Íslendingur og Ameríkani

Ameríkani sagði:

"We have George Bush, Stevie Wonder, Bob Hope, and Johnny Cash."*

Íslendingurinn svaraði:

"We have Geir Haarde, no Wonder, no Hope, and no Cash".  

En við eigum þó Björk

Gríðarleg viðbrögð við grein Bjarkar í The Times

Athugasemdir

[Greta Björg Úlfsdóttir, 30.10.2008 kl. 15:19]

...og það er heilmikið...

[Axel Jóhann Hallgrímsson, 30.10.2008 kl. 16:06]

Björk!...?        

[Gunnar Th. Gunnarsson, 30.10.2008 kl. 17:23]

Einmitt, Axel, segi ekki meir

[Gunnar Th. Gunnarsson, 30.10.2008 kl. 17:33]

Ég fór nú að rýna aðeins betur í myndina af henni hér að ofan og mér sýnist eins og það sé að sprautast eitthvað upp í hana úr míkrófóninum.... ég þarf sennilega að fara að fá mér ný gleraugu

...... já það hlýtur að vera

[Greta Björg Úlfsdóttir, 30.10.2008 kl. 17:37]

Ekki vanmeta hana...

Ef Björk væri ekki svona fanta góður hljómlistarmaður vildi ég sjá hana á þingi - hana skorti að minnsta kosti hvorki góðar hugmyndir né einlægni - öfugt við marga sem þar sitja núna. Hún brettir upp ermar og gerir eitthvað - öfugt við marga sem spara ekki stóru orðin en gera svo ekki neitt.

Horfið bara á Kastljósið 29. október þessum orðum mínum til staðfestingar.

[Gunnar Th. Gunnarsson, 30.10.2008 kl. 17:53]

Ég horfði á Kastljósið. Hún sagði að 150 manns kæmu að þessu verkefni og vonandi kemur eitthvað út úr þessu, en það vill nú svo til að út um allt land hafa verið starfandi í 10-15 ár, nýsköpunar og frumkvöðlaskrifstofur. Einnig atvinnuþróunarsjóðir sem styrkt hafa ýmiskonar verkefni. Sumt af því styrktarfé hefur glatast og flest af því skilar litlu. Ekki af því hugmyndirnar að atvinnusköpuninni hafi verið aumar, síður en svo, heldur vegna þess að aðstæður atvinnulífsins á landsbyggðinni eru einfaldlega erfiðari en í margmenninu á SV-horninu.  Að þessum atvinnuþróunarbattaríum hafa komið allskonar sérfræðingar í atvinnusköpun. Björk talar stundum eins og aldrei komist neitt annað að en álverksmiðjur. Það lýsir mikilli fáfræði og fordómum af hennar hálfu. Auk þess sem "Jón og Gunna" út um allt land eru stöðugt að reyna eitthvað, sér og sínum til framfærslu.

[Greta Björg Úlfsdóttir, 30.10.2008 kl. 18:16]

Ég heyrði ekki betur en að Björk talaði einmitt um þessi sprotafyrirtæki og frumkvöðlaskrifstofur sem þú talar um, að þau væru aðalfólkið en að hún sæi sjálfa sig sem "prómóter" (PR, eða talsmann) fyrir þessi fyrirtæki nú í dag, og aðila sem hefði lagt sitt af mörkum til að sameina og koma gangi í samræður af þessu tagi. Hún talaði um að haft hefði verið samband við aðila út um allt landi, bæði þá sem hefði gengið vel og þá sem hefði gengið miður.

Hún margsagði "ég/við stöndum á öxlunum á risa", hún var ekki að þakka sér sjálfri eitt eða neitt í þessu, heldur var augljóst að hún vildi nota þá frægð sem hún nýtur hérlendis og erlendis til að vekja athygli og áhuga á þessu verkefni.

[Greta Björg Úlfsdóttir, 30.10.2008 kl. 18:20]

Ég rak augun í að þú hefur þessi orð Einsteins sem "mottó" við kynninguna þína:

"Ímyndunarafl er mikilvægara en þekking. Þekking er takmörkuð en ímyndunaraflið spannar alheiminn" - Albert Einstein (1879-1955)"

Seint verður hún Björk okkar sökuð um að hafa ekki nóg af því!

[Gunnar Th. Gunnarsson, 30.10.2008 kl. 20:15]

Aðal baráttumál Bjarkar er að vera á móti álverum og virkjunum og stillir málunum þannig upp að slík verkefni hamli annari atvinnustarfsemi. Það er tóm vitleysa í henni. Stóriðjan styrkir smáiðnað og þjónustufyrirtæki á ýmsum sviðum á áhrifasvæði hennar. Einnig ferðamannaiðnaðinn eins og dæmin sanna hér eystra.

[H G, 30.10.2008 kl. 22:42]

Gunnar Th!   Fínt að að vitna í Einstein - pottþétt að honum mistókst ekki, enda ekki Íslendingur - dauður karl í þokkabót. Endilega gera lítið úr Björku - eins og þið guttarnir gerið í athugasemdum hér: "Já Axel, segi ekki meir" he he!!  o s frv.       Hafið þið sjálfir afrekað stórt nýverið?    Blogg-orðin eru billeg! - og ykkar munu ekki afla mikils gjaldeyris, grunar mig.     

[Gunnar Th. Gunnarsson, 30.10.2008 kl. 22:50]

Gat nú verið að huglaus nafnleysingi tjáði sig á þennan hátt, með billegri blogg-athugasemd.

Ég geri góðlátlegt grín að Björk, en svo reyni ég nú aðeins að sýna fram á hversu barnaleg hún er, á málefnalegan hátt. Ég verð ekki var við neitt málefnalegt í þínu innleggi. 

Björk á samt heiður skilinn fyrir að vilja hleypa lífi í frumkvöðlastarfsemi á landsbyggðinni. En ætli hún sé tilbúin að fjárfesta í einhverri hugmyndinni? Leggja eins og 10% af auðæfum sínum í slíka áhættu? Eða er þetta bara orðagjálfur í stelpunni. Það er spurning sem gaman væri að fá svar við. 

[Gunnar Th. Gunnarsson, 30.10.2008 kl. 22:53]

Og af því þú minnist á gjaldeyrisöflun, þá hef ég aflað margfalt meiri gjaldeyris en meðal Íslendingur. Þetta get ég sagt kinnroðalaust undir fullu nafni. En hvað með þig?

[Greta Björg Úlfsdóttir, 31.10.2008 kl. 00:28]

Þó Björk Guðmundsdóttir sé ekki vel máli farin þá er hún stórgáfuð kona, sem er orðin vellauðug af vegna eigin hæfileika og dugnaðar - þið kallar sem sitjið á rassinum og tuðið munuð aldrei komast með tærnar neitt nálægt þeim stað þar sem hún er með hælana.

Mér finnst það lýsa argasta vanþakklæti að kalla Björk kjána þegar hún vill leggja krafta sína og hugvit fram í baráttunni við að endurreisa efnahag föðurlandsins.

Ekki hafa "auðmennirnir" svokölluðu sem menn dýrkuðu og dáðu hér fyrrum komið fram með neinar hugmyndir - nei, það var þeirra framlag sem kom okkur á kaldan klaka. 

Og Björk er ekki á móti álverum - ég er sammála henni að þau eru einfaldlega orðin nógu mörg - ekki síst vegna þess að verð á áli hríðfellur - hefur enginn tekið eftir því sem hefur kallað hana barnalegan kjána hér?

[Gunnar Th. Gunnarsson, 31.10.2008 kl. 00:38]

Björk ekki á móti álverum! Skoðaðu Greta, hvað Björk hefur lagt til í þjóðmálaumræðuna sl. 6-7 ár. Ekkert nema það hvað álver og virkjanir er slæmt... og að betra sé að gera eitthvað annað í staðinn.

[Greta Björg Úlfsdóttir, 31.10.2008 kl. 00:42]

Björk er á móti FLEIRI álverum sagði ég, - veit ekki til að hún hafi lagt til að þau sem þegar hafa verið reist verði jöfnuð við jörðu - eða hvað?

[Gunnar Th. Gunnarsson, 31.10.2008 kl. 01:12]

Skoðaðu viðtöl við hana sl. 7 ár. Í kastljóssþættinum var hún óvenju varfærin í orðavali, sennilega vegna þess að hún hefur verið í sambandi við fólk að undanförnu sem er þokkalega jarðtengt en ekki upphrópandi öfgafólk í náttúruvernd.

Og er einhver sérstök ástæða til að flaðra upp um stúlkuna af því hún er moldrík? Gefur það henni eitthvert forskot á aðra í þjóðfélagsumræðunni? Á að hlusta betur á hana, en sussa á hina sem eiga ekki eins mikið af peningum og hún. Og hvað hafa listrænir hæfileikar í músík með efnahags og atvinnustefnu þjóðarinnar að gera?

Björk er í þessari umræðu allri bara Íslendingur, eins og ég og þú. Ekkert meira.

[Greta Björg Úlfsdóttir, 31.10.2008 kl. 01:21]

Nei, byggjum bara álver á hverju krummaskuði landsins, helst olíuhreinsunarstöðvar líka og malbikum svo yfir restina. Þá verður gaman að búa hér fyrir þig og þína líka. Þá getið þið glápt á flatskjáina ykkar í stóru leðursófunum og brunað um landið á uppbyggðu jeppnunum, sér í lagi þegar allir jöklar heimsins verða bráðnaðir og það sem nú er land sokkið í sæ að miklum hluta. Þeim mun auðveldara að láta malbikið ná yfir.

 Svo er ég hætt þessari marklausu þvælu, hef betra við tímann að gera.

[Gunnar Th. Gunnarsson, 31.10.2008 kl. 01:37]

Hahah.... þar féll gríman