Sjúkraþjálfari á golfvellinum

Ung stúlka, nýútskrifuð sem sjúkraþjálfari var í heimsókn hjá vinkonu sinni hér á Reyðarfirði um daginn. Vinkonurnar eru báðar áhugasamir gofleikarar og ákváðu að spila nokkrar holur á nýja golfvellinum. Þegar sjúkraþjálfarinn slær af tí-inu, þá geigaði höggið all hressilega. Kúlan stefndi beint á fjóra menn sem voru að spila á næstu flöt

Kúlan lenti í einum mannanna og hann hrundi samstundis niður og veltist um af kvölum, með báðar hendur í klofinu á sér. Konan þusti til mannsins og byrjaði strax felmtri slegin að biðjast afsökunar á þessu slysaskoti.

„Leyfðu mér að hjálpa þér, ég er sjúkraþjálfari og ég get örugglega minnkað verkinn eitthvað“, sagði hún við manninn.

„Nei, nei“, segir maðurinn, „Ég hlýt að jafna mig á nokkrum mínútum“, en áfram lá hann þó á jörðinni í fósturstellingu, með báðar hendurnar í klofinu, greinilega mjög þjáður.

En stúlkan var ákveðin og að lokum leyfði maðurinn henni að hjálpa sér. Hún snéri manninum varlega á bakið og tók svo blíðlega í hendur hans og lagði þær með síðunum. Svo byrjaði hún að losa um beltið á buxunum hans og smeygði annari hendinni inn fyrir buxnastrenginn. Hún þreifaði rólega í kringum kynfæri mannsins og tók svo ofurlétt um punginn og nuddaði hann varlega. Maðurinn lyngdi aftur augunum og stundi.

  Eftir dágóða stund spurði hún: „Hvernig líður þér, ertu eitthvað að skána?

Maðurinn opnaði augun og sagði: „Þetta er alveg rosalega gott.... en golfkúlan fór í þumalinn og ég held að hann sé brotinn“.

Woods fékk 1,25 milljarða

Athugasemdir

[Guðmundur St Ragnarsson, 27.9.2009 kl. 23:49]

Ha ha ha ha ha ha :) Ég verð að fara prufa að taka hring þarna hjá ykkur fyrir austan. Mæti næsta sumar og hitti vonandi þennan sjúkraþjálfara í leiðinni.

[Gunnar Th. Gunnarsson, 27.9.2009 kl. 23:58]

 Fyrsta flokks þjónusta

[Björn Birgisson, 28.9.2009 kl. 00:41]

Stolið Gunnar, en sagan er góð!

[Gunnar Th. Gunnarsson, 28.9.2009 kl. 00:42]

Þýtt, stælt og skrumskælt.

[Björn Birgisson, 28.9.2009 kl. 00:50]

Var með þetta á síðunni minni í vor, ásamt 26 öðrum sögum af golfvellinum. Ætti ég kannski að endurbirta sögurnar nú í haustéljunum?

[Gunnar Th. Gunnarsson, 28.9.2009 kl. 00:52]

Hvernig hljómaði þetta hjá þér?

[Gunnar Th. Gunnarsson, 28.9.2009 kl. 00:56]

Annars átti þetta lika að vera auglýsing fyrir nýja golfvöllinn okkar hér á Reyðarfirði

[Gunnar Th. Gunnarsson, 28.9.2009 kl. 00:57]

Settu linkinn á golfsögurnar hjá þér hérna

[Gunnar Th. Gunnarsson, 28.9.2009 kl. 00:59]

"Hlekkinn".... er það ekki skemmtilegra og íslenskara orð?

[Björn Birgisson, 28.9.2009 kl. 01:11]

Kíktu bara á síðuna mína núna. Setti nokkrar sögur inn. Á margar til góða. Þýddi þetta úr ensku fyrir nokkrum árum vegna lokahófs GG.

[Axel Jóhann Hallgrímsson, 28.9.2009 kl. 02:29]

[Offari, 28.9.2009 kl. 09:26]

  Golf er greinilega hættuleg íþrótt.