Mannréttindi - dýraréttindi

Engin dýraverndunarlög eru í Kína og þ.a.l. engin viðurlög við illri meðferð á dýrum. Sumt fólk virðist enga samúð finna í brjósti sér ef dýr kvelst. Einn þeirra sem bloggar við þessa frétt setur inn myndband frá Kína,  sem sýnir þegar verið er að flá hund lifandi. Ég horfði á blábyrjunina og gat svo ekki meir. Þvílíkur viðbjóður!

Sumt fólk vill banna allar tilraunir á dýrum í læknisfræðilegum tilgangi. Ég er ekki sammála því, ef þess er gætt að dýrin kveljist ekki. Eflaust eru einhverjar tilraunir á dýrum þar sem ekki verður hjá því komist að þau kveljist en þá ber að lágmarka það eins og frekast er unnt.

Mannréttindi eru einnig fótum troðin í Kína og það er auðvitað enn óhugnanlegra. Samt grunar mig að ill meðferð á dýrum skori hærra á hneykslunarmælum sumra. Furðulegt.

 

Með óbragð í munni

Athugasemdir

[Matthías (IP-tala skráð) 3.1.2009 kl. 17:06]

Það er rangt að beita menn ofbeldi alveg eins og það er rangt að beita dýr ofbeldi, öll erum við í hamingjuleit og höfum líka rétt á því.

Í Kína er ekki borin nein virðing fyrir lífi. Það sést til dæmis hvernig þeir fara með Tíbeta. Svo eru ríkisrekin fyrirtæki sem blanda melamíni í mjólkurduftið. Kínversk stjórnvöld stunda hiklaust sögufalsanir og lygar. Mér finnst ekki skrítið að þeir fari svona illa með dýrin, eftir að hafa séð hvernig þeir fara með mannfólkið sem býr í landinu "þeirra".

[Árni Gunnarsson, 3.1.2009 kl. 17:50]

Sammála. Halldór Blöndal skoraði fast hjá mér þegar hann hliðraði sér hjá því að sitja apakattaveisluna í Perlunni og hlýða á fjöldamorðingjann frá Kína syngja O sola mia í boði íslenskra stjórnvalda.

[Gunnar Th. Gunnarsson, 3.1.2009 kl. 17:57]

Reyndar hefur það færst í vöxt undanfarin ár að fyrirtæki eru einkarekin í Kína, en það gerir ekki ástandið skárra, sennilega verra ef eitthvað er.