Reikningur sem allir þurfa að borga

Álit Skipulagsstofnunar er á skjön við flesta fagaðila sem komið hafa að málinu hingað til. Sumir virðast vera á móti virkjunum, ekki virkjanana vegna, heldur vegna hvert raforkan er seld.

Kostnaður vegna Bitruvirkjunar verður ekki greiddur með raforkusölu þaðan, heldur tekin af arði af öðrum framkvæmdum. Raforkusala til netþjónabúa og kísilflöguverksmiðju sem álversandstæðingar hafa mært hvað mest, eru nú út af borðinu. Þá er bara að finna "eitthvað annað" að gera.

Engir orkusamningar á næstunni

Athugasemdir

[Ólafur Ragnarsson, Hvarfi, 270 Mosfellsbæ (IP-tala skráð) 20.5.2008 kl. 17:59]

Er ekki bara ágætt að slaka á í neyslustefnunni, landionn hefur lifað af hingað til.  Hvað hefur æði síðastliðinna ára fært okkur annað en ofurbjartsýni, skuldsetningar, þenslu og fasteignaverðlag sem er langt umfram það sem launamaður getur leyft sér í dag.  Það eina sem við höfum eftir eru skuldir og verri lífsskilyrði. " back to basics" :)

[Gunnar Th. Gunnarsson, 20.5.2008 kl. 18:16]

Það er nokkuð til í þessu hjá þér Ólafur, en hinu má ekki gleyma að hlutfall þjóðarframleiðslunnar var hér mjög hátt í sjávarútvegi en fer nú hratt minnkandi, bæði vegna niðursveiflu í þeim geira og einnig vegna þess að þjóðinni fer hratt fjölgandi. Ef við viljum hamla gegn viðskiptahalla og auka þjóðartekjur þá verðum við að nýta þau tækifæri sem við höfum til þess. Þetta "eitthvað annað" er velkomið líka. Bring it on

[Ólafur Ragnarsson, Hvarfi, 270 Mosfellsbæ (IP-tala skráð) 20.5.2008 kl. 18:25]

Jú mikið rétt, vægi ´sjávarútvegs fer minnkandi en varðandi fjölgun hjá þjóðinni þá er það einnig afleiðing þenslustefnunar þar sem vantar vinnuafl til að framkvæma öll ósköpin.  Ég sé okkur ekki lifa af því að reykja fjallagrös, en menntun þjóðarinnar er að verða gríðarlega mikil og mun ekki gera annað en að örva nýsköpun í náinni framtíð svo lengi sem við stýrum ekki öllu til stóriðju, við þurfum að taka út timburmennina eftir fylleríið og gefa okkur tíma til umhugsunar. Það er mín skoðun.