Fréttamenn bulla

 Þegar fréttastofa Stöðvar 2 sagði frá því að Davíð hefði líkt sér við Jesú Krist, þá kom það mér svo sem ekkert á óvart og ekki get ég kvartað yfir lélegum skilningi fréttamanna stöðvarinnar á mæltu máli. En þegar Ríkissjóvarpið kom með sama bullið þá varð ég dálítið hissa. Davíð líkti sér ekki við eða bar sig saman við Jesú, heldur talaði hann um muninn á krosstfestingu þeirra í líkingamáli.

Hann var einfaldlega að segja að tveir strangheiðarlegir menn hefðu verið látnir fjúka með hinum voðalega Davíð Odssyni, honum til samlætis, en það hefðu þó verið sakamenn sem krossfestir voru með Jesú. Heiðarlegu mönnunum í Seðlabankanum var fórnað til þess að milda ásjónu þessarar hefndaraðgerðar á Davíð. Til þess að það blasti síður við almenningi að þetta snerist um persónu Davíðs, en ekki fagleg vinnubrögð. Enda hafa engin haldbær rök verið færð fyrir brottvikningu hans.

Þessi ræða Davíðs var alveg hreint mögnuð og það mætti alveg gefa hana út á DVD-diski. Ég myndi kaupa hann.

Víkingar með Samfylkingu

Athugasemdir

[Baldur Hermannsson, 28.3.2009 kl. 23:20]

Við hverju býstu af þessum vinstri sinnuðu hálfvitum?

[Jón Ingi Cæsarsson, 28.3.2009 kl. 23:25]

Meistarinn hefur talað.

[hilmar jónsson, 28.3.2009 kl. 23:30]

Þetta er þekkt fyrirbæri. Þegar menn einangrast í eigin hugarheimi, missa skynjun á eigin aðstæður og halda að þeir og engir aðrir en þeir einir kunni skil á hlutunum, svona eins og Davíð hefur birtst okkur, þá er stutt í að þeir fari að líta á sjálfan sig sem guð.

Skelfilegt ástand og illviðráðanlegt innan geðlæknisfræðinnar.

[Baldur Hermannsson, 28.3.2009 kl. 23:42]

Beitum sömu aðferð á Hilmar og hann vill beita á aðra og niðurstaðan er krystaltær: Hilmar Jónsson er snarbilaður. Verst að hann er leiðinlegur líka.

[hilmar jónsson, 28.3.2009 kl. 23:46]

Ef við lítum á kommentin þín hér Baldur, þá eru skemmtilegheit svo ekki sé minnst á hugmyndaauðgi ekki það fyrsta sem kemur upp í hugann. En látum þó bilun þína liggja á milli hluta.

[Baldur Hermannsson, 28.3.2009 kl. 23:48]

Klaufalegt andsvar.

[Máni Atlason (IP-tala skráð) 29.3.2009 kl. 00:36]

Sæll og blessaður Gunnar.

Ég tek undir þetta með þér. Hafði þegar tekið saman hvernig fjölmiðlar fjölluðu um málið á minni eigin bloggsíðu og það er alveg satt að Davíð nýtur ekki sannmælis. 

[Alma Jenny Guðmundsdóttir, 29.3.2009 kl. 01:17]

Noh, heimskan tröllríður öllum starfsmönnum allra fjölmiðla á Íslandi!

Mikið djöfull ertu gáfaður Gunnar - vona að það þvælist ekki fyrir þér í lífinu!

[Sævar Einarsson, 29.3.2009 kl. 02:15]

Hérna er ræðan hans í fullri lengd skipt í 4 parta þar sem hann gat bullað í næstum 37 mín ! svo er þarna smá áramótaglens úr 1985 skaupinu

[Gunnar Th. Gunnarsson, 29.3.2009 kl. 04:52]

Mér finnst það sláandi oft sem Hilmari er geðveila hugleikin

Alma Jenný, fjölmiðlar á frjálsum sölumarkaði vilja gera fyrirsagnir sínar og áherslur söluvænlegar. Það á hins ekki að vera þannig hjá RÚV. Ég sem skattgreiðandi ætlast til þess að fréttaflutningur ríkisfjölmiðlis sé réttur, upplýsandi og umfram allt hlutlaus. Að vera með túlkun á ræðu Davíðs sem þjónkar þeim sem elska að hata hann er óviðeigandi af fréttastofunni. 

- 

Ef ég ætti að gagnrýna eitthvað efnislega í ræðunni, þá væri það kannski helst tvennt sem kemur upp í hugan í fljótu bragði:

Í fyrsta lagi þá fannst mér óþarfa hroki í honum gagnvart Vilhjálmi Egilssyni og endurreisnarnefndinni og e.t.v. ekki smekklegt af honum að bendla Vilhjálm við útrásarvíkingana. Auðmýkt gagnvart skoðunum annarra hefur aldrei verið aðalsmerki Davíðs. Í því felst bæði styrkleiki hans og veikleiki.

Í öðru lagi fannst mér óþarfi hjá honum að segja að Jóhanna Sigurðardóttir væri í útliti eins og álfur út úr hól. Það var alveg nóg hjá honum að segja að hún verið eins og álfur út úr hól.

-

[Gunnar Th. Gunnarsson, 29.3.2009 kl. 05:25]

Sævarinn, takk fyrir að taka saman ræðuna og setja hana á youtube. Titillinn hjá þér er þó að vísu bæði vitlaus og ósmekklegur.

Það er hollt fyrir fólk sem ekki er heilaþvegið af Baugsveldinu að hlusta á orð Davíðs í þessari snilldar ræðu. Fyrir hina heilaþvegnu er hlustunin tímaeyðsla.

[hilmar jónsson, 29.3.2009 kl. 10:29]

Er RUV að gera nokkuð annað en að vitna í orð Daviðs frá ávarpi hans Gunnar ?

Ef Davíð velur að láta svona súra steypu út úr sér, þá er vissulega tekið eftir því.

Like it or not.

[Valsól (IP-tala skráð) 29.3.2009 kl. 11:51]

Davíð opnaði munninn og sagði tvö orð, gerði svo hlé á máli sínu þá klappaði allur salurinn eins og salurinn væri fullur af litlum hlýðnum skólastrákum. Bíddu er það þannig að Sjálfstæðismönnum finnst að þeir séu algjörlega saklausir af efnahagshruninu, er þá ekkert að marka þetta tal um afsökunarbeiðni? Davíð líkti sér á mjög ósmekklegan hátt við ekki minni mann en sjálfan Jesús Krist. Svo gerði hann grín af kvennréttindabaráttu með því að gefa skít í það að nektardans væri bannaður. Landsfundargestir tóku undir og klöppuðu mansali lof í lófa. Svo tók Davíð sig til og gerði grín af alshæmer. Hann talaði einnig mikið um stjórnarskránna en gleymdi auðvitað að minnast á það að hann hefði marg brotið það plagg sjálfur. Hann líkti fólkinu sem mótmælti þessu ástndi sem hér hefur ríkt við arfa, takk fyrir það Davíð. ósmekklegt var einnig að hlusta á manninn gera grín af útliti Jóhönnu (,,hún lítur reyndar út ein og álfur út úr hól”) Sigurðar og því að hún væri samkynhneigð. Svo sagði hann að það væru mörg ár síðan hann hafi farið að hafa áhyggjur af bönkunum, bíddu, út af hverju gerði hann þá ekkert, út af hverju sagði hann þá ekkert, út af hverju í andskotanum gerði valdamesti maður íslands ekki rassgat til að koma í veg fyrir þetta, nei hann montaði sig frekar fyrir hverjar kosningar á því hvað kæmi mikið í ríkissjóð frá bönkunum. Það sem stendur eftir þessa ræðu er það eitt að maðurinn er svo firrtur að hann heldur því blákalt fram að Sjálfstæðisflokkurinn sé bara algjörlega saklaus, hafi í raun bara ekki komið nálægt þessu. Já mikið getum við íslendingar þakkað fyrir að hafa átt mann eins og Davíð Oddsson, svo þarf enginn að segja mér það að ef ráðherranefndin sem öllu réði um sölu bankanna hefði viljað selja bankana í dreifðri eingaraðild þá hefði það ekki verið neitt mál, svo það er ansi ódýrt að klína því á Samfylkinguna að bankarnir hafi verið seldir vinum Sjálfstæðis og Framsóknarflokksins. Það er sem sagt bara áframhaldandi eintómur HROKI úr þessari áttinni! Einnig var aumkunarvert að hlusta á meðbærður fíflsins hlægja og klappa með öllu ruglinu.

[Björn Jónsson, 29.3.2009 kl. 16:22]

Skyldi þessi Valsól vera á lystamannalaunum frá ríkinu ??

Og Hilmar!!! Ertu enn ekki farinn að láta kíkja á toppstykkið á þér eins og ég benti þér á fyrir þónokkru síðan ?

Búinn að hlusta á ræðuna hjá Davíð, hann er og hefur alltaf verið snillingur.

Það er alveg sama hvað hann hefði sagt, vinstri flensan hefði alltaf lesið annað út en hann hefði sagt, það fylgir óráð þessari vinstri flensu.

[Hundur í manni..., 29.3.2009 kl. 16:35]

Valsól segir Davíð Odds hafa gert grín AF samkynhneigð Jóhönnu.

Hann sagði ekkert slíkt. Og Valsól, maður gerir grín AÐ...

Dæmigert fyrir sýruna sem vellur uppúr fólki sem er fórnarlömb bauxmiðla.

[Friðrik Þór Guðmundsson, 29.3.2009 kl. 16:44]

Hundur í manni; ég hef alltaf setið á mér að gagnrýna málfarsvillur annarra, þótt stundum sé það pínlegt sem sést á prenti á blogginu og víðar. Athugaðu það, að málfarsvillur eru þverpólitískar.

Sjáðu t.d. Björn Jónsson sem talar um "lystamannalaun"! En ekki dettur mér í hug að hafa orð á þessu og leitast við að leiðrétta manninn!

[Baldur Hermannsson, 29.3.2009 kl. 16:58]

Ég tek undir með Friðriki, læt bæði ásláttarvillur og málsfarsvillur afskiptalausar, til dæmis er ég ekkert að amast við þessum texta á síðu hans sjálfs:  

".....skilaði af sér óhugnanlega harða skýrslu um ömurlegt ástand flokksins. Nefndarmeðlimirnir undir frelsaranum söðgu Flokkinn kaldan ....".

[Gunnar Th. Gunnarsson, 29.3.2009 kl. 17:14]

Að stafsetja vitlaust er ekki málfarsvilla, Friðrik  

[Björn Jónsson, 29.3.2009 kl. 17:30]

ÆÆ !!! Fryðryk Þór

Menn geta orðið bitrir út í kerfið AF ýmsum ( eða á að vera ímsum?? ) ástæðum.

Átt þú einhverja bók eftir Halldór K Laxnes ??????

[Sigurbjörn Friðriksson, 29.3.2009 kl. 17:39]

Sögukennarinnminn úr Versló í gamla daga hann Egill Stardal hélt því einu sinni fram í sögutíma að það væri vitlaus íslenska að rita "au" þar sem "öj"væri jafngott: auga > öjga, baugur > böjgur, lauga > löjga, raula > röjla, alugardagur > löjgardagur o.s.frv.

"Au" er borið fram í flestum germönskum tungumálum sem "á" (t.d. í þýsku) og undantekninger t.d., August á ensku (frb. Ogust), en Bretum og Bandaríkjamönnum er vorkunn því þeir eru og hafa verið vitleysingar frá alda öðli.

Annars er flestum íslenskum mennta- og stjórnmálamönnum nákvæmlega sama hvað þeir skrifa, svo fremi sem stafsetningin er rétt.

Svo vildi nóbelsskáldið hann Halldór (Kiljan) Laxness Guðjónsson halda því fram að "vitlaus" stafsetning væri ekki til, ef almenningur skildi um hvað væri verið að ræða.

Frakkar hinsvegar er þjóð sem er nákvæmlega sama hvað þeir segja, svo fremi sem þeir bera það rétt fram.  (Berhard Shaw í Pygmalion, seinna My Fair Lady). 

Og hvað kemur allt þetta bull Davíð Oddssyni, Jesú Kristi og krossfestingunni við?  Ég bara spyr??!!?

Kær kveðja, Björn bóndi   

[Baldur Hermannsson, 29.3.2009 kl. 17:45]

Herra Björn bóndi, ALLAR samræður um Davíð Oddsson enda úti í mýri.

[Einar Karl, 29.3.2009 kl. 23:03]

Eftir að bankakerfi þjóðarinnar hrundi hafa ýmsir menn verið færðir til hliðar, m.a. bankastjórar Seðlabankans. Einn þeirra hefur nú líkt þessari brottvikningu við krossfestingu Jesú Krists. Þessi fyrrverandi bankastjóri lýsti því hvernig blóraböggullinn Jesús Kristur hefði verið hengdur á kross með tveimur sakamönnum, en blóraböggullinn Davíð Oddsson var krossfestur í félagi með tveimur saklausum mönnum.

Það má vissulega segja að DO hafi ekki beinlínis líkt sjálfum sér við Krist, en hann lýsti vissulega brottvikningu sinni við krossfestingu Krists, þar sem hann hefði verið í hlutverki JKr.

Er mikill munur þar á?

[Gunnar Th. Gunnarsson, 30.3.2009 kl. 00:08]

Það er mikil munur á því að líkja sjálfum sér við Jesú Krist og bera saman brottvikningu tveggja heiðarlegra manna úr Seðlabankanum við ólánsmennina sem héngu á krossinum með Kristi.

Davíð var miðjumaðurinn meðal hinna vammlausu en Jesú var miðjumaðurinn á krossinum. Það var myndlíkingin sem Davíð dró upp. Að halda því fram að Davíð hafi með þeirri myndrænu lýsingu líkt sér við Jesú, er barnalegur orðhengilsháttur.

[Svanur Gísli Þorkelsson, 30.3.2009 kl. 18:43]

Orðrétt segir Davíð;

„Þeir þrjótar sem krossfestu Krist létu tvo óbótamenn sitthvoru megin við hann á krossinum. En þegar verklausa minnihlustastjórnin hengdi þrjótinn Davíð, voru það tveir strangheiðarlegir og vandaðir heiðursmenn, sem fengu grátt að gjalda manninum til samlætis."

Hvað vakir fyrir Davíð með að nota þessa líkingu? Honum finnst greinilega vera mikil kaldhæðni (íronía)  í örlögum sínum. Kristur sem var saklaus, en álitinn þrjótur, var krossfestur meðal sakamanna. Davíð sem var saklaus (að eigin áliti) en álitinn þrjótur var hengdur meðal tveggja saklausra manna.

Hafi alls ekki vakað fyrir Davíð að draga upp kaldhæðnislega mynd af sér sem saklausum manni, álitinn skálkur eins og Kristur var líka álitinn þegar hann var krossfestur, er líkingin rugl. - Gunnar reynir að gera hina vammlausu meðstjórnendur Davíðs að megin efni líkingarinnar, en án Davíðs, og að hans mati óréttlátrar brottvikningar hans, sem hann líkir svo við hengingu, og tengingarinnar við Krist og óréttlátara  krossfestingar hans, missir líkingin algerlega marks. Þess vegna leikur enginn efi á að Davíð ætlaði fólki að draga sama-sem merki í þessari líkingu milli sín og Krists.

[Gunnar Th. Gunnarsson, 30.3.2009 kl. 20:28]

Myndræn túlkun í ræðu og riti er hluti af menningu okkar og sögu. Biblíusögur eru gjarna notaðar, einnig Íslendingasögur og jafnvel skáldsögur. Ef allir ættu að gjalda þess að nota persónur og atburði úr sögum, þá eru fáir "saklausir".

-

Það að Davíð hafi notað...: 

„Þeir þrjótar sem krossfestu Krist létu tvo óbótamenn sitthvoru megin við hann á krossinum. En þegar verklausa minnihlustastjórnin hengdi þrjótinn Davíð, voru það tveir strangheiðarlegir og vandaðir heiðursmenn, sem fengu grátt að gjalda manninum til samlætis."

.... þá reyna pólitískir andstæðingar hans að klína á hann "Messíasarkomplexum". Mikið aumara verður það ekki.

[Baldur Hermannsson, 30.3.2009 kl. 20:32]

Gunnar, ég dáist að þér fyrir að nenna að elta ólar við þruglið í þessum húmorslausu þverhausum.

[Svanur Gísli Þorkelsson, 30.3.2009 kl. 21:24]

Þakka svarið Gunnar; Já, það er ekkert grín að blanda Kristi í málin. Fyrir því fengu meira að segja  Bítlarnir með John Lenon í farabroddi að finna, heldur betur, þegar að pressan uppástóð að hann hefði sagt að hljómsveitin væri vinsælli en Jesús.

Fínar nafgitir hjá þér Baldur. Takk.

[Baldur Hermannsson, 30.3.2009 kl. 21:34]

Ekkert að þakka, Svanur minn, það er bara að virða það, eins og kellingin sagði. En það er rétt sem þú segir, það virðist fara einkennilega fyrir brjóstið á mörgum - jafnvel hundheiðnum kommúnistum - þegar Kristur er dreginn inn í orðræðuna.