Það var gert grín að mér

 Á árunum 1976-80 var Queen mín uppáhalds hljómsveit. Sumir félaga minna fannst lítið til tónlistarsmekks míns koma, þeir voru að hlusta á eitthvað mun merkilegra sem engin man lengur hvað var, varla þeir sjálfir.

Á þessum árum hlustaði ég líka töluvert á Abba, en af fenginni Queen reynslunni þá hafði ég ekkert sérlega hátt um það. Ekki heldur að ég hlustaði stundum á kóramúsík og klassík. Svona getur félagaþrýstingur verið vitlaust fyrirbæri.

Söngskemmtun kórs Fjölbrautaskóla Suðurlands á Selfossi þar sem lögum hljómsveitarinnar Queen verður gert hátt undir höfði, verður haldin í vor og mikill fengur er fyrir uppákomuna að fá Magna til liðs við sig. Ég væri sko alveg til í að sjá þessa söngskemmtun.

Magni í hlutverk Freddy Mercury

Athugasemdir

[Anna Einarsdóttir, 1.2.2008 kl. 19:12]

Queen er frábær og Abba er merkilega klassísk líka.  Mér finnst frábært hvað Dilana nær Killer Queen rosalega skemmtilega.   Þau tvö, hún og Magni, gætu gert góða Queen sýningu saman og bara spurning að koma þeirri hugmynd inn hjá þeim.  Þú kannski hnippir í Magna. 

[Einar Bragi Bragason., 1.2.2008 kl. 22:36]

Sammála öllu nema að ég held að Magni hafi ekki nógu háa rödd í þetta.....Eiki Hauks nær honum aftur á móti vel.

[Gunnar Th. Gunnarsson, 1.2.2008 kl. 22:38]

Já það er rosalega erfitt að syngja lög sem Freddy hefur sungið og oft hef ég heyrt ágæta söngvara fara flatt á því. En það er þá kannski vegna þess að þeir hafa reynt að "gera eins" og hann. Dilana syngur Killer Quenn frábærlega.

[Ásgeir Rúnar Helgason, 2.2.2008 kl. 11:39]

Ég sé að við höfum haft svipaðan tónlistarsmekk. Ég hlustaði líka mikið á Johnny Cash á þessum árum og það þó nú bera vott um .... já, ég segi nú ekki meira um það.

[Gunnar Th. Gunnarsson, 2.2.2008 kl. 12:43]

Já ég hlustaði líka mikið á Dire Straight, Eagles, Jethro Tull sem seinna varð ein af mínum uppáhlads hljómsveitum, Cat Stevens.

Þungarokk og punk var aldrei minn tebolli þó eitt og eitt lag í þungarokkinu hafi getað komið manni í ákveðið stuð við vissar aðstæður. En með "Jóni Seðli" hefðu leiðir okkar legið sundur Ásgeir