Það sem Friðrik Ómar meinti í raun

Friðrik Ómar er frábær söngvari og verðugur fulltrúi Íslands í Júróvision keppninni í ár. Þegar Friðrik Ómar tapaði naumlega í fyrra í undankeppninni þá sömu er hann vann nú, varð hann miður sín af vonbrigðum og í geðshræringunni sem hann sýndi þegar úrslitin voru kunngerð, þá urðu geðrigðin, skynseminni yfirsterkari.

 Eftir þessu var tekið og einnig nú þegar úrslitin lágu fyrir. Heyrst hafði af væringum milli tveggja aðal keppinautanna, Euro-bandsins og Mercedes Club. Fordómar og leiðindi stigmögnuðust, þ.á.m. um samkynhneigð Friðriks. 

Ég hef tilhneigingu til að halda með Friðriki Ómari í þessu máli, en útiloka þó ekki að Mercedes Club kunni að eiga sér einhverjar málsbætur. En Friðrik var auðvitað að vísa til trommuleikara Mercedes Club og tunna þeirra annars vegar og innihald þeirra skeytasendinga sem gekk yfir hann frá félögum og/eða áhangendum Mercedes Club  sem var til þess fallið að vera meiðandi og særandi, ekki síst gagnvart ættingjum og vinum Friðriks Ómars.

Friðrik Ómar hlakkar mikið til Eurovision-keppninnar