dýpri" listamaður. En það er auðvitað bara mín SKOÐUN, og um hana verður ekki deilt