Áróðursmynd fékk styrk

Bók Andra Snæs, Draumalandið, fékk verðskuldaða athygli en óverðskuldaða viðurkenningu sem fræðirit. Bókin er uppfull af hæpnum vísindum svo ekki sé fastar að orði kveðið. Ímyndanir og ágiskanir hafa aldrei þótt kostur í útgefnu efni sem á að vera fræðandi og upplýsandi.

 Nú er kvikmynd væntanleg sem byggð er á bók Andra og fékk hún 12 milj. kr. styrk úr kvikmyndasjóði. Ég efast ekki um að myndin mun vekja mikla athygli og ég hef áhyggjur af því að hún verði viðurkennd sem fræðslumynd, ekki síst á erlendum vetfangi. Á erlendum vetfangi verða e.t.v. ekki til staðar aðilar sem koma til með að hrekja þær vafasömu fullyrðingar sem munu prýða myndina.

Draumalandið í bíó

Athugasemdir

[Árni Gunnarsson, 19.2.2008 kl. 11:38]

Beinar tilvitnanir í orð, samþykktir og pólitískar ákvarðanir eru alltaf góð undirstaða fyrir ályktanir. Svo kemur að úrvinnslunni sem leiðir til ályktana. Ályktun er sjaldan rökheld út í ystu mörk. Engin dæmi man ég um að ályktun í heitu, pólitísku máli hafi verið takin endanleg.

 En mér koma nú í hug orð manns sem ýmsir hafa tekið mark á. Þessi orð las ég einhversstaðar,-man ekki hvar?

"Ímyndunarafl er mikilvægara en þekking. Þekking er takmörkuð en ímyndunaraflið spannar alheiminn."- Albert Einstein (1879-1955) 

[Gunnar Th. Gunnarsson, 19.2.2008 kl. 12:30]

Hehe , já Árni, en það breytir því ekki að til þess að höfundarverk teljist fræðiverk þá þurfa staðreyndir að liggja á borðinu. Við skulum kalla hlutina réttum nöfnum.

[Árni Gunnarsson, 19.2.2008 kl. 16:19]

Hehe!

Mátti bara til að stríða þér svolítið!

Kv.

[Jón Baldur (IP-tala skráð) 20.2.2008 kl. 16:20]

Þú segir: "þær vafasömu fullyrðingar sem munu prýða myndina". Já það er greinlegt að þú ert sjálfum þér samkvæmur, aðeins fyrr í pistlinum segir þú:"Ímyndanir og ágiskanir hafa aldrei þótt kostur í útgefnu efni ".

hrummpf.....ert þú búinn að sjá myndina, eða ertu bara með hleypidóma?? Bókin var góð, vona að myndin verði það líka.

[Gunnar Th. Gunnarsson, 21.2.2008 kl. 10:35]

Jón Baldur: Mat mitt á bók Andra Snæs eru ekki hleypidómar.

Jón Kristófer: "Kárahnjúkavirkjun er undirstaða alvarlegra hagstjórnarmistaka, ásamt því að hún ætlar ekki að virka sem áhrifamikil byggðaaðgerð". 

Þetta er eindaldlega röng fullyrðing.

[Eiður Ragnarsson, 22.2.2008 kl. 05:02]

Ekki hef ég lesið bók Andra og ætla ekki að gera það nema ég fái hana gefins frá höfundi. 

En það litla sem ég hef heyrt vitnað í þessa bók, þá verð ég nú að segja að ansi áróðurskennd er hún, en það voru kanski bara verstu kaflarnir.

Og varðandi misheppnuðu byggðaraðgerðina... Þá segja íbúatölur á Reyðarfirði og öðrum stöðum hér fyrir austan eitthvað annað...

[Gunnar Th. Gunnarsson, 22.2.2008 kl. 08:37]

Í stuttri athugasemd Jóns Kristófers er hægt að krossa við 7 atriði, = rangt. Geri aðrir betur!