Óheiðarlegur lengi?

 Hreinsun á sér stað á ST2 virðist vera. Sigmundur Ernir látinn fjúka og þá segir hann: "Frjáls undan oki auðjöfra". Með þessu er hann að segja að hann hafi ekki verið 100% heiðarlegur gagnvart almenningi í starfi sínu sem fréttamaður á stöðinni. En nú er hann sem sagt frjáls og getur því væntanlega óheftur sagt okkur almúganum hvernig tjáningafrelsi hans var haldið í skefjum á meðan hann var á launum hjá auðjöfrunum.

Koma svo, Sigmundur!

Frjáls undan oki auðjöfra

Athugasemdir

[Baldur Hermannsson, 22.1.2009 kl. 17:11]

Hann sagði meira en hann ætlaði sér.

[Gunnar Th. Gunnarsson, 22.1.2009 kl. 17:14]

Mér finnst að það eigi að spyrja hann nánar út í þetta

[Baldur Hermannsson, 22.1.2009 kl. 17:44]

Ef hann talar mun hann í leiðinni afhjúpa sjálfan sig. Hann mun þegja.

[Magnús Þór Friðriksson, 22.1.2009 kl. 18:12]

Fjölmiðlamenn verða að passa sig á því hvað þeir segja þegar þeir "sleppa/er hnet út úr fjösinu", því það eru ekki margir vinnuveitendur í þessum geira... annaðhvort eru það "auðmenn".... eða ríkið...

[Dunni, 22.1.2009 kl. 21:11]

Simma er fullkomlega treystandi fyrir orðum sínum. Ég þekki ekki Sigmund Erni að örðu en heiðarleika eftir að hafa unniðmeð honum bæði uppi á Lynghálsi og þegar hann var á gamla DV.

Sigmundur gerði alltaf kröfu um vandaða fréttamennsku og að heimildir væru fyrir öllu sems segja þurfti.  Stóðu menn sig ekki í stykkinu fengu þeir að heyra, tæpitungulaust, hvað honum fannst.  Ég er ekki hissa þó hann hafi stundum verið ósáttur við frammstöðu fréttadeildarinnar há 365. Hún er alltof oft langt undir pari.

Sigmundur Ernir var mjög réttlátur og fínn yfirmaður. 

[Gunnar Th. Gunnarsson, 22.1.2009 kl. 21:39]

Ég held að langflestir fréttastjórar hafi það að leiðarljósi að heimildir séu fyrir því sem sagt er, enda er það "hippókratesareiður" fréttamanna. Óheiðarleiki getur átt sér margar birtingamyndir.

[Friðrik Þór Guðmundsson, 23.1.2009 kl. 03:07]

Flestir launamenn eru á einhvern hátt okaðir af yfirmönnum/eigendum fyrirtækja, beint og óbeint. Ég held að það sé fjarri að Sigmundur Ernir hafi meint að de facto væri auðjöfurinn Jón Ásgeir að oka hann dag hvern og í hverri frétt. Hann mætti útskýra þessi orð sín betur (kannski hefur hann gert það?), en ég held að hið minnsta helmingurinn af okinu sem hann talar um sé óbeina okið af því að starfa hjá fyrirtæki auðjöfurs með þann orðstír sem sá nú hefur og þá óvissu sem sá auðjöfur hefur skapað allsstaðar þar sem hann fer.

Rúv-arar starfa undir oki ríkjandi stjórnvalda þannig séð; ekki síst menntamálaráðherra Sjálfstæðisflokksins, DV starfar undir oki Hreins Loftssonar og fullt af eigendaoki hvílir á herðum og hugum starfsmanna Moggans. Það er daglegt ok blaða- og fréttamanna að reisa Kínamúra milli sín og eigenda, milli sín og markaðsdeilda. Ég held ekki að Sigmundur Ernir hafi meint að hann hafi verið ófaglegur dag hvern undir sínu tiltekna oki, heldur sé hann feginn að vera ekki lengur að glíma við drauginn Jón. Hann er einmitt væntanlega að gefa í skyn að hann hafi verið látinn flakka af því að hann væri of faglegur fyrir drauginn og honum andsnúinn. Þetta er allt eins góð túlkun og þín Gunnar!

Það er með öðrum orðum alveg nógu mikið ok að Jón Ásgeir sé eigandi St2 og með Ara Edwald að stýra sér, þótt engin bein tilraun sé gerð til að hafa áhrif á fréttir, viðtöl og aðra dagskrárgerð Sigmundar.Ég tek undir með Dunna hvað fyrri kynni varðar.

[Gunnar Th. Gunnarsson, 23.1.2009 kl. 11:51]

Þetta er ágætis túlkun hjá þér Friðrik.

En samt... þetta eru stór orð Sigmundar Frjáls undan oki auðjöfra"

Full ástæða til að spyrja HANN nánar út í þetta.