Maður fyllist viðbjóði

Svo er fólk hér á landi, aðallega V-grænir og aðrir últra vinstrisinnar, sem hneikslast á fólki sem ekki getur ekki sýnt umburðarlyndi gagnvart þessum viðbjóði.

Hriðjuverkamennirnir virðast vera orðnir uppiskroppa með sjálfboðaliða. Þeir eru farnir að notast við vangefna og/eða fólk og þar á meðal konur og börn sem þeir dópa niður svo það fáist til verka.

Vonandi er það til merkis um að þeir neyðist til að nota önnur meðul í baráttu sinni í framtíðinni. T.d. með því að leyfa konum að mennta sig og opna fyrir frjáls skoðanaskipti og ritfrelsi. En sennilega frýs í helvíti áður.

Hætti við sjálfsmorðsárás

Athugasemdir

[Neddi, 25.8.2008 kl. 23:37]

Heldurðu virkilega að VG og fleiri styðji sjálfsmorðsárásir? Það að vera á móti stríðinu í Írak og það að vilja ekki stimpla alla múslima sem hryðjuverkamenn eins og þínir líkar vilja gera er ekki það sama og að styðja sjálfsmorðsárásir, sérstaklega ekki á saklausa borgara.

[Gunnar Th. Gunnarsson, 25.8.2008 kl. 23:53]

Nei, Vg styður ekki sjálfsmorðsárásir

[Katala (IP-tala skráð) 26.8.2008 kl. 08:33]

Í stjórnartíð Saddam Husseins voru var hlutfall háskólagengra kvenna, og kvenna í ábyrgðarstöðum hærra en það hefur nokkur tima verið á Ísland.

Iraq var ekkert "Barbarí" heldur háttskrifað menningarþjóðfélag sem fólk frá öllum miðausturlöndum og meira að segja USA sóttist eftir háskólanámi og búsetu í.

Trúfrelsi var viðurkennt og konur voru ekkert frekar með slæður. 

En.............Iraq fyrir Persaflóa-stríðið var annað eða þriðja stærsta olíuríki heimsins og olíulindirnar flestar í Kurdistan og niðri við persaflóan, og það skýrir sjálfstæðisbaráttu Kúrda í Iraq og trúarbragðadeilur shía og sunnimuslima þar sem shiamuslimar byggja nánast allan syðsta hluta Iraq,  og þeirra barátta auðvitað dyggilega studd af Irönum sem hafa reynt að hertaka þann hluta landsins í marga áratugi, ýmist með stríði eða pólitík. 

Ég styð ekki stjórnarhætti líka Saddam Husseins, en hef hinsvegar velt því fyrir mér hvort hann stjórnaði eins og hann gerði til að tryggja þó þann fríð sem þó var í landinu fyrir innrás BNA.

[Svanur Sigurbjörnsson, 26.8.2008 kl. 11:05]

Já það sést að góður hluti af þessum sjálfsmorðsárásum er í raun þvingaður og því bara morð á morð ofan. 

Athyglisverð pæling hjá Katala.  USA laug um raunverulegar ástæður stríðsins.  Saddam Hussein var slæmur en ástandið eftir innrásina fær mann til að velta því fyrir sér hvort að enn verri hlutir hafi blundað undir niðri í Írak og karlinn hafi haldið því niðri.  Stríð leysir sjaldan vanda og þroskar ekki þjóðir sem eru brotnar fyrir.  Þessi Persaflóastríð hafa því ekki orðið þau frelsisstríð sem vonast var til.

[Gunnar Th. Gunnarsson, 26.8.2008 kl. 16:02]

"Iraq var ekkert "Barbarí" heldur háttskrifað menningarþjóðfélag"

Hver laug þessu í þig Katala? Frá engu ríki var eins jafn og stöðugur fólksflótti og í tíð Saddam Hussein. Það voru ekki síst menntamenn, t.d. úr röðum lækna, sem flúðu. Ritfrelsi var lítið sem ekkert og innfluttar bækur sáust varla, nema helst ef þær fjölluðu um Múhameðstrú á jákvæðum nótum. Margskonar tæknimenn þurftu þeir að flytja inn frá öðrum löndum vegna skorts á menntuðu fólki.

Konur voru og eru enn, kúgaðar á ýmsa lund, bæði vegna trúarlegra og menningarlegra hefða.

Þetta var kannski hámenningarlegt ríki samanborið við Afganistan Talibananna en í samanburði við vestræn ríki, var þarna (og er) ekkert annað en barbarismi.

Það er hins vegar staðreynd að Saddam hafi hélt niðri ýmsum innanlandsskærum og væringum meðal þegnanna, en það var ekki gert með réttlátum og góðum stjórnarháttum eins og allir vita.

Harðstjórum og einræðisstjórnvöldum hefur víða tekist að koma í veg fyrir innanlandsdeilur (Júgóslavía, Sovétríkin og mörg fleiri ríki) Það segir okkur ekkert um raunverulegt ástand mála.

[Svanur Sigurbjörnsson, 26.8.2008 kl. 18:11]

Já ég tek undir þetta hjá þér Gunnar.

Ég þekki lækni frá Írak sem var með mér í námi í New York árin 1998-2001.  Hann þurfti að flýja frá Írak með því að þykjast vera að fara í sumarfrí til Sýrlands.  Hann átti enga framtíð fyrir sér í Írak.  Þegar innrásin byrjaði óskaði hann þess að Saddam Hussein yrði hrakinn frá völdum til þess að móðir hans og ættingjar ættu einhvern séns á betri framtíð í Írak. 

Hátt hlutfall háskólagenginna kvenna í Írak? Sem hlutfall af hverju?  Fjölda kvenna í landinu eða fjölda háskólagenginna karla?  Í þessum löndum eru það nær eingöngu hástéttir sem hafa efni á háskólamenntun og á meðal þeirra hafa konur meira frelsi en á meðal fátækra.  Katala nefnir hátt hlutfall kvenna í ábyrðarstöðum.  Er þá líklegt að jafnrétti kynjanna hafi verið meira í Írak en á Íslandi í tíð Saddams?  Er ekki rétt að skoða þessar tölur nákvæmar áður en þeim er fleygt fram sem einhverjum mælikvörðum?