Davíðs heilkennin

Annað hvort elska men Davíð Oddsson eða hata og enginn millivegur þar. Helstu andstæðingar hans virðast hreinlega fá hann á heilann. Æ fleiri hagfræðingar og aðrir málsmetandi menn í verkalýðs og atvinnulífinu vilja meina að stýrivaxtatæki Seðlabankans virki ekki sem skyldi og því þá að halda vöxtunum svona háum?

Sjálfur hef ég ekki leynt aðdáun minni á Davíð en mér er að verða ljóst að þær deilur sem maðurinn vekur í þjóðfélaginu og þær sögusagnir sem ganga um stjórnunarhætti hans gera það að verkum að órói og illindi er venjulega niðurstaðan af verkum hans. Vinnufriður er lítill sem enginn og ég er farinn að verða þreyttur á þessu ergelsi í kringum manninn.

Nú segi ég í fyrsta sinn á ævinni: "Davíð, hættu afskiptum þínum af Seðlabankanum af sjálfsdáðum. Það yrði leiðinlegur endir á glæstum ferli ef þér yrði gert að hætta". 

En auðvitað yrðu starfslok hans ekki með þeim hætti. Hann fengi sjálfsagt ráðrúm til að segja upp sjálfur.... eða er það ekki annars?

Verndum hagsmuni almennings

Athugasemdir

[Helga Guðrún Eiríksdóttir, 7.10.2008 kl. 01:05]

Úff, já. Maður er steinhættur að fatta hvar Geir endar og Davíð byrjar...

http://blekpennar.com/?p=459

[Gunnar Th. Gunnarsson, 7.10.2008 kl. 01:20]

Hehe...mátti til að skella þessari mynd hér

[Helga Guðrún Eiríksdóttir, 7.10.2008 kl. 02:08]

Muna að skrifa í gestabókina næst.. annars finnst mér að þú ættir nú bara að fara að setja alvöru fingraför hjá okkur sko...

[Kjartan Pétur Sigurðsson, 7.10.2008 kl. 05:50]

Merkilegt nokk, þá tók þessi aðgerð ekki nema 2-3 mínútur að framkvæma í Photoshop. Spurning um að gera þetta við alla ríkisstjórnina. En svo segir sagan að margur verður af aurum stjórnmálamaður.

[Gunnar Th. Gunnarsson, 7.10.2008 kl. 08:15]

Sérlega vel heppnað hjá þér Kjartan