Rólegt á Atlantshafinu

Frekar rólegt hefur verið á Atlantshafinu og í Karabíska hafinu hvað fellibylji varðar þetta haustið. Af hálfu þeirra sem ofurtrú hafa á katastrófum varðandi hnattræna hlýnun af mannavöldum, hljóta þetta að vera ákveðin vonbrigði. Eins og margir muna sem horft hafa á bull-kvikmynd Al Gore, var lögð töluverð áhersla á aukningu fellibylja, hækkandi sjávarstöðu, flóð og þurrka... allt mjög myndrænt, enda fékk hann Óskarsverðlaun fyrir.

Eins og sést á þessari mynd sem sýnir veðrið í dag, 17. október, er frekar rólegt um að litast miðað við árstíma í meðalári. Fellibylurinn Rick í Kyrrahafinu sést þarna við suðurströnd Mexíkó. Fréttir af fellibyljum eru algengari Atlantshafsmegin.

Myndin er af: http://www.stormpulse.com/ 

Fellibylurinn Rick styrkist

Athugasemdir

[Axel Jóhann Hallgrímsson, 17.10.2009 kl. 17:11]

Er þá nokkurra daga dúr á Atlantshafi sönnun þess að mynd Al Gore og kenningar um veðurfarsbreytingar séu bull eitt?

Ekki vera svona ódýr Gunnar.

[Gunnar Th. Gunnarsson, 17.10.2009 kl. 17:34]

Undanfarin 2-3 ár hafa verið undir meðallagi í tíðni fellibylja. Ekki hefur hlýnað á jörðinni í 10 ár..... er þetta ekki orðið nógu dýrt?

[Ágúst H Bjarnason, 17.10.2009 kl. 17:52]

 Hvernig líst mönnum á þetta graf sem sýnir þróun hitabeltis-hvirfilvinda (tropical cyclone).

Virkni þeirra er sú minnsta sem mælst hefur í 30 ár.

 Stærri mynd hér:

http://icecap.us/images/uploads/global_year_ace.jpg

 Sjá nánar um þessi má á síðu sem er á vef The Florida State University.

Ryan Maue's Seasonal Tropical Cyclone Activity Update

http://www.coaps.fsu.edu/~maue/tropical/

 

Átti ekki styrkur þessara hitabltisstorma að aukast með meintri hnatthlýnun, eða misminnir mig eitthvað?

[Gunnar Th. Gunnarsson, 17.10.2009 kl. 18:14]

Nei, minnið svíkur þig ekki, Ágúst

[Höskuldur Búi Jónsson, 19.10.2009 kl. 12:46]

Vísindamenn deila um það hvort það verði aukning eða ekki á fjölda fellibylja. Flestir telja þó að í þeim verði meiri raki og því verði eyðingarmáttur þeirra meiri.  

Hitt er annað að það er alþekkt að El Nino fyrirbærið í Kyrrahafi (sem er nú) hefur áhrif á myndun fellibylja í Atlantshafi - vegna háloftavinda.

Vísindamenn segja að það hafi hlýnað síðustu 10 ár. Sjá á loftslag.is

[Gunnar Th. Gunnarsson, 19.10.2009 kl. 13:25]

Ég var að vísa í bull-mynd Al Gore varðandi fellibyljina. Hinsvegar er orsakasamhengi milli hlýs sjávar og fellibylja. Minni tíðni undanfarin ár bendir til minnkandi sjávarhita, þvert á spár "alarmista"

[Höskuldur Búi Jónsson, 19.10.2009 kl. 14:15]

Sjórinn hefur verið að hitna samkvæmt mælingum - sem er þvert á orð afneitunarmanna.

[Gunnar Th. Gunnarsson, 19.10.2009 kl. 14:31]

Það er merkilegt ef beint samhengi er á milli sjávarhita og tíðni fellibylja.

Ekki ertu að neita því að dramatískar myndir af fellibyljum í mynd Gore, var áhrifamikill þáttur í myndinni og því spáð að þeir yrðu bæði öflugri og fleiri?

[Höskuldur Búi Jónsson, 19.10.2009 kl. 14:52]

Ég sá myndina á sínum tíma, einu sinni. Mig minnir að mér hafi þótt hún ágæt - en einstök atriði man ég ekki nógu vel. Það er mjög líklegt að í henni hafi verið eins og þú segir talað um aukningu á tíðni fellibylja - og ég er ekki frá því að menn haldi því fram ennþá margir hverjir (vísindamenn deila þó á það eins og áður segir).

Annars er margt sem spilar inn í tíðni fellibylgja - þar á meðal sjávarhiti, raki og háloftavindar. Háloftavindar vinna á móti myndun fellibylja á meðan hærri sjávarhiti og raki vinnur með myndun fellibylja. Skilningur á fyrirbærinu er þó langt frá því orðinn fullkomlega ljós og ekki ætla ég leikmaðurinn að fullyrða um eitthvað sem sérfræðingarnir geta ekki komið sér saman um.

[Ágúst H Bjarnason, 19.10.2009 kl. 18:25]

Fróðlegt

http://rogerpielkejr.blogspot.com/2009/10/shameful-article-review-and-update.html

[Gunnar Th. Gunnarsson, 19.10.2009 kl. 20:41]

Takk fyrir þetta Ágúst. Þetta er afar athyglisvert og sýnir svo ekki verður um villst, hversu trúarbragðakennd álit sumra "virtustu vísndamanna" eru.

-

Þessi Kevin Trenberth og IPCC eru ansi ófyrirleitin, þykir mér.

[Höskuldur Búi Jónsson, 19.10.2009 kl. 23:13]

Það er greinilegt hvoru megin við strikið í "efanum" þið eruð...

[Gunnar Th. Gunnarsson, 19.10.2009 kl. 23:56]

Ég er ekkert í felum með efan.

"Að vera eða vera ekki.... þar er efinn"

[Ágúst H Bjarnason, 30.10.2009 kl. 16:45]

Það ber vott um skynsemi á háu stigi að kunna að efast. Öðru vísi ná menn aldrei langt