Tvíkynhneigður, meiri séns

 

Sumir segja að vinstri/hægri skilgreiningin á stjórnmálaflokkum sé þreytt. Þetta segja einungis þeir sem eru á atkvæðaveiðum og vilja engan styggja. Svona svipað og graðnagli sem ákveður að gerast tvíkynhneigður til að auka líkur sínar.

Hvenær ætlar Borgarahreyfingin að opinbera "hneigð" sína?

O-listi fengi fjóra

Athugasemdir

[Baldur (IP-tala skráð) 21.4.2009 kl. 11:12]

Hef horft á frambjóðendur þessa lista, Borgarahreyfingarinnar og alls ekki verið heillaður.  Þetta er svona hópur af fólki sem eitthvað þykist vita en ekkert hefur framkvæmt.  Virðist vera þetta "lopapeysulið" sem nuðar og tuðar yfir öllu.  Auðvitað er hljómgrunnur hjá fólki fyrir svona framboði enda mikil reiði sem kraumar en vonandi að þegar kemur að kjörklefanum að fólk hugsi, atkvæði á þetta lið er ekki til bóta.  Fulltrúi flokksins á fundi í gær var skammarlegur.  Ung stúlka sem ekkert vissi, var bara á móti öllu uppbyggilegu.  Ekki má virkja neitt og lausnir í atvinnumálum voru engar.  Hreinlega pínlegt og vandræðalegt að horfa uppá þetta.

Svo eru "vafasamir" bloggarar hér á mbl.is tengdir þessu framboði sem gerir það ennþá skítlegra að mínu mati. 

Ætla að setja X við D eða B..eina vitræna í stöðunni.

[Gunnar Th. Gunnarsson, 21.4.2009 kl. 11:27]

Sammála Baldur.

[Bjorn Jonasson (IP-tala skráð) 21.4.2009 kl. 13:47]

Fylgi þessa framboðs hefur EKKERT að ger með hægir/vinstri, stefnu mál eða neitt þvílíkt.  Fylgi þessa framboðs er skömm Sjálfstæðis og hinna þriggja.  Sjálfstæðisflokkurinn hefur ekki boðið upp á neitt nema innihaldslaust slagorðaglamur, fallegri og betur klæddan formann, styrkjasukk og algeran skort á auðmýkt og viðleitni til að vinna aftur glatað traust.  Svona frammistaða líðst kannski í utandeildinni, en ekki hjá þeim sem vilja láta taka sig alvarlega og spila í fyrstu deild.  Minn grunur er að nýtt fylgi þeirra sé hægrisinnað fólk sem búið er að vera á hliðarlínunni síðustu vikur, og búið að gefast upp á að bíða eftir lífsmarki frá D eða B.  Tjónkun xD og xB við LÍÚ og skipbrot Frjálslyndra er örugglega skila sér í xO.  

[Gunnar Th. Gunnarsson, 21.4.2009 kl. 15:29]

Ef fylgi Borgarahreyfingarinnar er að koma frá hægri, þá verða þeir kjósendur illa sviknir. En það kemur væntanlega ekki í ljós fyrr en gríman fellur, eftir kosningar

[Þjóðbjörg (IP-tala skráð) 21.4.2009 kl. 18:09]

Ég skil ykkur Baldur hreinlega ekki "hópur af fólki sem eitthvað þykist vita en ekkert hefur framkvæmt" er þetta ekki ný hreyfing? Persónulega finnst mér að koma spilltri, valdsjúkri, mútuþiggjandi einkavinavæðandi strútum með hausanna í sandinum frá völdum ágætis byrjun, hvaða grímu ertu að tala um?

[Gunnar Th. Gunnarsson, 21.4.2009 kl. 18:18]

Hvað er fólk að kjósa þegar það kýs Borgarahreyfinguna? Er það að kjósa félagshyggjuflokk í ætt við sósíaldemokrata? Er það að kjósa flokk sem vill að framtak einstaklingsins sé metið að verðleikum... flokk sem vill sem minnst ríkisafskipti. Eða eitthvað mitt á milli?

-

Framsóknarflokkurinn hefur lengi spilað þann leik, að vera "mitt á milli", opinn í báða enda, eins og sagt var gjarna um hann og spurningin er;

Hefur fæðst nýtt framboð sem spilar þann leik....?

[Þorsteinn Úlfar Björnsson (IP-tala skráð) 21.4.2009 kl. 21:10]

Mér sýnist nú á öllu að Baldur og Gunnar hafi ekki kynnt sér stefnuskrá Borgarahreyfingarinnar neitt sérstaklega vel. Svo ég bendi á

http://www.borgarahreyfingin.is/stefnan/

Gæti varla verið einfaldara.