Pólitísku dagarnir taldir?

Ég spái því að ISG dragi sig út úr pólitík. Kyndillinn sem hún tók úr hendi Össurar Skarphéðinnssonar er varla nema grútartýra í dag. Kannski er framboð Jóns Baldvins einhver teikn um fráfall hennar úr pólitík.

Stjarna ISG skein skært á borgarstjóraárum hennar en hringlandahátturinn varðandi landsmálapólitíkina skaðaði hana mikið og hún hefur ekki borið barr sitt síðan sem stjórnmálamaður. Landsmálin eru ekki hennar tebolli.

Ingibjörg Sólrún kynnir áform sín síðar í vikunni

Athugasemdir

[Friðrik Hansen Guðmundsson, 25.2.2009 kl. 17:44]

Án þess að ég þekki neitt til þá geri ég ráð fyrir að þú hafir rétt fyrir þér.

Kosningar verða hér eftir tvo mánuði. Ætli ISG að vera með í þeim þá þarf hún að koma inn í þá baráttu að fullu innan nokkurra daga. Prófkjör í Samfylkingunni í aðdraganda þeirra geta ekki beðið og samstarfsmenn hennar verða að fá svör hvort hún hafi heilsu til að standa í forystu í flokknum í prófkjöri, kosningum, samningum um myndun ríkisstjórnar og hugsanlega taka sæti í næstu ríkisstjórn sem ráðherra.

Þetta er bara þannig pakki að okkur fullfrískum köllunum mundi þykja nóg um.

Eftir þrjá heilauppskurði á fjórum mánuðum get ég ekki ímyndað mér annað en læknar hennar og fjölskylda leggi að henni að taka það rólega næstu misserin og ná heilsu. Takist það þá er henni í lófa lagið að snúa sér aftur að pólitík og koma inn að fjórum árum liðnum.

[Gunnar Th. Gunnarsson, 25.2.2009 kl. 18:24]

Sammála þér Friðrik, nema ég held hún eigi ekki afturkvæmt í formanninn

[Offari, 25.2.2009 kl. 19:48]

Er ekki hægt að gera hana að seðlabankastjóra?  Ingibjörg stóð sig vel sem borgarstjóri og mér fannst hún koma sterk rétt eftir bankahrunið. Veikindi hennar eiga eflaust einhvern þátt í að ekki tókst henni að halda flokknum saman. En mér þótti misnotkun hennar á óstandinu til að reyna að þvinga Sjálfstæðisflokkinn í ESB aðild vera ógeðfeldar.

[Víðir Benediktsson, 25.2.2009 kl. 20:06]

Hún var aldrei borgarstjóri nema að nafninu til. Frekar blaðafulltrúi. Alfreð var hinn sanni borgarstjóri og réði og stjórnaði R-listanum.

[Gunnar Th. Gunnarsson, 25.2.2009 kl. 22:25]

Mjööög ógeðfeldar, svo ekki sé meira sagt, Offari.

Já, Víðir, það er sennilega meiri sannleikur í þessu hjá þér en margur vill viðurkenna. Karlinn er ótrúlega útsmoginn.