Bótasinnar

 Markmið stjórnmálaflokka á að vera að vinnandi fólk sé bjargálna, hafi góða afkomu sem skili ríkissjóð tekjum til þess að halda uppi velferðarkerfinu. Fyrirmyndarþjóðfélagið á að vera bótalaust samfélag, nema til þeirra sem ekki geta unnið fyrir sér. Félagshyggjuflokkum er ekkert sérlega umhugað að ná þessu markmiði, þeir vilja útdeila lífsgæðunum í gæsku sinni og réttlæti með jöfnuð að leiðarljósi. Bótalaust þjóðfélag riði þessum flokkum að fullu.

Hækki skatta og tvöfaldi vaxtabætur

Athugasemdir

[Soffía (IP-tala skráð) 6.3.2009 kl. 09:41]

Já, þetta er óþolandi. Alltaf fyrst hugsunin að stofna einhverja sjóði og greiða bætur. Í stað þess að láta fólki líða eins og það sé ekki einhverjir "bótaþegar" út af þessu hruni. Þetta fyrirkomulag fær fólk til að fara enn lengra inn í skel sína og halda að það séu aular.

Það verður að leiðrétta það sem hefur gerst og fólk getur þá frekar staðið upprétt og stoltara. Það er ekki létt fyrir fólk að þiggja stöðugar bætur, standa í röð og bíða eftir að þeirra mál verði tekið fyrir. Þetta er alltof tímafrekt. Það verður að gera öllum jafnt undir höfði og leiðrétta þetta bull sem hefur verið hérna sl. ár.

[Árni Gunnarsson, 6.3.2009 kl. 09:44]

Er það ekki dálítið langsótt að halda því fram að einhver og þ.m.t. pólitíkusar þrái hærri skatta og félagslega framfærslu heilbrigðra einstaklinga?

Þessi rök duga ekki langt í vitrænni umræðu og ættu ekki að sjást, jafnvel þó skammt sé til kosninga. Hitt er svo annað mál að þegar hugmyndafræði hægri manna hefur fengið að sanna sig til fulls á Íslandi eftir 18 ára stjórnsýslu þá er svo komið að atvinnulífið er hrunið og nokkurn tíma tekur að reisa það við að nýju. Því miður sýnist mér að til þess að hraða þeirri uppbyggingu verðum við að halda Sjálfstæðisflokknum utan við þá vinnu.

[Gunnar Th. Gunnarsson, 6.3.2009 kl. 09:57]

Nei Árni, forsenda hraðrar atvinnuuppbyggingar að nýju er hugmyndafræði Sjálfstæðisflokksins. Hún hefur einmitt sannað sig best til árangurs. Þetta tímabundna bakslag er alheimsfyrirbrigði, en vinstriflokkarnir reyna eðlilega að gera sér mat úr ástandinu og gefur þeim kærkomið tækifæri til að úthluta lífsgæðunum. Vandamálið er bara að lífsgæðin og möguleikarnir til að auka þau og hraða afturbatanum, snarminnka með hugmyndafræði sósíalista. Við viljum ekki festast í bótaþjóðfélagi.

[Örn Arnarson, 6.3.2009 kl. 10:25]

Ja, hérna!  Ég allt að því dáist að sauðtryggum málflutningi þínum fyrir hönd íhaldsins.  Að geta staðið í brennandi húsi og veifað slökkviliðinu í burtu vegna þess að allt sé í stakasta lagi krefst sannfæringar út fyrir öll velsæmismörk.

Er leiðin út úr vandræðunum sú sama og leiðin Í vandræðin?  Hljómar ekkert sérstaklega gáfulega.

Sjálfstæðismönnum er bara skítsama um það fólk sem þarf aðstoð, bætur og stuðning, svo lengi sem þeir tilheyra ekki þeim hópi sjálfir.  Mér finnst alltaf sorglegt að sjá fólk sem getur ekki sýnt samúð og vilja til að hjálpa þeim sem minna mega sín.

"Ef þú ert atvinnulaus/öryrki/aldraður og átt ekki pening, er það þér að kenna.  Ekki mér!".  Svona hljómar orðræða Sjálfstæðismanna hvar sem ég kem.  Sorglegt!

[Gunnar Th. Gunnarsson, 6.3.2009 kl. 10:37]

Þetta er alrangt hjá þér Örn, enda á velferð þeirra sem ekki geta unnið fyrir sér, ekki að vera undir samúð samborgarana komið. Það er mannréttindamál að þeir sem eru bjargálna rétti þeim sem eru það ekki, hjálparhönd. Það hefur ekkert með gæsku að gera, en auðvitað vilja vinstrimenn að það sé þannig. Slíkur stimpill er þeirra vörumerki.

[Árni Gunnarsson, 6.3.2009 kl. 10:38]

Á hverju eru sjálfstæðismenn á Alþingi að biðjast afsökunar, loksins núna tæpum tveim mánuðum fyrir kosningar?

Hef ég misskilið eitthvað?

Og svo er það þetta sem hann Örn nefnir: Leiðin út úr vandanum sú sama og leiðin inn í hann! Það skyldi þó aldrei vera tilfellið "þegar öllu er á botninn hvolft."

En nú eru þeir hjá OR að stofna ferðaþjónustu fyrir útlendinga sem þrá að anda að sé brennisteinsilminum af Hellisheiðinni.

[Gunnar Th. Gunnarsson, 6.3.2009 kl. 10:43]

Sumir gera það í von um betra gengi í prófkjöri, aðrir vegna þess að þeir telja að þeir hefðu getað gert betur í aðdraganda kreppunnar.

[Öryrki (IP-tala skráð) 6.3.2009 kl. 11:10]

Maður allt að því vonar að þú Gunnar Th. lendir í slysi þar sem þú hefur ekki rétt á neinum bótum og þurfir að lifa lífi þínu sem öryrki.

Þá myndirðu e.t.v. fá að kenna á því hversu forheimskur þú ert í raun og veru.

Svona rottur auðvaldsins, eins og þú, eru með öllu óþolandi á Íslandi nú eftir hrunið.

[Gunnar Th. Gunnarsson, 6.3.2009 kl. 12:13]

Þetta innleg þitt "öryrki" er óskiljanlegt en það stjórnast greinilega af pólitísku hatri og engu öðru.

[A.L.F, 6.3.2009 kl. 13:02]

Ég varð eiginlega orðlaus þegar ég las þessa frétt. Hækka skatta, auka vaxtabætur. Þeir sem minnst meiga sín eiga engar eingir til að fá vaxtabætur af og koma þannig til móts við hækkaða skatta.

Ég er ein af þeim sem mun líða fyrir skattahækkanir, varð þeirri fyrir þeirri ógæfu að fá alvarlegan sjúkdóm sem gerir mig óvinnufæra, sem betur fer segi ég var ég ung og ekki búin að koma mér í neitt skuldafen þegar það gerist svo líklega mun ég líða minna fyrir hærri skattaálgögur en þeir sem voru komnir með skuldir og fleira áður en þeir duttu út af vinnumarkaðinum. Því það fólk á ekki eftir að geta veit sér neina björg komi til skattahækkana.

Öryrki að óska öðrum að lenda í þinni stöðu er ljótt. Það er mannlegt að geta ekki skilið hvernig það er að vera í einhverri stöðu nema vera búin að vera þar. Og þó svo að ég sé öryrki er ég ekki hlynt kerfinu eins og það er í dag, það er allt of hvetjandi fyrir fólk til að reyna að svindla. Og það er mikið til í því sem sjálfstæðis menn hafa komið með, það þarf að vera hvetjandi fyrir fólk að vinna og sjá fyrir sér sjálft. Ég hef hvergi séð pistla frá sjálfstæðismönnum um að þeir vilji ekki hafa velferðarkerfi sem gerir fólki sem þarf á því að halda kleift að lifa, aftur á móti hef ég séð það að þeir vilja herða reglurnar og það er nauðsyn og það mun gerast um leið og ísland tæki upp allt sem ESB boðar bara svona sem dæmi.

Þú hlýtur eins og allir aðrir að hafa heyrt talað um þriðju kynslóð bótaþega.  Ekki vil ég að börnin mín fari á bætur bara af því ég er á þeim. Það þarf að stokka upp og því miður get ég ekki séð að það sé nein önnur leið fær en með skattahækkunum. En mér þætti gott að sjá þá fyrir utan hækkaðar vaxtabætur að bótaþegar fengu þá einhvern skattaafslátt líka eigi þeir engar eignir og þá um leið að bótaþega kerfið yrði hert til muna.

Ég óska engum að lenda þar sem ég er, en ég hvett alla sem ég þekki til að baktryggja sig, skyldi það gerast. Ég hvett ykkur sem hafa lesið þetta blogg til þess líka.

Þó svo að okkur öllum muni um þúsundkarlanna þá marg borgar það sig.

[Gunnar Th. Gunnarsson, 6.3.2009 kl. 13:24]

Takk fyrir innleggið a.l.f. Ég reyndar sé ekki að ESB-reglur hjálpi í þessu sambandi, enda erum við fullfær um að hjálpa okkur sjálf.... tel ég.

[Gunnar Th. Gunnarsson, 6.3.2009 kl. 13:25]

Í okkar litla þjóðfélagi eru allir tengdir einhverjum öryrkja á einn eða annan hátt og allir vita að þeir mættu hafa það betra. Sjálfur á ég bæði náin skyldmenni og vinni sem eru öryrkjar af ýmsum ástæðum.

[A.L.F, 6.3.2009 kl. 13:28]

Nei enda var þetta með ESB aðalega skot á ESB sinna, hef sjálf ekki tekið ákvörðun um hvort ég standi með eða sé á móti ESB.

En já ég trúi því að við séum fullfær um að hjálpa okkur sjálf :)

[Ásgrímur Hartmannsson, 6.3.2009 kl. 14:03]

Víðtækt bótakerfi er mikilvægt núverandi valdhöfum - því fólk á bótum verður háð þeim, og þar með valdhöfunum sem gefa bæturnar.

[Örn Arnarson, 6.3.2009 kl. 15:26]

A.L.F.: Þeir sem ekkert eiga, eiga flestir skuldir og margir hverjir háar skuldir.  Þannig að hækkun vaxtabóta kæmu sér vel fyrir mjög marga.  Hærri skattar þýðir fleiri krónur frá þeim sem eiga mest og hafa hæstar tekjur, þannig að útfrá mínum bæjardyrum séð hlýtur þetta að hafa góð áhrif fyrir lítilmagnann.

Þú segir að skuldarar eigi ekki séns verði skattar hækkaðir.  Þú hlýtur að sjá að þetta er rangt hjá þér með hliðsjón af því að vaxtabætur hækka.  Það er aðgerð sem hjálpar einungis þeim sem skulda, ekki þeim sem eiga allt sitt.

Ég get samt skilið að þig svíði það að borga hærri skatta af bótunum þínum (geri ráð fyrir því að þú sért á þeim sökum óvinnufæris).  Slíkar skattpýningar ber að afleggja og til þess eru vinstriflokkarnir líklegastir.

[Gunnar Th. Gunnarsson, 6.3.2009 kl. 16:00]

Það eru ekki allar skuldir bótahæfar