Ég var voðalega þreyttur og illa sofinn þegar ég keyrði austur á Reyðarfjörð eftir sept.-staðlotuna í ökukennaranáminu á sunnudaginn. Svo þreyttur að ég ákvað að leggja mig einhversstaðar í grennd við Djúpavog. Þá hafði ég keyrt í slagveðurs rigningu frá Hvolsvelli og þegar myrkrið bættist við urðu augnlokin óþægilega þung. Ég held að klukkan hafi verið um 22:30 þegar ég lagði mig og þetta átti að verða ca. hálftíma lúr. Ég hrökk upp úr einhverjum draumi örstuttu síðar.... fannst mér, en þá var klukkan orðin 03:30! Ég svaf eins og steinn í bílstjórasætinu í 5 tíma!
Það fyrsta sem kom í hugan var að eiginkonan hlyti að vera orðin áhyggjufull því ég sagði henni að ég yrði sennilega kominn fljótlega eftir miðnætti og ég leit á símann til að athuga hvort það væri samband. Jújú, sem betur fer var fínt samband en hún hafði greinilega engar áhyggjur . Ég sendi henni sms og sagði að ég yrði kominn upp úr kl. 05:00, hefði sofnað og fékk svar um hæl "ok".
Ég lagði svo af stað en nú hafði veðrið gjörbreytt um svip, komið var stafalogn og úrkomulaust og Berufjörðurinn speglaðist í húminu. Það kallaði fram 30 ára gamla minningu þegar ég var á síldveiðum í botni Berufjarðar 17 ára gamall, alveg upp í harðalandi.
Á einum malarkaflanum í Berufirðinum hljóp minkur fyrir bílinn. Ég var á um 80 km. hraða þegar hann birtist skyndilega og hann varð greinilega sleginn felmtri þegar skær bílljósin blinduðu hann. Hann stoppaði fyrst á miðjum veginum, svo virtist hann ætla að halda áfram yfir en snéri snögglega við og þá keyrði ég yfir hann. Ég heyrði þungt högg lenda á pönnuhlífinni undir bílnum. Ég stöðvaði og bakkaði svo til að sjá hvort ég sæi hann ekki á veginum og þar lá hann í blóði sínu greyið, spriklandi svo kröftuglega að ég þorði ekki að hreyfa við honum strax. Svo fjaraði spriklið út og ég setti líkið í plastpoka.
Á myndinni hér að ofan er hún Dúfa, silki-terrier tíkin okkar að virða fyrir sér minkinn, en þetta er greinilega hvolpur frá sl. vorgoti.
Ég veit að konunni langar í minkapels. Ég er byrjaður að safna!
Heimsóknir
Flettingar
- Í dag (28.4.): 0
- Sl. sólarhring: 8
- Sl. viku: 32
- Frá upphafi: 0
Annað
- Innlit í dag: 0
- Innlit sl. viku: 31
- Gestir í dag: 0
- IP-tölur í dag: 0
Uppfært á 3 mín. fresti.
Skýringar
Færsluflokkar
- Bloggar
- Bækur
- Dægurmál
- Enski boltinn
- Evrópumál
- Ferðalög
- Fjármál
- Fjölmiðlar
- Heilbrigðismál
- Íþróttir
- Kjaramál
- Kvikmyndir
- Lífstíll
- Ljóð
- Mannréttindi
- Matur og drykkur
- Menning og listir
- Menntun og skóli
- Pepsi-deildin
- Sakamál
- Samgöngur
- Sjónvarp
- Skoðanakannanir
- Spaugilegt
- Stjórnmál og samfélag
- stóriðja og virkjanir
- Sveitarstjórnarkosningar
- Tónlist
- Trúmál
- Trúmál og siðferði
- Tölvur og tækni
- Umhverfismál
- Utanríkismál/alþjóðamál
- Vefurinn
- Viðskipti og fjármál
- Vinir og fjölskylda
- Vísindi og fræði
Tónlistarspilari
Nýjustu færslurnar
- Var einhver eftirspurn eftir
- "Í augnabliks geðveiki"
- RÚV sýnir virðingarverða samúð með þjáningunum á Gaza
- Margt bendi til yfirvofandi kreppu í Bandaríkjunum! Skv. áhugaverðri neytendamælingu: Sýnir væntingavísitala neyslu mestu minnkun síðan 1990! Hlutabréfamarkaðir í Bandar. þ.s. af er ári, nú undir mörkuðum keppinautaríkja!
- Fangelsismál í skugga minnimáttarkenndar
- Óhugnaleg Og Ógeðfeld Trúarbrögð.
- Kastalabær í Algarve-héraði
- Trump verður að setja strax endurfjármögnun til að skapa störf fyrir fólkið sem missti atvinnuna við að USAID stöðvaði starfsemi
- Páskarnir búnir og
- Suðurskautslandinu lokað af Bandaríkjunum eftir að dróni fangar það sem enginn átti að sjá
Athugasemdir
Ég hef enga samúð með þessum helv. rottum eftir að hafa séð hvernig þeir fóru með kindur og lömb hér í sveitinni forðum daga. Ég á pels - en því miður keyrði ég ekki yfir kvikindin í honum. Ég vona að þú náir að safna uppí einn síðan handa henni sem allra fyrst...
Helga Guðrún Eiríksdóttir, 23.9.2008 kl. 20:18
Gratjúlera með neðri hluta hægri ermarinnar.
Drive on, dude...
Steingrímur Helgason, 23.9.2008 kl. 22:37
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.