Afleiðing ofsköttunar

Afleiðing ofsköttunar eru skattsvik. Vinur minn Albert Einstein átti í erfiðleikum með að skilja skattkerfin, þrátt fyrir yfirgripsmikla þekkingu á allskyns reikniformúlum. Annar vinur minn, Dr. Arthur Laffer, skildi þetta svolítið betur og kom fram með hina svokölluðu "Laffer - kúrfu" 

Í örstuttu máli þá er dæmið sett upp svona:

Hvað fær ríkið miklar tekjur ef skatturinn er 0%? Og svarið er auðvitað; ekkert.

Hvað fær ríkið miklar tekjur ef skatturinn er 100%? Sama svar; ekkert.

Þannig að það er ljóst að til þess að hámarka tekjur ríkisins af skattheimtu, þarf að finna rétta prósentustigið, einhversstaðar á milli 0 og 100%. Samkvæmt Laffer-kúrfunni er 50% allt of mikið en fæstir vinstrimanna kjósa að trúa því. Á Youtube má finna kynningarmyndbönd um Laffer-kúrfuna og ég læt eitt fylgja hér með.

Margir Danir vinna „svart “

Athugasemdir

[Jóhann Elíasson, 7.7.2009 kl. 22:57]

Steingrímur Joð hefði nú gott af því að skoða þetta myndband og kannski heilög Jóhanna ætti að vera með honum, þau gætu fengið sér popp en kókið er orðið svo dýrt eftir að nýi sykurskatturinn kom á að þau verða að sleppa því, svo fer sykurinn líka illa með tennurnar og stuðlar kannski að því að þau verði feit.

[Ævar Rafn Kjartansson, 7.7.2009 kl. 23:01]

Já þú ættir að senda þetta á þau. Góður kunningi í veitingabransanum hefur lengi pirrað sig á því að vera að reka löglegt fyrirtæki innan um alla veitingastaðina með tvöfalda kerfið. Ef að skattheimtan væri sanngjörn myndi enginn nenna að vera að reka tvöfalt bókhald.

[Þórarinn Sigurðsson, 8.7.2009 kl. 03:15]

Fólk er oft tilbúið að sætta sig við reglur og vesen, ef því finnast hlutirnir vera hófstilltir og réttlætanlegir. En þegar skattpíningin er orðin sligandi eða reglurnar fáránlegar, þá höfða þær ekki lengur til réttlætiskenndarinnar - fyrir utan að hagnaðurinn af svindlinu eykst þeim mun meira.

En vinstrimenn hafa jú lítinn áhuga á því hvernig verðmæti verða til, heldur bara hvernig á að stela frá einum og gefa öðrum með afföllum á milli - annars væru þeir auðvitað ekki vinstrimenn!

[Sigurjón, 9.7.2009 kl. 02:39]

Takk fyrir að vekja athygli á þessu myndbandi Gunnar.

[Gunnar Th. Gunnarsson, 9.7.2009 kl. 11:46]

Takk fyrir innleggin félagar.... og ekkert að þakka Sigurjón. Mín er ánægjan, að breiða út fagnaðarerindið.