Íslenskur togaraskipstjóri

 Þessi fyrirsögn „Fari Ronaldo fer ég líka!“
 kemur frá Real Madrid-blaði og ástæðulaust að taka hana alvarlega.

Hr. Glazer var spurður þegar hann bauð í Man. Utd. á sínum tíma, hvort hann hefði eitthvert vit á fótbolta, (soccer). Hann sagðist alls ekkert vit hafa á fótbolta, ekki neitt, en sömu sögu mátti segja um íshokkí. Hann er einnig eigandi að sigursælu og arðsömu NFL liði og Hr. Glazer veit mætavel að lykillinn að arðsemi íþróttaliða, er árangur. Til þess að ná árangri með lið sín, ræður Hr. Glazer til sín færasta starfsfólk sem völ er á, hvert á sínu sviði.

Að láta íþróttalið skila árangri og arðsemi er ekki einfalt mál, eins og dæmin sanna. Slíkur rekstur er "Langhlaup", ekki spretthlaup. Alex Ferguson er óumdeilanlega einn merkasti þjálfari fótboltasögunnar. Hann agar leikmenn og gerir þá gildandi í þessum heimi og hefur magnaða næmni og ástríðu gagnvart fótboltanum. Ferguson er eins og gamaldags togaraskipstjóri á tekjumiklum togara. Undirmenn hans komast ekki upp með neitt múður, aldrei. Það er prinsippmál.

Þó beitir góður skipstjóri aldrei ósanngjörnum brögðum í viðleitni sinni til þess að halda "húsaga". Hann er sjálfum sér samkvæmur og gerir jafna kröfu til allra utan eins aðila. Hann gerir mestar kröfur til sjálfs sín. Harðjaxlinn í brúnni þarf einnig að geta glaðst með áhöfn sinni þegar við á. Slíkur skipstjóri, sem hefur alla þessa kosti er afar eftirsóknarverður og fáséður. Það veit Hr. Glazer.

„Fari Ronaldo fer ég líka!“

Athugasemdir

[Jóhann Elíasson, 30.7.2008 kl. 09:58]

Góður skipstjóri "stjórnar" ekki heldur með hótunum.

[Gunnar Th. Gunnarsson, 30.7.2008 kl. 10:09]

Nei, enda segi ég í upphafi, að fyrirsögn Mbl. fréttarinnar beri að taka með fyrirvara.