Átthagafjötrar

Það telst til mannréttinda að geta ráðið búsetu sinni. Áður en álversframkvæmdir hófust á Reyðarfirði, var fermetraverð á húsnæði þar, svipað og gerist á Vestfjörðum í dag. Þegar svo húsnæðisverðið rauk upp og einhverjir sáu sér leik á borði og seldu eignir sínar og fluttu brott, þá hlakkaði í álversandstæðingum. Þetta fannst þeim vatn á myllu sína í áróðrinum gegn álverinu.

Við hin, sem þekkjum það að búa á landsbyggðinni samglöddumst hins vegar þessu fólki. Að byggja sér þak yfir höfuðið kostar allstaðar svipað, og skuldsetning fólks vegna þessa er í samræmi við það. Miðaldra og eldra fólk, sem vildi losa sig við húsnæði sitt og flytja "á mölina", hafði einfaldlega ekki bolmagn til þess að kaupa sér húsnæði á ný fyrir andvirði eigna sinna. Í dag er gjörbreytt umhverfi á Reyðarfirði í þessu tilliti, þökk sé álveri Alcoa.

 

Lægra verð á fasteignum á landsbyggðinni

Athugasemdir

[Baldur Hermannsson, 1.5.2009 kl. 12:21]

Það eru mannréttindi að hafa álver

[zappa (IP-tala skráð) 1.5.2009 kl. 13:23]

sumir sitja einfaldlega eftir með verðlausa eign þegar útgerðarmaðurinn ákveður að flytjast í sólina.

[Baldur Hermannsson, 1.5.2009 kl. 13:31]

Sorglegt, ekki satt, zappo? Það er 1. maí og kellingin situr við eldhúsborðið og gónir út í rigninguna. Henni leiðist. Gvuð hvað ég er orðin hund helvíti leið á þessu skítaplássi. Akkuru förum við ekki til Flórída eins og Gunna og Teddi?

Kallinn klórar sér í rassinum og jánkar. Selur kvótann. Þau fara til Flórída. Skuggi fátæktar leggst yfir plássið.

Sorglegt.

[Magnús Sigurðsson, 1.5.2009 kl. 13:34]

Það eru forréttindi að hafa álver, enn aðrir sitja í skuldasúpunni einni þegar útrásarvíkingurinn hleypir heimdraganum.

[Magnús Sigurðsson, 1.5.2009 kl. 13:36]

Baldur, nú er bara að kyrja internationnallan undir bláum fána.

[Baldur Hermannsson, 1.5.2009 kl. 13:44]

Mætti ég þá heldur biðja um die braunen battalionen....!